Það er munaður að... - heidathord.blog.is

Það er munaður að kúka...

3.3.2009 | 22:57

Staðreynd málsins er sú; að ég kýs að sjá það bjarta í allt og öllu....ef ekki birtir til; nú...þá bara kveiki ég í... Wink ef eitthvað hreyfist ekki, þá hristi ég það...

Fólk segir gjarnan hvort við annað; -líttu á björtu hliðarnar...alltaf eitthvað gott í öllum aðstæðum.

Ef ég sé ekki eina einastu björtu hlið á einhverri fuckings hlið. Þá bara mála ég hliðið. Ég gefst ekki upp...bjart skal það vera, alla daga ársins. Lollypop og sunshine og Bjöggi Halldórs! Skítt með sultardropa í nefinu.

Spurning um að framleiða sultu?

Mér er annars þessa stundina skapi næst að segja; hvaða fjárans snillingur fann upp; -erfiðleikarnir leyna í sér eitthvað gott...eða tækifæri, eru þroskandi ...eða eitthvað í þeim dúr? Ég segi; sá sami og fann upp andremmu eða óþarfa hárvöxt á baki eða fúlar tengdamæður. Blessuð sé minning þeirra allra.

En þar sem í mínum garði leynast aðeins blómstrandi blóm og syngjandi rollur í haga á beit...ekki einn einasti erfið-ur-leikur...hvað þá vandamál; læt ég mér prútt um ástandið finnast.

Ég þakka fyrir hárvöxtinn... og bít í það súra epli....sem ég "hvorteðer" hef ekki efni á að kaupa hvað þá borða... og geri það bestasta úr öllum fjáranum....

Það er kreppa og því ber að fagna!!!

Ég til að mynda hef tekið þá ákvörðun sem sparnaðartilhögun númer eitt; að kúka max einu sinni í viku. Á þessum drottinsdegi marsmánaðar, er hvort sem er svo kalt að ekki einn einasti viti borinn kúkur er svo vitaus að halda sig annarsstaðar en innandyra. Klósettpappír er dýr og einasta ráðið til að sporna við þeim útgjaldalið er að "kötta" hann niður í drasl. Sögnin að kúka er munaður...klósettpappír er munaðarvara.

Afþví mér þykir svo vænt um ykkur; veskú;

-ég er farin að nota vatn út í kaffið í stað mjólk-ur...

-tannkremi splæsi ég í 1/2 rönd á burstann....

...sem snakk og munað er ég farin að naga á mér neglurnar. Stundum sting ég puttunum ofaní sultu til að skapa meiri stemmingu.

(Guð forði mér frá því að éta hor úr mínu nefi eða annarra...)

-Ég er orðin svo nísk að ég tími ekki að sofa lengur.

Svefn pr. sólahring hef ég takmarkað niður í 4 klst. Nýti vökutímann og rembist einsog rjúpan við staurinn við að fæða hugmynd sem ég nota til að næla mér í styrk fyrir sprotafyrirtæki. Í mínum allra villtustu draumum verður hugmyndin að veruleika og hluta þjóðarinnar til bjargar. Alklædd hyggjuviti mínu með geðveikislega bjartsýnina að vopni tekst þetta. Þar sem það er hægara sagt en gert að fanga hugmynd úr loftinu ætla ég einfaldlega að stela henni...

-Ég endurnýti brauðsneiðina með því að borða hana 3svar...og þakka Guði fyrir að ég er ekkert fyrir smjör og annan óþarfa.

Allar ljósaperur á heimilinu eru sprungnar...en það skiptir ekki rassgats máli. Hvað er betra en að sitja einn í myrkrinu? Líklegast lýsi ég sjálfri mér veginn inn á baðherbergi með bjartsýninni ef svo óheppilega vildi til að mér yrði mál.... Errm

Góða nóttina elskurnar og óskir um ljúfustu draumana ég sendi ykkur... Heart föðmumst, kyssumst og knúsumst...umfram allt syngjum og dönsum! Wizard

Flokkur: Bloggar | Breytt s.d. kl. 23:22 | Facebook

Athugasemdir

he he Yndisleg ertu, Heiða mín.

Kaupa bara 10 rúllur, þá áttu alltaf 9 eftir þegar þú notar eina. hihi

Marinó Már Marinósson, 3.3.2009 kl. 23:25

...sendi þér reikninginn ...

Heiða Þórðar, 3.3.2009 kl. 23:30

Færðu ekki Fréttablaðið sent heim til þín sami pappír og í WC pappírnum útí Bónus.

Swing

Ómar Ingi, 3.3.2009 kl. 23:56

Heiða er með Gleraugu Bjartsýninnar og þess vegna sér hún heiminn í nýju ljósi fullan af tækifærum

Gísli Torfi, 4.3.2009 kl. 01:48

Ástin þú kemur ástandinu til að hljóma skemmtilegt og jafnvel rómaó......

Solla Guðjóns, 4.3.2009 kl. 06:47

já thú hefur yndislegan hátt á ad láta hversdaginn hljóma virkilega spennandi og skemmtilegan en mikid er ég fegin ad hafa enn efni á ad kúka allavega 3.svar i viku

hafdu thad gott,kvedja hédan

María Guðmundsdóttir, 4.3.2009 kl. 06:59

Nokkrar góðar hugmyndir þarna.......... held ég

Auður Proppé, 4.3.2009 kl. 07:56

Ommi....löngu búið að reka blaðberann...

Heiða Þórðar, 4.3.2009 kl. 08:02

Það læðist bros á varir við að lesa það sem þú skrifar Heiða... :)

Gott að vita að það er ekki bara sveitavargurinn sem er ennþá með snefil af bjartsýni..... verð lítið vör við kreppuna hér fyrir norðan enda kom góðærið aldrei og við vonumst til að kreppan sveigi að mestu framhjá... hehehe... !!!!

Kristín Guðbjörg Snæland, 4.3.2009 kl. 11:20

Bjartsýnin lengi lifi. Ég var að kaupa klósettpappír af frænda mínum til að styrkja skólaferðalag þannig að ég ætti að geta kúkað samviskulaust eitthvað áfram.

Helga Magnúsdóttir, 4.3.2009 kl. 18:13

Knús knús og ljúfar kveðjur :0)

Linda Linnet Hilmarsdóttir, 4.3.2009 kl. 20:55

Ég kom oft á sveitaheimili hér áður og fyrr, þar var rúlla af wc pappír, en síðan niðurklippt í smarta ferninga dagblöð, þau voru fyrir heimilisfólkið en wcið fyrir gesti. Nei bara að benda þér á einn möguleika það er að segja ef þú ert eigi með auma húð, ég er það nefnilega.
Knús til þín bestust
Milla

Guðrún Emilía Guðnadóttir, 4.3.2009 kl. 21:02