Ég hata blýstur!

6.3.2008 | 20:28

Mér gengur bæði erfiðlega að sofna og vakna. Erfiðar er að vakna þó en sofna.
Og þó...er ekki svo viss lengur.

Einhver kom með þá hugmynd við mig að ég ætti að skella í mig sexföldum brennivíni og fá mér eitt rothögg með sleggju aftarlega á hnakkann...

....æi, nei veit ekki...ég elska næturnar. Ég elska að vaka þegar aðrir sofa. Kyrrðin er góð. Elska að
horfa á aðra sofa.

Ég vakna við gemsann minn. Stundum hefur ástandið verið þannig að mig hefur langar mest til að öskra þegar ég heyri tóninn frá símanum. Allavega æla pent. Í hvíta fötu. Á hverjum einasta morgni
druslast maður samt svefndrukkinn inn á baðherbergi horfir í spegilinn með annað augað í pung og hugsar; mikið andsk. er ég falleg. Guð var mér góður. Ég meina hver gerir það ekki? Sem er verulega svefndrukkinn.

Sturta. Bráðnauðsynlegt. Frekar kalda. Svona nasistatæki dauðans sem vekur þreytta
limina upp frá dauðum, þeir standa svo blýspertir í allar áttir að pyntingu lokinni.
Húðin strekkist við þetta og yngist upp um heila nótt. Vaknar upp frá dauðum. Farðað
andlitið og fatadruslur, ásamt freðnu brosi, fela svo hin eina sanna raunveruleika sem undir býr.

Einu sinni man ég að karlmenn blýstruðu á eftir manni. Það er hætt. Nú er ekki móðins að blýstra á eftir sætum, ljótum eða feitum hvað þá mögrum rössum. Nei núna er gengið beint til verks og gripið
í þá. Ef maður er heppinn. Ég er heppinn.

Ég breytti vekjaratóninum í símanum mínum í blístur. Semsé það er blístrað á mig á hverjum morgni. Hélt ég yrði sáttari við að vakna. Það er ekki að virka.
Blístrið vekur upp ógleði. Ég vil frekar að það sé gripið í minn rass á morgnanna takk...

Ég er þreytt...

Flokkur: Bloggar | Facebook

Athugasemdir

ég líka

Brúnkolla (IP-tala skráð) 6.3.2008 kl. 20:37

Ég get tvennt í einu blístrað og klipið.....og örugglega líka prumpað í leiðinni sem sagt 3 hluti........Supermann

Einar Bragi Bragason., 6.3.2008 kl. 20:37

Við eina fjölina var hún ei felld,
að því er veit eða held.
Ég veit hvorki hvað
eða hvort það er það,
var Heiða keypt eða seld.

Heimir Lárusson Fjeldsted, 6.3.2008 kl. 20:41

Þú ert óborganleg elsku Heiða mín. Eru strákarnir hættir að blístra, hlaut eitthvað að vera, ég saknaði einhvers

Ásthildur Cesil Þórðardóttir, 6.3.2008 kl. 20:58

Fjúúddd fjúúúú

Sigrún Friðriksdóttir, 6.3.2008 kl. 21:11

Sá eini sem blístrar á mig þessa dagana er maðurinn minn......................þegar honum vantar eitthvað!

Huld S. Ringsted, 6.3.2008 kl. 21:27

Huld .... karlinn þinn hefur gott nafn til að skamma!!!!

Þreyta mæ dog hvað ég þekki hana en er að reyna að úða í mig vítamínum úr ávöxtum .... verð vonandi komin í fullt fjör um helgina og ætla að blístra yfir hafið!

Kyss og knús!

www.zordis.com, 6.3.2008 kl. 21:35

Kvennaréttinda konur hafa nú eitthvað á móti að menn blístri og gripi um rassinn á hinu kyninu

Gunnar Helgi Eysteinsson, 6.3.2008 kl. 23:05

Ekki heldurðu að Heiða sé skáparauðsokka Gunni ???

Sigrún Friðriksdóttir, 6.3.2008 kl. 23:10

Nei þeir eru hættir að blístra á eftir manni... horfa bara einhverjum sérkennilegum augum á mann á rauðu ljósi núorðið...
Ég hélt í gær að ég væri kominn á sjens... Hann horfið svo á mig gæinn á rauðu... síðan stakk hann puttanum í nefið og gróf eftir leyndarmálum dagsins. Ég horfði á móti og kveikti mér í sígarettu... Hann var þá bara með störu... á eitthvað allt annað en mig
Annars man ég nokkra sæta gæja á Benidorm hér fyrir nokkrum árum. Þeir blístruðu og snéru sér við - sögðu meira að segja Linda Linda... og ég varð svo upp með mér að þeir vissu hvað ég héti... hehe - komst svo að því löngu síðar að Linda þýðir víst falleg... Í dag nota ég bara Leu nafnið...