Jólin hefjast ekki í Ikea...

Ég trúi því ekkert endilega að jólin mín hefjist með sprangi og spreði um IKEA. Forsvarsmenn í markaðsdeildinni reyndu að troða því inn í hausinn á mér nýverið, með því að pota bæklingi með sannfærandi og flennistórri fyrirsögn inn í póstarann hjá mér. Ef svo er; þá eru jól hjá mér umþb. einu sinni í mánuði, allan ársins hring. Mér þykir nefnilega ekkert sérlega leiðinlegt að fara í Ikea.

Um hvað snúast jólin eiginlega þegar upp er staðið? Fyrir mér geta jólin allt eins verið í júlí...fyrir mér snúast jólin um kærleika, ljós, þakklæti og gleði.  Hverjum degi ber að fagna. Hver dagur er gjöf.

Ég tók mig til á laugardaginn síðasta og þreif og skreytti einsog motherfucker...nánast hvern krók og kima í höllinni minni.  Ég þurfti að beita sjálfa mig valdi og setjast ofaná hendurnar á mér með mínum huge rassi...þegar ég var við það að fara að skreyta tréið...en það verður gert með sólargeislanum í lífi mínu; henni Sóldísi Hind ala meistara Jakobs.

Þarna á laugardeginum...þegar allt ilmaði og Baggalútur söng í þúsundasta sinn úr geislaranum fór ég á smá hugsunarfyllerý...í ljósadýrðinni umvafinn hvítum kúlum fylltist hjartað af þakklæti yfir því hvað ég er lánsöm manneskja, þrátt fyrir allt.

Sá sjálfa mig fyrir mér á Lækjartorgi með risastóran pott sem ég hafði fengið að láni frá Grýlu, að gefa útigangsmönnum og konum kjötsúpu á slaginu sex  á aðfangadag. Ég var í 66° norður appelsínu-galla. Ég var með hor í rauðsprunginni nös. Ég fór á þvílíkt flug í þessum pælingum mínum.  Ég var með áætlun um að hringja í Jóhannarsbónusargrísinn og Heiðu Heiðars (skessa.blog.is) hún væri nógu klikkuð til að framkvæma þetta með mér. Við tvær vorum komnar með tjald. Og vorum með húfur í stíl...og sitthvora ausuna...

...fyrir mér varð þetta svo raunverulegt og rómantískt að ég hringdi í kobbalinginn og sagði honum að vera með sólargeislann á aðfangadag. Er ekki komin lengra með plottið...kjötið skröltir enn um laust í haga...og heiðan er sjálfsagt búin að plana aðfangadag í faðmi fjölskyldunnar... og er kannski ekkert sérlega föl fyrir einu stykki blöðrubólgu, sem ég hefði þó presenterað fyrir henni á flottan og sjarmerandi hátt.

Hvað ég geri svo...má Guð einn vita.

Njótið dagsins ...að endingu; jólin hefjast ekki í IKEA

 

Vil hafa nærbuxurnar blautar!

Vá en yndislegt! Hvað er betra en að knúsast og kyssast? Ekki neitt...eða jú eitt eða tvennt.

Ég man þá tíð þegar mig dreymdi að um kærasta sem gæti sungið. Helst svona ælu-púkara einsog Michael Bolton. Væmintítlu með hor í nös...og gilti þá einu hvort hann væri með lítið....t........nef... Hann varð þó að lykta vel...en ég setti fyrir mig of öran hárvöxt í nefi. Þrátt fyrir að mig hafi aldrei dreymt um rjómatertu sem kjól við kirkjulega athöfn...finnst/fannst mér notó að eiga kæró...

...sko það er sem ég segi; ég er snillingur! Rím og allt á þessu dásamlega mánudagskvöldi...

Það rignir...ástæðan ku vera sú að ég er með nærbuxurnar mínar (þessar einu) hangandi til þerris á snúrunum, báðum. En ég vil alla jafna hafa þær rakar ef ekki blautar.

Talandi um fyrrverandi kærasta. Ekki einn einasti af þeim gat sungið svo mikið sem lag-stúf, skammarlaust. Einn var samt afbragðs harmonikkuleikari. Eitt áttu þeir þó sameiginlegt, sem sannar fyrir mér að Guð er til;

Þeir voru allir afbragðskokkar. Misgóðir -en góðir samt. Ég elska nefnilega að borða. Sjálfsagt eru þeir það enn, góðir kokkar sko...en það er fyrir aðrar kerlingar að njóta. Ég var svona nokkurskonar "smakkara-æfingar-pakki"hjá þessum gaukum. Kom með mínar athugasemdir af minni alkunnu snilld,  um það sem betur mætti fara. Einnig á öðrum sviðum. Útúr þessu komu afbragðs menn; made by me Heiða... Ekki hef ég fengið svo mikið sem eitt skitið takk frá þessum pjöllupíkum. Nei...öllu heldur meira í ætt við morðhótanir og limlestingar. Kerlingar sumar eru ogguklikk og vanþakklátar tíkur. Það er annars ekkert slæmt að vera kvenkyns hundur.  

Drulluskit-þreytt daman, en er nú samt sem áður að fara að gera eitthvað miklu skemmtilegra en að sofa í hausinn á mér...

...nefnilega að lesa

Sáust kyssast og knúsast

Er Vatnajökull stærri en Reykjavík?

Ég áttaði mig á því, þegar ég las Heimsins heimskasta pabba um daginn eftir snillinginn; Mikael Torfason að ég og aðal söguhetjan eigum ýmislegt sameiginlegt. Lukkulega fyrir mig þá er ekki búið að sauma fyrir rass-gatið mitt einsog hjá þessum glataða gaur með uppsetta saurpokann, á maga miðjum...límdum og festum með hárlakki. Skildi nokkurn undra að hann dreymi um það eitt að reka við...fast og hressilega. 

Ég hinsvegar er blessunarlega sáttur "laumuprumpari" og nokk sátt með sjálfa mig og mitt....annað en þessi gæi sem staðsettur er, í  tilvistarkreppu dauðans...

....enn...

....ég átti þessi sömu draumóma og hann. Mig dreymdi um að vera einhverskonar Palli/palla einn/ein í heiminum. Rómantískar hugleiðingar mínar samhliða þeirri að verða vörubíll þegar ég yrði stór, hafði klárlega með aðstæður mínar í uppvexti að gera.  Mig dreymdi um að frysta fólk og bíla. Já bíla...hafði orðið fyrir því óláni að bíll keyrði yfir mig þegar og braut á mér annan grindhoraða stúfalegginn. Mig langaði einhvernveginn að fljúga frjáls með fuglunum inn á milli. Nappa mér smá mátulega af nammi og pota og pikka í fólk...pot og pikk sem ég þekkti svo vel...

...svo hefði ég alveg verið til í að kíkja ofan í nærbuxurnar hjá Kidda og athuga hvort hann var komin með hár á punginn, í öðrum bekk.... Sjálfsagt voru eystun ekki einu sinni dottinn niður í pungpokann en það er allt önnur saga. Mér fannst Kiddi svo stór og sterkur og ógnandi og flottur. Hann var í mínum huga fallegasti strákurinn í öllum heiminum...

...ég var skíthrædd við Kidda.  Hann var ötull í að  stríða mér og óspar í þeirri viðleitni að gera líf mitt að enn meira logandi helvíti. Ég man að á þessum árum, í "grunninum" þá upplifði ég mig sem lítla gráa og ljóta mús ...sem og ég var. Meira að segja samið um mig lag og texti...

Þetta atvík sem um ræðir (þegar ég loksins kem mér að efninu ) var rétt fyrir miðju,  þegar "hryllingurinn mesti" stóð yfir... á heimilinu.

Fyllerý á fyllerý ofan -geðveikin sullaði á  toppnum og toppaði síðan viðbjóðinn með bleikri drullu...undirspilið var; -skál! -skál! - skál! Rammfalskt...

Ég var taugaveiklaðasta kvikindið á skólalóðinni - hræddist snjó meira en dauðann. Ég var utanveltu og utangátta. Eitt sinn þegar ég sat aftast í Landafræðitíma, þar sem Ingibjörg var kennari, skeði það.  Atvikið sem ég er umþ.b. að reyna að koma frá mér ....hehe 

Í mínum huga var Ingibjörg kennari engill á jörð...svo falleg, blíð og góð...ég man líka þegar hún hallaði sér yfir öxlina mína, hvernig hún ilmaði og einnig að hún var alltaf pínu andfúl... Ég gjörsamlega dýrkað þennan kennara minn...með síðu ljósu lokkana og fegurð sem ekkert jafnaðist á við, undir sólinni. Ég þráði athygli hennar alla. Átti mínar fantasíur um að hún gengi mér í móðurstað...

...þarna semsagt sit ég skjálfandi í kennslustofunni...af kulda og einhverjum verri innvortis kulda. Ég veit ekki hvað varð til þess, að ég sá einhvern uppburð í mér til að lyfta upp hönd og spyrja í barnslegri einlægni;

-er Vatnajökull stærri en Reykavík?

Bekkurinn sprakk úr hlátri ...líka Ingibjörg kennari. Allir hlógu. Nema ég. Kiddi hló einna hæst. Mörg árin á eftir og langt innanundir unglingsárin...gólaði hann á eftir mér;

-Heiða, er Vatnajökull stærri en Reykjavík -er Vatnajökull stærri en Reykjavík...

...ég fann til smægðar minnar, vanmátts og hversu heimsk ég var og langði helst til að deyja á punktinum og stundum á eftir líka...

Atvikið man ég einsog það hafi skeð í fyrradag, þrátt fyrir að rífleg þrjátíu ár séu liðin. Ég hef fylgst með Kidda í gegnum árin úr fjarlægð...hann er í dag myndarmaður sem hefur spjarað sig flott í lífinu. Á konu, börn og að ég held hús. Ég veit að hann á dómaraflautu...einnig bil sem kemst afturá bak og áfram. Ég er nokk viss um að Kiddi á  gemsa sem hringir!

Það á ég líka... ég get hringt, tekið við símtölum, tekið myndir og hvaðeina...

...mér eru allir vegir færir -rétt einsog Kidda...

 

Að láta taka sig í rassgatið -eða að láta taka sig í rassgatið!

Jæja englalufsurnar mínar, þið eruð yndisleg, öll sem eitt. Misjafnlega mikið yndisleg samt.

Finn hjá mér einhverja fáranlega þörf til að viðhalda NOVA dæminu mínu eitthvað örlítið áfram. Svona rétt áður en ég set upp augnahárin -áður en ég skáskýt mér í leikhúsið...

...takk fyrir mail-ana á hottið -takk fyrir athugasemdirnar allar.

EN...

Allra kærleiksríkustu commentin og versta hatrið fæ ég á [e-mail]...þannig er það nú bara. Til ykkar sem eruð svo frámunalega tepruleg/ar/ur... vil ég benda á eftirfarandi;

þegar ég tala um að láta taka mig í rassgatið...þá er ég ekki að tala um að láta taka mig í hið eiginlega rassgat.  Þið sem lesið það úr textanum og finnst ég óviðeigandi eruð greinilega að hugsa um endaþarmsmök...bendi ég ykkur á, af góðmennsku minni,  að lesa í Orðinu í stað heidathord.blog.is.  Ég gæti átt það til að ýta undir sorahugsunarhátt einhverra með miður góðu orðalagi, sem ég nota einungis í áhersluskyni.

Ber að vara ykkur við; jafnvel í Biblíunni sjálfri er talað um dauða og djöful! Veit ekki með rassgat...ekki komin svo langt.

Ég vil ennfremur ítreka að ég var ekki að skíta út fyrirtækið sjálft; Nova. Málalok fóru langt fram úr mínum björtustu vonum. Ég hef alla tíð verið sátt við þjónustuna...en að sjálfsögðu geri ég mér það ekki að góðu að símtækið virkaði ekki sem skildi. Símtæki í ábyrgð. Svipað og ég myndi kaupa mér splunkunýjan bíl úppúr kassanum. Bíllinn kæmist ekki áfram, aðeins afturábak.

Símtól eiga að vera búnir þeim kostum að hringja. Einnig á að vera hægt að hringja úr þeim.

Forsvarsmenn Nova sprengdu gjörsamlega hæsta skalann hvað varðar þjónustu gagnvart mínum titlingaskít. ( tepra jónsdóttir/son ; -ég er ekki að tala um að tittlingar skíta/skíti...)

Ég er meira en lítið sátt við Nova-menn og konur...eiginlega orðlaus! Himinlifandi. Toppurinn hefði auðvitað verið ef ég hefði fengið áletraðan bleikan bol sem á stæði; Heiða ofurskutla er viðskiptavinur ársins hjá Nova...

Eigiði svo góða helgar-rest....fjörið er rétt við það að hefjast...

Á náttslopp....

Mér stóð hreint ekki á sama í dag í vinnunni. Þarna var karlmaður...á gólfinu miðju. Stóð þarna og var í engum takt við samferðamenn sína, sem heimtuðu að fá að éta og það strax.

Við erum að tala um frekar fallegt kvikindi hérnamegin! Ég gjóaði til hans ská-eygðu augunum mínum og var það nú ekki einungis fegurð mannsins sem fangaði athygli mína. Neibb...hann var nefnilega í slopp. Við erum að tala um að gæinn var í náttslopp á matsölustað! 

Mér datt allt í einu í hug, Valsarinn Wium eða hvað hann heitir. Man eftir fögrum og stæltum leggjum og killer- augum...en man ekkert hvað hann heitir. Enda aukaatriði. Hann var einmitt í náttslopp þegar hann tók þátt í tískusýningu sem ég kom að, fyrir um tveimur árum síðan. Það er síðasti fallegi karlmaðurinn sem ég hef séð á náttslopp. Svo þessi... ekki svo mikið ósvipaðir, úr fjarlægð.

Starfsmaður bauð honum þjónustu sína...en hann vildi fá að tala við Heiðu Þórðar...

... það er með ólíkindum hvað ég get verið ör í hugsun -á augnabliks og örskotshraða. Ég ýmindaði mér að gæinn væri strokufangi af kleppi...svo hugsaði ég; hvort  hann væri nokkuð einn af þeim sautján...sem ég hef búið með... Klepparaconseptið var ekki að gera sig heldur...ekki gat hann verið frá einhverju innheimtufyrirtækinu...

Þegar ég svo tók í hendina á honum og hann kynnti sig...nánast dó ég á staðnum. Hugsaði um blótsyrðin og fuck-in í fyrri færslu. Einn af yfirmönnum NOVA var mættur á staðinn minn og það á náttslopp. Baðst afsökunar fyrir hönd fyrirtækisins og vildi bæta mér upp óþægindin sem hann og gerði. Smáralindar-Kalli minn toppaði svo góð málalok á náttbuxunum sínum. Hann valdi fyrir mig nýjan síma og að auki bauð hann mér sex - sinnum í bíó! Ekki amaleg málalok. Ég er himinlifandi og glöð og ánægð og sátt.

NOVA rokkar feitt !!!

Ekki reyna að hringja í mig um helgina. Ef ég verð ekki í bíó...þá verður klárlega á tali hjá Heiðu þórðar...

Góða helgi öll sem eitt. Kærleiksknús á línurnar allar...

es: allir yfir til Nova...nú stendur yfir náttfata-þema hjá stærsta skemmtistað veraldar... þó ekki væri nema að kíkja rétt aðeins... á náttfötin sko...

Ég er brjáluð!

Alveg finnst mér hreint ógeðslega sárt að láta taka mig í rassgatið, ég segi það satt! Til að toppa það; mér finnst það þræl-leiðinlegt líka...

Þetta átti að ganga allt svo smurt og flott....nei nei...þetta er orðið langdregin og drulluleiðinlegur, tímafrekur andskoti!  Einhverju sinni hefði ég látið slíkt liggja milli hluta...látið einsog ekkert hefi í skorist...látið einsog ég hefði ekki tekið eftir því, en satt að segja hef ég ekki þolinmæði í mér í dag, að láta misbjóða mér. Ekki með neinum hætti, þó svo látunum sé ekki fyrir að fara hjá mér í dagsdaglega.

Svo finnst mér í lagi að láta þið ykkar sem stundum teljið þúsund á dag, sem heimsækið síðuna mína, vita. Ef þið skilduð vera að hugsa um að skipta um símafélag.

Satt best að segja skemmti ég mér mun betur áður en ég kynntist;  "stærsta skemmtistað í heimi"... einsog "sloganið" staðhæfir...

Ég lét heillast af tilboði Nova. Fór frá Tal-i með gemsann þrátt fyrir að ég væri mjög sátt við þjónustu Tals-manna. Nova í mínum huga var ungt, framsækið og svolítið töffaraleg nýjung á markaði. Ég valdi mér gull-númer og borgaði einhverja skitna þúsundkalla fyrir... og nýjan síma...

...síminn var tekin á einhverjum tvöþúsund-karla kjörum... í eitt ár..eða voru það tvö? ekki ónýtt það! Að ég hélt.

...nema fyrir það eitt; ég hefði allt eins getað verslað mér einnota gsm-símavatnsbyssu í Tiger, sem er staðsett við hlið "útibús-ins", í Smáralindinni . Síminn reyndist þvílíkt helv. drasl...að ekki nóg með að ég hafi notið samvista hans sem minnst á þessum mánuðum...þar sem hann er alltaf í viðgerð...hann hefur verið tekin úr sölu!!! Núll nýting hvað þá ending.

Til þess að gera langa sögu ör-stutta... hringir síminn minn alls ekki. Ég lít nú á, að það sé eitt megin-atriðið; símar eiga jú að hringja og hægt á að vera að hringja úr þeim. Skítt með myndavélina. Hann er nú í viðgerð í þriðja sinn. Ég fæ honum ekki skipt út fyrir annan á þeim forsendum að sama bilunin eigi ekki við í öll skiptin. Þvílík fáranleg rök! ....ítreka að símtækið er ekki lengur í sölu hjá þeim...I wonder why...nokkurra mánaða kvikindi!  Einnota í þokkabót!

Nú vilja einhverjir pappakassar og jólasveinar, sem ég hef ekki einu sinni andlit á, hvað þá nafn,  í einhverjum tækni- og viðgerðardeildum út í bæ...taka nýja símann minn upp í annan nýjan...á 10 þúsund spírur eða 15! Stóð í þeirri meiningu að um ársábyrgð væri að ræða! Hélt það væri nú bara lögbundið fyrirbæri!Það er ekki einsog ég drulli peningum, andskotin hafi það! Hvað þá að ég hafi áhuga á að versla annan síma hjá fyrirtæki sem sýnir viðskiptavinum þvílíka óvirðingu. Neibb!

Til einhverrar hamingju fyrir forsvarsmenn NOVA eru þeir með frábært starfsfólk í Smáralindinni. Í einu orði frábært, þjónustulundað og velviljað. Það er smá uppbót fyrir það hversu vonsvikin ég er í heildina að hafa átt viðskipti við þá/þau. Ekki öfundsverð staða að færa rök fyrir þessa hallærisviðskiptahætti, þrugli og langdregnu vitleysu! Í enda dags; ég er enginveginn að fá það sem ég lagði upp með, með því að færa viðskiptin mín yfir til NOVA! Ég hef ennfremur núll húmor fyrir auglýsingunni sem birtist hérna blikkandi,  hægrameginn á síðunni minni lengur.

Ég er brjáluð!

Nýtt símafyrirtæki einhver?

Njótið kvöldsins...

Fólk getur verið svo andstyggilegt!

Ég lenti í þeirri aðstöðu í dag að ég hitti mann. Menn og konur, börn og unglinga.

Allt í góðu með það, nema útaf aðstæðum mínum í aðstöðunni var ég nokkurskonar fulltrúi hópsins, ef svo má að orði komast. Þurfti að sýna fótgangendum kurteisi, "chatta" og vera hlýleg,   sem bæðeivei er stimlað og straujað á annað brjóstið á mér og undir naflanum einnig. Það er í raun mér eðlislægt að vera góð, þótt að ég líti út fyrir að vera gribba dauðans.

Inn kemur maður. Ég hefði misst andlitið nema fyrir það eitt; að mér rétt tókst að grípa það áður en það klesstist á flísarnar við tærnar mínar, fallegu. Með höndunum.

Verð að segja að Guð var aðeins of mikið og of rúmlega gjafmildur þegar hann splæsti í nefið á vesalings manninum. Allavega verulega annarshugar eða dead-drunk! Shitturinn! Hef aldrei séð annan eins stóran og feitan nebbagogg... Á nefið vantaði svo stórt stykki í ofanálag. Heil hola! Heill biti! Farinn! Hægramegin. Einhver fugl sjálfsagt bitið hann og étið partinn, kannski var skipt til jafns við sig og sitt, bróðurlega. Vonum í lengstu lög að engin hafi kafnað úr hor...

Ég veit ekki afhverju, en mér datt í hug Framsóknarflokkurinn. Stend á því fast að framsóknarflokkurinn sé ekki einu sinni bóla...öllu heldur hola.

Þegar ég tók eftir að fólkið starði á blessaðan manninn í forundrun, gerði ég mér sérstakt far um að vera alúðleg. Ég splæsti á hann, mínu allrahelgasta og fallegasta sparibrosi sem ég get framleitt; sko on-the-dot! 

Gjöf mín til hans.

Fólk, ég meðtalin, getur verið svo assssskoti andstyggilegt.

Góða nótt elskurnar

Ég er veðsett! og við það tapa sjálfri mér ...

Samkvæmt nýjustu fregnum frá fósturföðurnum erum við skuldsett upp fyrir hatt og haus. Hvernig verður  það þegar kemur til gjaldþrotaskipta? Allt verðmæti er hirt upp í skuldir. 

Einhvernveginn finnst mér að einu verðmæti þessa lands séu lifandi einstaklingar. Að einstaklingar með vit og hæfileika séu þeir einu og það eitt sem er einhvers virði og nothæft og endurnýtanlegt,  upp í brotabrot af því sem þarf nú að gjalda fyrir. 

Varla hirða þeir nokkuð annað en hugvit íslensku þjóðarinnar...og endurnýta. 

Eitthvað er til að framúrskarandi viðskiptajöfrum og eldkláru fólki.... svo ég tali nú ekki um fegurð íslenskra kvenna og hæfileika fólki sbr. Björk og fleirri. Dísirnar sé ég fyrir mér þjónandi til borðs  erlendis með auðmýkt á hælum háum, án "tips", þrátt fyrir örlát bros, hægri vinstri . Björk syngur einsog mother-fucker... Bubbi gaular og Sigurrós spilar undir. Hera verður bakraddarsöngkona og og og ....

Ekki einn einasti póló-tík verður nýttur...ok ok kannski tveir eða þrír....

Og afþví ég er svo föst með hausinn í eigin rassgati og þar ofan á er ég sjálfmiðað kvikindi, hugsa ég með hryllingi hvar "þeir" koma til með að staðsetja mig... ekki bakraddarsöngkona svo mikið er víst.

...kannski á kassa í einhverju "mollinu"...gratís. Nei mér er varla treystandi til þess að höndla peninga, þar sem ég er að því er ég best veit, af íslensku bergi brotin.

Ekki gæfuleg framtíðarsýn.

Samt er ég bjartsýn sko....

Ætla að láta tattovera hval á rasskinnina...

Mér er svo mál að ég er að drepast! Ég er í þvílíkum spreng! Hjálp!!!!

Vandamálin eru tvennskonar; ég á ekki klósettpappír fyrir það fyrsta og svo; hef ekkert til að blogga um!

Hvað gerir maður þá? Maður einfaldlega drullar einhverri steypu út úr puttunum sínum og þvær munninn sinn á eftir upp úr sápukúluvatni. Að lokum og að endingu biður maður Guð Almáttugan að hjálpa sér. Svo er hægt að hringja í mömmu, til að fá hugmyndir...öss...nei ég læt vaða bara og er ekkert að flækja þetta með því að blanda kerlingunni í málið.

Dagarnir mínir undangengnu hafa verið dásemd. Mér tókst að hitta á göngin og slapp við bevítans myrkvaðan Hvalfjörðinn. Var og er svo stolt af sjálfri mér að ég er að hugsa um í fúlustu alvöru, að láta tattovera hval á aðra rasskinnina. Kanski bara hvalsunga-pung...þar sem "speisið" er ekkert alltof flenni- hvað þá ýkja stórt!

Einhverjum kann að finnast þetta lítið afrek, en fyrir mig prívat og pers..er þetta á við að hlaupa fyrir íslandshönd á heimsmeistaramóti í maraþoni á sokkaleystunum, allsber þar utan og í hjólastól.

Og vinna!

Ég er fucking snillingur! Svo einfalt er það!!!

Var allt í einu að velta fyrir mér hvar gaurinn er staðsettur í veröldinni, þessi sem bað mig um eiginhandaráritun fyrir um einhverju síðan. Ég var örlíitð upp með mér til að byrja með, eða allt þar til hann fann sig knúin, til að segja mér að franskir karlmenn væru vel vaxnir niður. Jebb....þessi gutti var að koma úr sundlauginni þar sem hann hitti fransman í sturtu...og sagði mér í framhjáhlaupi að íslenskir karlmenn væru smá-tillar í samanburðinum. Áhugi minn á  frönskum typpum er lítill þó mér finnist franskar kartöflur afbragð. Sér í lagi þær ör-smæstu.

Íslenskt -já takk, segi ég ...og stend við það. 

Var annars að setja í uppþvottavélina áðan og setti sápumolann í ruslið...bíð ekki í það ef ég færi nú að hengja út á svalir í þessu annarlega ástandi mínu, sem samanstendur af samþjappaðri og langvarandi þreytu...ásamt "dash-i"  af svefnleysi. Með örlitlum vott af bleikum  "worries" (áhyggjum) á toppnum eða ...on the top.

Annars er ég þrusugóð!

Kossar og kærleiksknús á ykkur öllsömul 

 

 

 

Mig vantar klósettpappír!

Þegar umrædd frétt í sjónvarpinu birtist í gærkveldi, var ég að úða á mig og í, einnota pizzu. Fallegasti bróðir minn samkvæmt umsögn móður okkar, hafði sofið af sér matseldina...allt lokað og læst...hann svaf á sínu grænasta jólakorti. Ég stóð með sólina á öðrum "arminum"  á hælum háum , bankandi gargandi ...og eypandi fyrir framan herbergisgluggann hans.

-ertu að reyna að drepa mig úr kulda!? vaknaðu!? Svo blótaði ég þessum landshluta fyrir kulda og sífellt rok og rassgat!

Fallegasti bróðirinn býr heima hjá föður "besta" barnsins af sex, einnig samkv. umsögn, suður með sjó.

Hef ekki enn fundið minn sess mitt á meðal, nema þetta með fallegustu tærnar og bakið.

Pizzuræfillinn smakkaðist hreint vel ... en eitthvað stóð hún á sér í öndundarfærunum,  þegar ég horfði á "vanþroskaða " unglinga og hóp fólks húfuklætt með spjöld fyrir framan ráðhúsið. 

Ég er ekki að sjá að þetta leiði eitthvað til góðs. Ég er ekki að sjá að þetta leiði til neins! Nema aukaútgjöld við þrif og nokkur tré og að hænurnar verpi meira en áður, eða einsog "mother-fucker-ar".... Er kannski offramboð af eggjum?  Að sóa og henda eggjum og klósettpappír að húsinu er algjörlega steikt, að minu viti. Nær hefði verið að dúndra þessu snöggsoðnu eða steiktu, inn í ísskáp hjá mér. Nú eða klósettpappírinn! Mig vantar klósettpappír... gæti skrifað einsog eina örsögu á pappírinn...ha!

Á meðan einhverjir af okkar fremstu tónlistarmönnum leggja sitt af mörkum til að "þjappa" þjóðinni saman af góðum hug, gefa vinnu sína í því yfirskini að benda á það sem skiptir máli, þ.e. kærleikinn. Þá grasserar lágkúran mitt á meðal.

Var að velta fyrir mér hvort þeir sömu, þ.e.a.s. egghænurnar/chicken-in ...; hafi mætt í höllina á tónleikana eftir að hafa hvítþvegið eggjarauðuna af fingrum sér með...

...mótmælast og faðmast. Þjappast og þjösnast...

 

 

Þinghúsið þrifið