Jólin hefjast ekki í Ikea...

Ég trúi því ekkert endilega að jólin mín hefjist með sprangi og spreði um IKEA. Forsvarsmenn í markaðsdeildinni reyndu að troða því inn í hausinn á mér nýverið, með því að pota bæklingi með sannfærandi og flennistórri fyrirsögn inn í póstarann hjá mér. Ef svo er; þá eru jól hjá mér umþb. einu sinni í mánuði, allan ársins hring. Mér þykir nefnilega ekkert sérlega leiðinlegt að fara í Ikea.

Um hvað snúast jólin eiginlega þegar upp er staðið? Fyrir mér geta jólin allt eins verið í júlí...fyrir mér snúast jólin um kærleika, ljós, þakklæti og gleði.  Hverjum degi ber að fagna. Hver dagur er gjöf.

Ég tók mig til á laugardaginn síðasta og þreif og skreytti einsog motherfucker...nánast hvern krók og kima í höllinni minni.  Ég þurfti að beita sjálfa mig valdi og setjast ofaná hendurnar á mér með mínum huge rassi...þegar ég var við það að fara að skreyta tréið...en það verður gert með sólargeislanum í lífi mínu; henni Sóldísi Hind ala meistara Jakobs.

Þarna á laugardeginum...þegar allt ilmaði og Baggalútur söng í þúsundasta sinn úr geislaranum fór ég á smá hugsunarfyllerý...í ljósadýrðinni umvafinn hvítum kúlum fylltist hjartað af þakklæti yfir því hvað ég er lánsöm manneskja, þrátt fyrir allt.

Sá sjálfa mig fyrir mér á Lækjartorgi með risastóran pott sem ég hafði fengið að láni frá Grýlu, að gefa útigangsmönnum og konum kjötsúpu á slaginu sex  á aðfangadag. Ég var í 66° norður appelsínu-galla. Ég var með hor í rauðsprunginni nös. Ég fór á þvílíkt flug í þessum pælingum mínum.  Ég var með áætlun um að hringja í Jóhannarsbónusargrísinn og Heiðu Heiðars (skessa.blog.is) hún væri nógu klikkuð til að framkvæma þetta með mér. Við tvær vorum komnar með tjald. Og vorum með húfur í stíl...og sitthvora ausuna...

...fyrir mér varð þetta svo raunverulegt og rómantískt að ég hringdi í kobbalinginn og sagði honum að vera með sólargeislann á aðfangadag. Er ekki komin lengra með plottið...kjötið skröltir enn um laust í haga...og heiðan er sjálfsagt búin að plana aðfangadag í faðmi fjölskyldunnar... og er kannski ekkert sérlega föl fyrir einu stykki blöðrubólgu, sem ég hefði þó presenterað fyrir henni á flottan og sjarmerandi hátt.

Hvað ég geri svo...má Guð einn vita.

Njótið dagsins ...að endingu; jólin hefjast ekki í IKEA

 

Athugasemdir

[Hrönn Sigurðardóttir, 25.11.2008 kl. 10:13]

En Heiða! Þú gengur ekki með húfu

[Jón Snæbjörnsson, 25.11.2008 kl. 10:14]

haha - kvitta fyrir innlitið

[Hrönn Sigurðardóttir, 25.11.2008 kl. 10:15]

...ég held ég hafi séð þig læf um daginn! Var bara að fatta það á sunnudaginn var....

Og ég er EKKI lengi að fatta!

[Heiða Þórðar, 25.11.2008 kl. 10:18]

...því síður geng ég í 66° galla...

...live? OMG! Vona að ég hafi verið sómasamlega til fara... og ekki orðið þér til skammar elskan

[Hrönn Sigurðardóttir, 25.11.2008 kl. 10:27]

Já þú varst voða fín - með varalit og allt.... og alls ekki mér til skammar!

Verst að ég fattaði það ekki fyrr en í fyrradag - en það geta nú ekki allir verið eins og Dúa ;)

[Heiða Þórðar, 25.11.2008 kl. 10:31]

hjúkkit!

[Ómar Ingi, 25.11.2008 kl. 10:53]

[Ásdís Sigurðardóttir, 25.11.2008 kl. 17:08]

Nei, jólin byrja sko ekki í IKEA þau byrja innan í manni.  Annars hef ég velt því fyrir mér að dvelja á aðfangadag hjá bágstöddum því ég elska að gefa af mér, þessi jólin verð ég víst á hækjum svo það verður bara vonandi næst.  Knús á þig krúttið mitt

[Marinó Már Marinósson, 25.11.2008 kl. 17:16]

Jólin koma þegar við viljum sjálf.     

Flott að venju.    Ég yrði eins og Hrönn ef ég sæi þig.  Myndi ekki fatta það fyrr en viku síðar.       Nema þú myndir fatta mig en það er nú ólíklegt.   

[Heiða Þórðar, 25.11.2008 kl. 17:21]

Ég er svo aldeilis bit og hissa! Hélt ég væri unforgettable....Ásdís þekkti mig strax sko...

[Marinó Már Marinósson, 25.11.2008 kl. 17:31]

Hún hefur örugglega verið með mynd á sér af þér.     ......eða séð þig áður?

[María Guðmundsdóttir, 25.11.2008 kl. 19:17]

 innlitskvitt, hafdu gott kvøld Heida, veistu,mér thykir mikid um thessa hugmynd thina.

og NEI jólin hefjast ekki i neinum andskotans verslunum thótt their vilji láta sem svo sé..hefjast i hjarta manns sjálfs

[Solla Guðjóns, 25.11.2008 kl. 20:38]

Það er ekki oft sem ég veit ekki hvað ég á að segja...kannski ,,þú komst við hjartað í mér".

En í guðanabænum taktu hellv.. nærjurnar inn það spáir frosti.

[Helga Magnúsdóttir, 25.11.2008 kl. 21:37]

Mikið er ég fegin að fá það staðfest að jólin byrja ekki í IKEA. Þá væru nefnilega aldrei jól hjá mér.

[Ásthildur Cesil Þórðardóttir, 25.11.2008 kl. 23:55]

Ég var einmitt í Ikea um daginn, og þar var sko ekki margt um manninn.  Nei jólin eru inn í hjartanu á manni.  En hér er líka búið að skreyta ansi mikið.  Stubburinn tók sig til og setti upp fullt af jólakúlum.  Það er bara hið besta mál.  En ég skil þig með jólatréð... það er svona too much

[Þórarinn Þ Gíslason (IP-tala skráð) 26.11.2008 kl. 02:11]

HÆO Heiða.

Jól í Ikea................ég ætla ekki að vera þar á jólunum !

[Gísli Torfi, 26.11.2008 kl. 07:38]

Fyrir mér hefjast jólin ekki fyrr en  ég heyri lagið " Kæri Jóli"  heyri það yfirleitt alltaf um miðbik Desember.

[Birna Dis Vilbertsdóttir (IP-tala skráð) 26.11.2008 kl. 11:25]

Jólin byrja svo sannarlega ekki í IKEA.Þau byrja hjá mér á hádegi á aðfangadag,þegar fjölskylda og vinir koma saman í möndlugraut.Svo skreiti ég oftast 1 sunnudag í aðvenntu.

[Lísa Björk Ingólfsdóttir, 26.11.2008 kl. 17:46]

Ég er viss um að Kertasníkir gefur þér ullarbrók í skóinn

[Guðbjörg Erlingsdóttir (IP-tala skráð) 26.11.2008 kl. 18:28]

Lýst vel á þetta hugsanafillerý á þér, hvet þig til dáða og mæti með, en má samt endurskoða þetta með húfurnar..........þurfa þá amk að vera smart!

Ofurskutlukveðja!!!

[Linda Lea Bogadóttir, 26.11.2008 kl. 18:39]

Hjúkket - ég hélt þú værir farin að auglýsa IKEA á alheimsvefnum
En ertu búin að gera jólagjafaóskalista ?

[Steingrímur Helgason, 26.11.2008 kl. 19:52]

Ég fer ekki í IKEA án þezz að beitt sé kvenlegu ofbeldi, þrátt fyrir frábærar 'frikkadillur' í mötuneytinu.

Kaupi ekki viljandi svona, eldivið með skrúfum, hegg frekar slíkt sjálfur.

Só, skrúf mí not!

[Helga Nanna Guðmundsdóttir, 2.12.2008 kl. 00:40]

Opnaði bloggið bara til að lesa upp færslurnar þínar...hef annars ekki farið hér inn í óratíma, nú er það bara facebook ruglið á manni...en þetta er bara snilld, ég ætla að halda áfram upp :)