Bráðum koma blessuð jólin...

... og ég byrjuð á aðventukransinum. Ekki seinna vænna þar sem eru 89 dagar til jóla. Ein af uppáhaldstölunum mínum...sonur minn er fæddur "89.

Aðventukransinn minn samanstendur af þrem kertum. Ekki hefðbundinn í neinum skilningi. Kertin eru úr spritti og þrír rauðir glervasar halda utan um kertin. Þau standa fyrir; Trú, von og kærleika.

Alveg hreinasti sannleikur. Sem fyrr ætla ég að vera svolítið mikið öðruvísi. 

Ég á eftir að bæta við hann...breyta alveg fram á síðasta dag...útkoman verður hreint glæsileg.

Ég lagði inn á son minn 5.555- kr. í dag úr heimabankanum. Lét staðfesta greiðslu með sms-i til hans. Og beið. Hann hringdi og sagði;

-mamma, afhverju 5555- en ekki 5000?

-bara svo þú myndir hringja í mig elskan! Svo fannst mér þetta miklu flottari tala.

-ha, já já......ok, annars er uppáhaldstalan mín "69 sko!

Svo spjölluðum við saman smástund.

Eftir að ég kvaddi hann þá fór ég aftur inn í heimabankann, lagði inn á hann 69krónur....staðfest greiðsla með sms ...beið smá stund og sendi honum eftirfarandi kveðju á símanum;

...segðu svo að mamma þín geri ekki allt fyrir þig!

Ég fékk feitan broskarl tilbaka.

Er alvarlega að hugsa um að vera ekki á landinu á jólunum. Á heimboð erlendis. Feðurnir hafa börnin samkv. samkomulegi. Þannig að frk. Heiða litla, verður annaðhvort í útlandinu eða vælandi ofaní kaldan kaffibolla étandi brennda pizzu...

 

 

 

 

 

Verðmerktar tennur takk!

Hvurslags viðkvæmni er þetta?! Hvað er vandamálið?! Hvað er leyndarmálið?! Ég veit það og þið vitið það!

Sé í hyllingum, þegar gjaldskrá tannlækna tekur gildi samkv. frumvarpi sem lagt hefur verið fram.

Tannlæknar æfir?! Einmitt! Með þá alla saman í Húsdýragarðinn, þeir geta slegist þar og farið í slökun/gufubað... í t.d. Laugum á eftir...til að ná sér niður.

Sé fyrir mér glerskáp á biðstofum stútfulla of allskyns tönnum og gómum. Verðmerktum tönnum...Gómur stakur í efri góm með 12. stk. sjálfstæðum tönnum kr: 250.000,- (án vsk) íssetning og tannlím ekki innifalið í verði.

Stakar tennur á tilboði; 20% afsláttur -aðeins þessu einu helgi... svo koma nýjar tennur í tísku að vori og þá hefst rýmingarútsala; 50-70% afsláttur. Fyrstir koma fyrstir fá!

Notaðar tennur (sbr. Góði Hirðirinn)...gefins tennur gegn því að vera sóttar. Bara sem dæmi! Snilld.

Fyllingar sætu í einni hillunni á tannlæknastofum, í allskyns litbrigðum og mg. verðið ...auglýst til hliðar í gullnum ramma.

Sprauta lægi á annarri hillu...100% skothelld gæðadeyfing aðeins kr; 5.000,-

Myndataka kr: 6.000,- (innifalið í verði mynd á diskling...og útprentun í lit)

Vinna pr. klst. kr: fast verð..., ansi hrædd um að maður þyrfti að dúsa lengur í stólnum...en

hvað er málið?

Ég heimta að fá þetta frumvarp í gegn. Rétt einsog ég hef rétt á að vita hvað bensínlíterinn og brauðið mitt kostar!

Eigið yndislegan þriðjudag elskurnar

Fékk dónaleg bréf frá tannlæknunum

-mamma, jú kúkaðu...stórum kúk!

Ég var á keyrslu með stelpuna mína hálfdottandi í aftursætinu á laugardaginn sl. Vildi fyrir allan mun halda henni vakandi, þannig að hún færi nú ekki of seint að sofa, um kvöldið. Svo var mér svo hrikalega mál að pissa! Nærtækast var að stoppa í Ikea, á þeirri leið sem ég var á.

Ákvað því að slá margar pöddur í mörgum rothöggum og kíkja við. Ungri konu á uppleið í lífinu vantar, jú... alltaf eitthvað smálegt í bú-ið.

Þangað fórum við og einsog mér er illa við almenningssalerni, þar sem ég hef heyrt ósköpin öll af sýkingarsögum, sem fólki flestu nægir ekki að plástra. Lét ég mig hafa það, enda hefði ég aldrei náð heim til mín. Ekki ætlaði ég að pissa á mig.

Það þurfti heilmikla djörfung, skal ég segja ykkur!

Ég stoppaði örstund við dyrnar, svo opnaði ég hugrökk. Grafarþögn ríkti þrátt fyrir að öll salernin væru upptekin fyrir utan eitt. Við mæðgur fórum inn á salernið og vel-klóssett-pappíruð var setan þegar ég settist á hana. Með annarri rasskinninni. Ætlaði að vanda mig alveg sérstaklega rétt einsog hinar...þannig að engin og enginn myndi vita hvað um væri að vera. Að Heiða Þórðar væri að pissa...karlinn á efri hæðinni gæti lært af mér trix-ið, ef hann bæði mig kurteisislega. 

Og Sóldís segir hátt og snjallt svo glumdi yfir allt og allt og alla;

-Mamma ertu að kúka?

Ég leit á hana með örvæntingu og sagði;

-nei, elskan mamma er að pissa...svo setti ég aðeins í brýrnar...

Hún segir í sama tón;

-mamma jú, kúkaðu....Stórum stórum kúk....svo brosti hún sínu breiðasta.

Þögnin var svo mikil að hún var nánast hávær...undir söng dóttir minnar; stóran kúk, stóran kúk....

Svo pissaði ég afar afar hljóðlega einsog stallsystur mínar sem sátu á hinum setunum...

Þegar við komum út af salerninu og ég stend við vaskinn, standa þarna tvær dömur. Flóttalegar og skömmustulegar, einsog þær hefðu verið að gera einhvern óskunda þarna inni á klósettinu.

Afhverju er almennissalerni svona opin niður við gólf og upp í loft? Hvað er málið með að einhver heyri mann pissa? Það er helst þegar fólk er drukkið all hressilega að það "skvettir úr henni frussu sinni"...þetta var náttúrulega óskaplega kvenlega orðað og alls ekki frá mér komið...

Ég velti fyrir mér hvernig þessi athöfn  fer fram á karlmannasalernum....þar sem eru skálar. Rýmið er opið. Eitt er ég næsta viss um....þeir kíkja til hliðar...beggja hliða

Góða nótt elskurnar mínar.

es; ef þig leitið logandi ljósi af stafsetningarvillum, kasta ég allri ábyrgð af mér og yfir á Jens Guð. Hann var ráðinn til starfa fyrr í vikunni, við prófarkalestur. Hef ekkert heyrt varðandi þetta atvinnutilboð og lít svo á, að þögn sé það sama og samþykki.

Ásláttarvillur skrifast á mig. Sendið mér reikninginn!

Hæ, bara komin?

Þið getið ekki þrætt fyrir það að ég hef kennt ykkur ýmislegt! Og upplýst lika.

Smá upprifjun; klór virkar vel á fæðingarbletti. Freknur eru kossar frá sólinni, gyllinæðakrem virkar flott við baugóttum augum og svo er það uppþvottalögur á hvíta kraga sem litast hafa af make-uppi.

Ef þið skilduð vera svo heppinn, að eiga bíl með sprungna framrúðu þá veit ég um frábært verkstæði...

Ég og Sóldís mín héldum út í daginn....hún tók ekki annað í mál en vera með þau allra ljótustu sólgleraugu sem fyrir finnast í Bó.......nei hætt að versla við karlinn! Hann hefur enn ekki borgað mér og ekki einu sinni eitt lítið skitið sms....ég tek það ekki sem afsökun gilda að hann sé búin að tína númerinu mínu...

Við förum út í sólina og upp í bíl, lukkulegar með splunkunýja framrúðu gærdagsins...og sólgleraugun mín sem annað glerið hafði dottið úr í veskinu, til að gera upp... (4.985,-m/vsk...)

Og þarna var hann þessi elska sem skipt hafði um rúðuna....og segir;

-Hæ, bara komin!

-Jebb.....svo förum við inná skrifstofuna og hann kýmir þegar hann sér Sóldísi mína með íslenska fánann (buff) á hausnum og afar litrík sólgleraugu á nebbagogg. Og bleikt veski. Bleikt veski með kisu.

Ég segi við hann;

-Ég var að spá, ég var svo asskoti hrifinn af því hvað þér tókst vel upp með framrúðuna, heldur þú að þú reddir þessu ekki fyrir mig?

Rétti honum gleraugun og glerið. Grafalvarleg!

Hann svona; - jú ahhaaa.... jújú....bíddu aðeins.....svo fór hann þreif á sér hendurnar og smellti glerinu í gatið. Útkoman; þessi fínu gleraugu.

Ég glotti á leiðinni út þegar ég sagði; þú lætur tryggingarnar bara borga elskan!

Hann stóð og .........ja bara stóð. Og þegar ég kíkti út um baksýnisspegilinn þá stóð hann enn í sömu sporunum!

Mér fannst þetta alveg geðveikislega fyndið moment.....og ekki var það til að skemma fyrir að gaurinn var flottur líka!

Síðan héldum við í bæinn.....hún með gleraugun....við inn i einhverjar búðir og bankastofnun....flestir litu á hana...og hlógu eða brostu.

Mig langaði til að setja á hana skilti; Mamma ber enga ábyrgð á þessu look-i!

Svo sáum við um að endurnar fengju sitt....þá var hún nú búin að taka niður gleraugun, til að hitta örugglega í hausinn á fuglunum. Við fengum okkur sæti á einum af "glámbekkjunum", við tjörnina í yndislegu veðri. Endurnar alsælar og við líka. Á næsta bekk sat  maður. Allt í einu stendur kona fyrir framan okkur og spyr á ensku hvort hún megi taka mynd af stelpunni. Hún kynnti sig sem ljósmyndara og sýndi mér útgefnar bækur.

Ég segi jú jú....viltu að ég setji á hana sólgleraugu?

-Nei, nei ég vil ekki taka mynd af þér....ég vill bara mynd af henni... hún hafði greinilega eitthvað misskilið mig og haldið að ég hefði spurt hvort ég ætti að taka niður gleraugun....mér leið einsog bjána...

Svo tók hún myndir, spurði um nafnið á stelpunni, þakkaði pent fyrir sig og hvarf á braut.

Ég sný mér að karlinum á næsta bekk og segi;

-hvað var nú þetta?

-sorry?

Á fimm mínútum tókst honum að fræða mig heilmikið um sjálfan sig. Hann var íslendingur, búsettur sl. 37 ár í Ástralíu, átti fjóra stráka, fráskilinn, moldríkur, hann hyggst búa hér og í Ástralíu. Búin að kaupa sér lóð í Mosfellsbæ. Búin að panta sér einhvern sérútbúin jebbaling...búin að sjá Gullfoss og Geysi. Húsið verður tilbúið á næsta ári og bíllinn líka....ofl. (ég var þreytt á að rembast við að pota inní yes annað slagið....)Ég var alltaf svona kurteislega að reyna að kveðja, hann gaf stelpunni minni lyklakippu frá heimalandi sínu.....og þegar ég labbaði í burt og inn í ráðhús segi ég við Sóldísi mína;

-hvað var nú þetta?

-veit ekki.....

Á leið okkar úr ráðhúsinu gengum við yfir Austurvöll....og þar hittum við hann aftur! Þar sem hann sat í makindum á öðrum glámbekk!

En punkturinn með þessu er að ef þið einsog ég sagði áðan eruð með sprungna framrúðu, takiði endilega gleraugun ykkar með! Brotnar styttur og annað svona smálegt. Alveg væri prófandi að biðja gæjann að hlaða fyrir ykkur símann í leiðinni.....! Tryggingarnar borga! Snilld!

Bleikir, rauðir og grænir kossar frá mér inn i nóttina....love you quys á dönsku...

 

 

 

 

 

 

og skal...

...engan undra!

„Skammarlegasta tímabil ævi minnar“

og ég veðjaði...

...alltaf á vitlaust!

Högna Sigurðardóttir hlaut heiðursverðlaun Íslensku sjónlistarverðlaunanna

Kynsvelti-áfall

Ég átti samtal við kæra vinkonu fyrir nokkrum dögum. Sú ræktar Guð sinn af alúð, sækir ma. samkomur og les í Bibliunni mikið..., hún er yndisleg manneskja. Ég trúi á Guð og hið góða, en ástunda ekki trú mína af jafnmiklum eldmóð og sumir. Ég þakka daglega fyrir það sem ég á, bið hann að blessa börnin mín og allt og alla. Ég get ekkert skilgreint minn Guð, en ég skilgreini hann sem mér miklu miklu meira og æðri. Ég trúi að hann viti sínu viti. Þó stundum skilji ég ekkert í honum.

Samtalið vakti mig samt til umhugsunar um trú. Bara svona almennt. Í beinu samhengi þá við mig og mína trú, ekki annarra.

 ... ég fékk ábendingu frá þessari vinkonu minni, að ég svona falleg kona ætti ekki að nota blót og vera með þetta kynferðistal á blogginu. Og þessi háttsemi, væri ekki Guði þóknanleg.

Ég spurði á móti; Ertu að segja mér að Guð hafi ekki húmor fyrir mér eða......?

Svo reyndi ég að útskýra að ég væri nú ekki að ákalla djöfulinn með þessu. Heldur leggja áherslu á orð mín!

Mér er persónulega illa við blót! Þetta er leiðindarávani, sem ég nota ekki....eða afar sjaldan. Mér finnst hryllingur þegar fullorðnir blóta í návist barna sinna og annarra.

Varðandi kynferðistalið; common, erum við ekki öll með pjöllur, tippi, pung eða punga? Sumir eru meira að segja svo heppnir að vera tvítóla! ....ekki amalegt að geta átt samræði við sjálfan sig. Vera ekkert að klessa sér upp á einhvern annann....vera alltaf til í tuskið á sama momenti og maður sjálfur! Ekkert snúa-sér-á-hina-hliðina vesen neitt.

Kannski ég sé svona trúarmella....eða kynvillt í trú minni. Ég drekk marga döfladjúsa á dag (kaffi).

Síðast þegar ég fór í kirkju var fyrir um 4 árum þegar sonur minn var fermdur. Þar áður þegar bersyndugur frændi sem labbað hafi á milli presta, þar sem hann fékk sífellda neitun um að gifta sig. Prestunum þóttu hann ekki taka "skuldbindinguna"nógu alvarlega. En hann var að fara að gifta sig í fimmta sinn. Guð hafði verið þessari konu afar örlátur, því hann kastaði upp í hana alltof mörgun tönnum, en nú er ég um það bil að fara út fyrir efnið.

Ég einsog margir, hef ákallað Guð á ögurstundum. Allskyns samningaviðræður í gangi.

-Please, hjálpaðu mér, ég skal lofa að ég skal aldrei aftur.........eitthvað! 

...svo hef ég ruglað saman að sýna Guði auðmýkt og að vera auðmýkt.  

Ég meina ég hef rabbað meira svona við minn Guð á jafnréttisgrundvelli; ...jæja hvað segirðu félagi! Hvað er að frétta þarna úr himnaríki? Allir í góðu gengi bara? Og mitt fólk?....amma hætt að reykja? Veðrið? Eitthvað ákveðið með dagsetningu á hvenær ég kem til þín? Hugsa stundum til þess þegar við tökum lagið saman...ég spila á hörpuna, amma syngur með, pabbi er í klappliðinu...

...svo held ég áfram; Heyrðu karlinn minn; heldurðu að þú reddir ekki smá aur fyrir mig í dag og vísir mér veginn...sendir einhvern engilinn á mig....bara svona þegar þú sérð hjá þér lausan tíma.....cheers! See you later ......

........þetta er gróflega ýkt og fært í stílinn. Ég ber virðingu fyrir minum Guði...

Boðorðin eru tíu, ég dáist að þeirri manneskju ef hún fyrir finnst sem tekst að lifa eftir þeim.

Boðorðin 10
1. Þú skalt ekki hafa aðra Guði en mig. Vissi ekki að það væru til margir Guðir...

2. Þú skalt ekki leggja nafn Drottins, Guðs þíns viðhégóma. í sannleika sagt, skil ég ekki þessa setningu...

3. Minnstu þess að halda hvíldardaginn heilagan. sunnudagar eru þvottadagar...

.
4. Heiðra föður þinn og móður þína. Amen...

5. Þú skalt ekki morð fremja. Ekki ennþá að undaskildum pöddum...

6. Þú skalt ekki drýgja hór. Þúsund sinnum í kringum jörðina og aftur til baka, hórast utan hjónabands með fáum aðilum þó,...hyggst halda þeirri iðju áfram. Þar sem ég ætla ekki að gifta mig....OG EKKI ÆTLA ÉG AÐ DREPAST ÚR KYNSVELTI-ÁFALLI...

7. Þú skalt ekki stela. Ég geng ekki um stelandi, en ég stal í vikunni. Læddist einsog þjófur að nóttu inn á síðuna hennar halkatla.blog.is og coperaði mynd...setti myndina á desktoppinn minn. Myndin var af Jesú...

8. Þú skalt ekki bera ljúgvitni gegn náunga þínum. Púff... að ljúga ekki upp á náungann? Neibb....saklaus þar að mestu...

9. Þú skalt ekki girnast hús náunga þíns. Alveg saklaus þar...samgleðst frekar en hitt...

10. Þú skalt ekki girnast konu náunga þíns, ekki þræl hans eða ambátt, ekki uxa hans eða asna, né nokkuð það, sem náungi þinn á. Hmmm, þræl eða ambátt... nei....girnist ekkert af því held ég sem náunginn á...allavega ekki konuna hans...bílinn hans kannski...

í framhaldi biðst ég syndaraflausnar... og bíð ykkur öllum Góða nótt elskurnar og góðan dag, sem er hafinn.

Takmarkinu náð!

Ég set mér markmið í lífinu. Stundum tímaset ég þau. Stundum ekki. Stundum næ ég þeim. Stundum ekki.

Ég setti mér það markmið fyrr í vikunni, að ná inn á meðal 50 vinsælustu mogga-bloggara fyrir helgi. Ég er núna númer: 45! Ég er himinlifandi og þakklát ykkur öllum

Fimmtudagurinn er runninn upp. Helgin í nánd. Markmiðinu er náð.

Fjölskyldan búin að snúa við mér baki. Á enga vini lengur. Kunningjar horfa í gegnum mig og heilsa mér ekki úti á götu.

Það skiptir mig engu máli. Ég náði markmiðinu.

Penninn orðinn bleklaus....hugmyndir skrælnaðar...er lúin og þreytt.

Þannig að ég kveð ykkur elskurnar mínar útí nóttina og gef út þá yfirlýsingu í leiðinni;

Ég er hætt að blogga!

Það var virkilega gaman að kynnast ykkur öllum kæru bloggvinir, þið hafið gefið mér mikið. Kíki á ykkur af og til og fylgist með ykkur. Commenta kannski......og síðast en ekki síst; mun ég sakna ykkar heil ósköp.

Þakka samverustundirnar.

Mér hefur alltaf reynst afar erfitt að kveðja....þannig að (eitt litið) tár....over and out!

Hjónaband og endalaus sæla

Ég minnist þess ekki, að ég hafi haft einhverja stóra drauma, um að gifta mig nokkurn tímann. Dagdraumar mínir einkenndust ekki af hvítum blúndukjólum.....brúðarmeyjum....og hreinum sveini með sveittan pung.

Mig langaði heldur ekkert að fjárfesta í "steypu", einsog ég kallaði það. Mig langaði einfaldlega að einhver elskaði mig. Og mig langaði að ferðast. og svo margt margt margt annað.

Þessi fimma rættist. Bæði það sem ég vildi ....og vildi ekki.

Ég var elskuð, ég gifti mig, ég var viðloðin fjárfestingu á steypubílum.....og ég ferðaðast heilan hellling! Hef meira að segja snert tunglið með tungunni!

Í einum af mínum elstu bloggfærslum þá minnist ég á að ég hafi trúlofað mig ung...ég man ekki eftir neinni rómatík í sambandi við trúlofunina...., en ég man að hann var alltof víður! Hringurinn. Hann var með þremur demöntum í. Mjög flottur....eða var það hinn? Æi algjört aukaatriði.....

Ég man hvar ég týndi honum, hringnum þessum fyrsta, 17-18 ára gömul. 

Ég var stödd með mínum heittelskaða í leikhúsi í Þýskalandi. Ég minnist þess ekki að hamingjan hafi lekið af hvorugu okkar einsog græn slepja. Nýtrúlofuðu parinu. Allt bara svona eðlilegt!

Superman var aðalleikarinn í leikritinu. Hann kom svífandi inn á sviðið í svaka sveiflu og staðnæmdist við logandi sköp kvennanna. Hverri og einni sinnti hann af sínu rómaða lítillæti og góðmennsku einni saman.  Hinar sem biðu, spýttu út úr sér logandi kertum á meðan. Og allskyns öðrum hlutum. Símum meira að segja. Þvílíkt hæfileika listafólk hef ég bara aldrei fyrir hitt. Við erum að tala um hágæða-listamenn hérna.

Þetta var svo raunverulegt að ég neita að trúa að þær hafi gert sér upp fullnægingu....í alvöru sko.....Innanum smóking klædda gesti, dragsíða-kjóla, og hágæðahórur, týndi ég trúlofunarhringnum mínum. Þessum víða.

Mörgum árþúsundum seinna þá giftum við okkur.

Á tunglinu.

Í virðingaskyni við umræddan "guma" og núverandi eiginkonu hans, setti ég pappakassa á hausinn á honum. Þið verðið að hafa orð mín fyrir því að maðurinn var guðdómlega fallegur og .....það sem meira er hann var skælbrosandi. Og er (á myndinni.....vinstra meginn...)

.....og þetta var þvílíkur hamingjudagur í lífi okkar beggja....svona rétt alveg einsog það á að vera, held ég.  Að vísu fór hann aldrei niður á hnén, nema rétt örstund, á meðan ég rasskellti hann. En það er allt önnur Ella, Dísa eða Fjóla......

Um morguninn, þegar ég var að hafa mig til og klæðast þessum hvíta kjól, (hafði ósjaldan farið í honum á djammið) sem ég er í á myndinni öskraði hann blíðlega;

-andskotinn hafi það, drífa sig manneskja við erum að verða alltof sein!!!!!!!!!!!

og ég öskraði enn hærra;

-haltu kjafti! ég er að blása á mér hárið!!!!!!!!!

og hann enn hærra;

-eigum við ekki bara að hætta við þetta allt saman????????

-jú gerum það fíflið þitt, ég er komin með lykkjufall á sokkabuxurnar!!!!!!!!

Svo keyrðum við í fílu á illa lyktandi skrifstofu á tunglinu og einsog sjá má myndinni var konan nokkuð efins um hvort hún ætti að fagna, ráðhagnum eða ekki.....vissi í raun ekki hvort hún ætti að hlæja eða gráta.

Við vorum enn í fílu þegar við skiptumst á hringum. Hann tróð á puttann á mér hring frá Jens sem "besta" vinkona mín hafi gefið mér þegar sonur okkar fæddist. Ég veit ekkert hvaðan hann fékk sinn, held frá fyrrverandi kærustu....en þeir voru svona nokkurnveginn í stil. Báðir frá Jens. Þannig að það var allt í "gúddý" með það....hva aðeins notaðir, rispaðir og gamlir!

(sjá mynd;  vinsamlegast smellið á myndina undir; Nýjustu myndir, vinstra-megin...... þá fáið þið hana stærri....please kíkja.....)

Drengurinn okkar hallar undir flatt svona hálfefins á myndinni , sýnist mér ....ég jaaa, veit ekki hvað þið lesið úr svipnum mínum. Guminn skælbrosandi auðvitað...

....því einsog August Strindberg sagði; Það var ekki til helvíti á jörðu fyrr en paradís varð tilbúin, það er að segja þegar konan varð til!

Þetta var ægilega rómantískt, alveg einsog það á að vera. Svona einsog í bandarískri "vellu".....svona brúðkaup sem ég hugsa að öllum litlum stelpum dreymi um, í skjóli nætur.

Brúðkaupsferðin var engin.....veislan samanstóð af fjórar hærðum, hræðum að mig minnir. Ristabrauð og ostur og vin í boði. Brúðkaupsnóttin......var ekki rósum stráð; rekkju-ríðinga-trakteringar neinum.....á brúðkaupsmorgninum....vaknaði ég við öskur;

-hvar eru andskotans sokkarnir mínir Heiða?

......og nú held ég að ég sé um það bil að fara yfir strikið.....öll hugsanleg strik......farin í holuna mína að sofa. HEIÐA BERGÞÓRA!

Elsku dúfurnar mínar, vil bara svona í framhjáhaldi benda ykkur á, að "Hjónabandssælan" er á tilboði í Bónus....og ég fékk mér eina.

Hvenær hringir hann Jóhannes eiginlega í mig, karlinn skuldar mér pening!

(þakka Guði fyrir númerabirti.......ekkert vera að hafa fyrir því að hringja elskan, sendu mér bara jólakort, þegar þú ert búin að jafna þig.......) nú ef ekki, þá neyðist ég víst til að taka pappakassann af hausnum á þér........

 

 

 

Feitir skallapopparar....

Þið eruð óborganleg. Þið eru mér ómæld uppspretta. Frá ykkur fæ ég trilljónir hugmynda. Í rauninni er hausinn á mér við það að springa. Ekki síst eru commentin ykkar og heimsóknir hingað á síðuna mér til mikils yndisauka í tilveruna. Þakka kærleikann og hvatninguna.Þið eruð litrík og spennandi. Og vekið mig til umhugsunar þegar ég heimsæki ykkur. Næst kaffi takk!

Það eru deginum ljósara að þankapípurnar, í grannholda -fíngerða líkama mínum eru við það að springa! Er í það minnsta vel uppþemd ......hef ekki kúkað í viku og er því 58kg.....uppfull af skít!

Eins gott, lítill klósettpappír til á heimilinu.....

Ég er ákaflega forvitin í eðli mínu.  Ekki um hvað er að gerast í lífi fólks dagsdaglega, heldur þyrstir mig í að vita og skilgreina og stúdera fólk. Heildarmyndina. Sýg í mig allann fróðleik. Finnst gaman að spjalla, fræðast og öll fræðsla er vel þegin.....og frá hverjum sem er.

Viðkomandi þarf ekki að vera með BA-gráðu, eða hafa "-stjóra" titil sem eftirnafn. Til að vekja áhuga minn. Viðkomandi þarf ekki að eiga fullan vasa fjár. Keyra um á flottum bíl eða eiga pels...og hund. Ég held að það væri afar fróðlegt að tala t.d. við Lalla Johns.....hef aldrei talað við hann en ég heilsa honum alltaf! í hvert og eitt einasta skipti heilsa ég Lalla. Og hann heilsar mér til baka og brosir. Ég hef aldrei verið stödd á hans stað í lífinu.

En hann er mér fyllilega samboðin, þó svo ég eigi Karen Millen kjóla og falleg föt. Ég væri nú kannski ekki að búa með honum eða fara með honum út að borða.....en þið skiljið hvað ég er að fara.

Engin er yfir annan hafin. Ekki ég. Ekki þú, ekki kerlingin í pelsinum sem hnussar og horfir með fyrirlitningu á betlarann og neitar honum um eina skítna krónu. Platkrónu.

Í vasa hennar glamrar hávært í  gullpeningum og giftingahring. (hún er ég reyna að negla einn ungan....svona smá krydd í dapra tilveruna. Líf hennar er svo innihaldslaust og hrútleiðinlegt. Kynlífið einnig. Karlinn hennar hefur ekki áhuga á henni. (hann er komin með viðhald og í aðhald í kjölfarið) Hún notar alltof mikið og alltof sterkt ilmvatn. Hún hefur ekki til að bera neina hlýju. Hún er kynköld......) Peningarnir í vasa hennar eru af öllum stærðum og gerðum. Hún eldist illa, hrukkurnar klessast allar á vitlausa staði. Munnsvipurinn samanherptur. Tennurnar sem Guð hafði kastað upp í kjaftinn á henni, hefur hún látið færann húsgagnasmið yfirbyggja tannhús yfir þar sem áður stóðu rústir einar.......og þær eru hvítar einsog fuglaskítur á heiði, utan um húsið eru svo rauðlakkaðar varir.....svo brosir hún ekki einu sinni!

Ég er viss um að þið hafið einhverntíma hitt þessa konu....

Hér með kasta ég til föðurhúsana, þá stimplun sem loðað hefur við mig öðru hvoru í gegnum tíðina að ég sé snobbuð! Og hana nú.....

Alveg merkilegt þetta: Yfirleitt er maður spurður fyrst af öllu þegar maður hittir manneskju í fyrsta sinn;

....og hvað gerir þú?

.....svo er manneskjan dæmd út frá því! Sett í bás. Fær á sig stimpil.....

...annaðhvort uppveðrast sumt fólk eða labbar í burtu. Eftir því hver vinnutitillinn er, ekki vegna þess hvernig manneskjan er. Og ekki fá öryrkjar upphefð, svo mikið er víst. Þekki það, móðir mín er öryrki og margt afar merkilegt og gott fólk annað, sem ég þekki og ég tel til vina minna.

Öryrkjar ættu að fá þvílíka upphefð og viðurkenningu fyrir það eitt að lifa út mánuðinn á þeim skitnu "kúlum" sem kastað er í hausinn á þeim með fyrirlitningu um hver mánaðarmót! ...en það mál, er efni í aðra færslu sem ég læt öðrum eftir.

Svo þetta, ef viðkomandi ber titil.....þá er það einatt;

-ég heiti Jón og er Jónsson, kannski eitthvert millinafn.

-ja já og hvar vinnur þú?

-Framkvæmdarstjóri hjá KPMG......

þarna er tekið sérstaklega fram framkvæmdarstjóri....ekki;

-ég starfa hjá KMPG...................en það myndi bílstjórinn klárlega gera!

Ég hef verið með stjóra titla og ekki stjóra titla....en í enda dags, er ég alltaf innan í mér Heiða litla, dóttir hans Tóta svarta.

í beinu framhaldi en samt ekki;

Mér er illa við drasl og skít og vonda lykt.

Þannig að það er með ólíkindum að mér skuli finnast gaman að fara á þá tvo staði sem ég ætla að nefna sérstaklega.

Góða hirðinn og Kolaportið!

Þegar ég fer í Kolaportið! Þá held ég djúpt niður í mér andanum þar til ég er orðin sótsvört og við það að falla í yfirlið, jafnvel kafna í eigin mætti.  Ég læt mig síðan hafa fíluna, því daman verður jú að anda! Svo hættir maður að finna lyktina og verður samdauna henni. Hverfur inn í fjöldann og byrjar að gramsa í skítugum kössum. Innan um feita, fituga skallapoppara og annað gott fólk.

Ég get gleymt mér í fleiri klukkutíma, í rangli, á rangli, í pappakössum með pappakössum. Setið á kaffihúsinu og horft á litríkt mannlífið. Það klikkar ekki að þó ég sé svört af skít og angandi einsog ruslatunna. Þá fer ég alltaf fullnægð í hjarta og sæl þaðan út.

.....hef aldrei hitt pelsklæddu konuna samt....

Að gefnu tilefni sé ég ástæðu til að koma eftirfarandi upplýsingum á framfæri; Þessa dagana er hreint og beint sparnaður að "hafa á klæðum" -dömubindin eru á tilboði í Bónus...