Ég segi allt gott...

Ég hafði hitt hann tvisvar, rétt smástund, af einskærri tilviljun. Mig minnir að ég hafi talað við hann einu sinni. Í því samtali sagðist hann vera læknir. Meira í raun man ég ekki frá okkar samskiptum. Ég eiginlega næ ekki að gleyma þessu atviki þegar ég hitti hann svo aftur í gær. Kannski afþví fólk er svo yfirmáta yfirborðskennd oft á tíðum. S.br.;

-Hæ, hvað segirðu?

-Allt fínt, en þú? (allir segja annað hvort; -allt fínt eða -allt gott)

Svo sat ég á glámbekk í gær og beið eftir fyrirlestrinum, þá sest hann allt í einu við hliðina á mér...og segir;

-NEI SÆL, gaman að sjá þig aftur. Hvernig hefurðu haft það?

-Alveg mjög gott þakka þér fyrir en þú?

-Alls ekki nógu gott, eiginlega bara mjög skítt!

-Nú?

-já þessi árstími er mér afar erfiður, jólin, áramótin og svo bætir ekki úr skák að ég á afmæli á janúar.

-já þú meinar, æ æ það er ekki nógu gott...

-nei það er ekki gott! Það er bara alls ekkert gott. En mér líður betur núna....

-það er gott...

-já það er gott....

Fyrirlesturinn hófst og þá hringir síminn hans. Hann svarar og hvíslar í tólið...-get ekki talað núna, nei ég er ....svo stendur hann upp...labbar fram, kemur stuttu seinna og hvíslar í eyra mitt;

-heyrðu ég verð að fara. Ætla að klára fyrirlesturinn samt.

-já já.... bæti svo við þegar ég sé áhyggjusvip í andliti; eitthvað að?

-já þetta var amma ....hún er svo áhyggjufull kerlinginn...

-já já... 

...en hann var að lagast.

Þegar hann svo rak augun í hendurnar mínar...var engu líkara en að hann færi að lesa í lófa,  hann bætti við sig tvöföldum skammti af áhyggjum yfir sárum höndum mínum... á meðan á fyrirlestrinum stóð.... var engu líkara en að hann horfði inn í framtíð mína, þegar hann hvíslaði í sífellu að sjálfum sér ;

-þetta er ekki gott, þetta er enganveginn nógu gott, en þetta lagast...alls ekki gott...-en mun lagast... bráðum kemur sumar.

-iss, þetta er ekkert...er miklu betra en það var. Hvíslaði ég á móti og dró að mér höndina og setti hana á milli lappa minna. Fætur í kross, lokaði síðan og læsti.

Svo sátum við þögul ...hlið við hlið það sem eftir lifði fyrirlestrar...síðan var hann rokinn...til ömmu...

En auðvitað sagði ég allt gott...þó ég segði barasta ekkert allt gott...ekki allt...en margt.

Fór ekki að segja honum það...bláókunnugum manninum!

Athugasemdir

[Ásdís Sigurðardóttir, 24.1.2008 kl. 00:01]

Á að hitta hann aftur??  Hann er ekkert giftur er það??  hafðu það gott elskan mín.

[Magnús Geir Guðmundsson, 24.1.2008 kl. 00:11]

Læknar eru lúmskir margir hverjir og kvennsamir.

Einn er til dæmis að verða Borgarstjóri á morgun, en hann ku

Hvort heldur sem er, þá er hitt víst að hann er veikur!lítt vera kvennsamur, þó hann haldi sjálfur að hann sé lúmskur!

[Heiða Þórðar, 24.1.2008 kl. 00:25]

Ég hitti hann óhjákvæmilega aftur já...en ekki þannig hittingur...biddu fyrir þér!

Nú hitti ég bara englastráka 

[Einar Bragi Bragason., 24.1.2008 kl. 00:42]

úr lófa þínum les ég það.............að þú sért öll að komast í lag

ég fæ aldrei nóg.........

Af þínu bloggi viltu blogga soldið meir.....

[Guðrún Jóhannesdóttir, 24.1.2008 kl. 00:44]

[Gísli Torfi, 24.1.2008 kl. 01:09]

   Holy is the name of the Boy

[Solla Guðjóns, 24.1.2008 kl. 08:51]

Jæja elskan segir bara allt gott......

[Heiða Þórðar, 24.1.2008 kl. 09:15]

Allt rosa gott....

[Hrönn Sigurðardóttir, 24.1.2008 kl. 09:23]

Nefnilega - hvað ætli maður fari að segja bláókunnugu fólki farir sínar ósléttar........!!

[Steingerður Steinarsdóttir, 24.1.2008 kl. 11:20]

Var þetta Ólafur F.?

[Margrét M, 24.1.2008 kl. 11:33]

ekki fer maður að segja "allt bara frekar leiðinlegt" við ókunnuga .. væri samt gaman að prófa það he he

[Jenný Anna Baldursdóttir, 24.1.2008 kl. 11:36]

Ég þarf eiginlega að fara að blogga um MÍN allt gott, allt fínt.  Það eru sögulegar setningar í mínu tilfellli.

Takk fyrir skemmtilegan pistil.

[Markús frá Djúpalæk, 24.1.2008 kl. 11:42]

Við hvaða svari býst fólk þegar spurt er "hvernig hefurðu það"?

[Linda Lea Bogadóttir, 24.1.2008 kl. 12:43]

Hvað segir þú gott... ? Nú auðvitað allt gott - alveg saman þó heimurinn væri að hrynja í kringum mig... Skil hann reyndar vel að opna sig svona við þig. Þú ert svo góðleg að fólk bara opnast eins og bók þegar það sér þig...  

[Heiða Þórðar, 24.1.2008 kl. 14:09]

Góðleg?

...æji má ég ekki frekar vera sexy?...góðleg er svo ógeðslega lummó...takk fallega fjöruga fjögurra barna móðir...og fitt

[Linda Lea Bogadóttir, 24.1.2008 kl. 17:14]

Haha - þú ert það auðvitað... Sexy. Vildi bara ekki tala um það svona opinberlega... fólk gæti haldið að ég væri Les-pía... og eitthvað væri í milli okkar.
"Góðleg" er allt of ömmulegt

[www.zordis.com, 24.1.2008 kl. 17:37]

Fólk hefur nottl. engan áhuga á því að vita að þér líða eitthvað annað en vel eða að þú hafir það fínt .....

Les pían er mikill bókaormur og alæta á allt lesefni.  Heiða þú ert gorgeously sexy það er málið!  Haltu áfram að rúlla! 

[Hugarfluga, 24.1.2008 kl. 22:15]

Ég segist vera með blöðrusig á tánum en annars bara þokkaleg. Now there's a conversation stopper.