Verðmerktar tennur takk!

Hvurslags viðkvæmni er þetta?! Hvað er vandamálið?! Hvað er leyndarmálið?! Ég veit það og þið vitið það!

Sé í hyllingum, þegar gjaldskrá tannlækna tekur gildi samkv. frumvarpi sem lagt hefur verið fram.

Tannlæknar æfir?! Einmitt! Með þá alla saman í Húsdýragarðinn, þeir geta slegist þar og farið í slökun/gufubað... í t.d. Laugum á eftir...til að ná sér niður.

Sé fyrir mér glerskáp á biðstofum stútfulla of allskyns tönnum og gómum. Verðmerktum tönnum...Gómur stakur í efri góm með 12. stk. sjálfstæðum tönnum kr: 250.000,- (án vsk) íssetning og tannlím ekki innifalið í verði.

Stakar tennur á tilboði; 20% afsláttur -aðeins þessu einu helgi... svo koma nýjar tennur í tísku að vori og þá hefst rýmingarútsala; 50-70% afsláttur. Fyrstir koma fyrstir fá!

Notaðar tennur (sbr. Góði Hirðirinn)...gefins tennur gegn því að vera sóttar. Bara sem dæmi! Snilld.

Fyllingar sætu í einni hillunni á tannlæknastofum, í allskyns litbrigðum og mg. verðið ...auglýst til hliðar í gullnum ramma.

Sprauta lægi á annarri hillu...100% skothelld gæðadeyfing aðeins kr; 5.000,-

Myndataka kr: 6.000,- (innifalið í verði mynd á diskling...og útprentun í lit)

Vinna pr. klst. kr: fast verð..., ansi hrædd um að maður þyrfti að dúsa lengur í stólnum...en

hvað er málið?

Ég heimta að fá þetta frumvarp í gegn. Rétt einsog ég hef rétt á að vita hvað bensínlíterinn og brauðið mitt kostar!

Eigið yndislegan þriðjudag elskurnar

Fékk dónaleg bréf frá tannlæknunum

Athugasemdir

[Georg Eiður Arnarson, 25.9.2007 kl. 10:05]

Sleppa bara namminu

[Jói Dagur (IP-tala skráð) 25.9.2007 kl. 16:08]

Flott færsla hjá þér Heiða. Sammála í einu og öllu. Sérstaklega þegar maður er sjálfur kominn yfir helminginn á aldar afmælinu og farinn að spá í svona löguðu.  Allavega meira en áður.   

[Heiða Þórðar, 25.9.2007 kl. 16:55]

Guðmundur, minn er svínslega dýr! Allt heilt í mínum munni....en þætti alveg vænt um að fá nafnið á þínum....ef hann er ekki að verða komin á aldur ;)

[Kristín Katla Árnadóttir, 25.9.2007 kl. 17:02]

Ég er sko alveg sammála þér Heiða mín knús

[Jenný Anna Baldursdóttir, 25.9.2007 kl. 17:11]

Sammála, 1000x sammála.

[Ólafur fannberg, 25.9.2007 kl. 17:17]

minn er reyndar sanngjarn á verði

[bara Maja..., 25.9.2007 kl. 17:52]

Er sjálf með sanngjarnann tannlækni, þannig að þeir virðast vera þarna úti og örugglega fleiri en þessir ósanngjörnu, því í þeim fáu heyrist alltaf hæst, er það ekki? alltaf gaman að kíkja á bloggið þitt, þú ert snillingur með að setja saman orð

[www.zordis.com, 25.9.2007 kl. 18:33]

Mín tönnsla er nokkuð góð en ég er varla hæf til samanburðar!  Sænsk tönnsla á spænsku gómverði! .....

Áttu glas Heiða mín ef ég skyldi vilja skola af geiflunum á þinni stjörnu?

[Steingrímur Helgason, 25.9.2007 kl. 23:08]

Auðvitað væri nú snilldin ein að mæta hér undir fullu nafni & mynd & lýsa því yfir að nafngreindur tannlæknirinn manns væri það mikill skíthæll við mann fjárhagslega eftir hverja heimsókn að maður gerði frekar sjálfur við tennurnar í börnum sínum en að senda þau til slíks okrara.

Hætt er við að dýrið myndi nú spara við mann Novacainið í næstu heimsókn & taka upp ógleymanlega bíómyndartakta að la sör Ólíver.

Skræfur eruði & skynsamir smjaðrarar ykkar tannlækna...

S.

[Margrét M, 26.9.2007 kl. 08:50]

einhvernvegin sé ég fyrir mér notaðar geiflur í góða hirðinum ,,jakk

[Ester Júlía, 26.9.2007 kl. 08:56]

Snilld!  *útsala útsala á deyfingum, fyllingum ofl.  hjá Guðmundi Guðmundssyni tannlækni - Lokastíg 105.  Ég elska útsölur, ég myndi vera daglegur gestur hjá tannlæknum . 

En ekki ætlaru að senda æfa tannlæknaskúrkana til mín í Laugar?

[Ásthildur Cesil Þórðardóttir, 26.9.2007 kl. 09:07]

Góður pistill Heiða mín.   Ég held að ég haldi mig við minn tannlækni, hann hefur reynst mér mjög vel.  Er reyndar tannholdssérfræðingur, en ekkert dýari er þeir tannlæknar sem ég veit um.  Hann er líka bara svon notalegur.

[Heiða Þórðar, 26.9.2007 kl. 09:37]

Ester mín, jú einmitt. Með þá alla saman til þín (ég er að auglýsa f/þig)...engar áhyggjur þeir verða allir orðnir sallarólegir....

[Halldór Sigurðsson, 26.9.2007 kl. 16:42]

 Þú verður bara að sætta þig við það ,að þú kaust þetta yfir þig.
Sjálfstæðismenn hugsa vel um sína !

[Þórarinn Þ Gíslason (IP-tala skráð) 26.9.2007 kl. 17:07]

Skemmtileg færsla. Af hverju ekki?