STJÖRNUMERKIN

Hrútur (20. mars - 20. apríl): Þú ert óþolinmóður og fljótfær egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert keppnismaður og sérlega klár í að keppa við ranga aðila og slá tilgangslaus högg útí loftið. Þú ert kvikindi, en það hjálpar hversu einlægur, barnalegur og einfaldur þú ert. Naut (20. apríl - 21. maí): Þú ert latur og þrjóskur, enda löngu staðnaður og fastur í sama farinu. Peningar og þægindi eru það eina sem þú hugsar um, enda háður nautnum, mat, sykri og skynörvandi efnum. Þú hreyfist ekki úr stað og selur sannfæringu þína hæstbjóðenda. Þú ert lítið betri en stífluð rotþró. Tvíburi (21. maí - 20. júní): Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert sí ljúgandi, enda sérfræðingur í að gefa loforð sem þú getur ekki staðið við. Vissulega ertu vel gefinn, en þú sóar hæfileikum þínum í blaður og óþarfa. Krabbi (21. júní - 23. júlí): Þú þykist vera töff, en ert í raun aumingi og tilfinningasósa, og getur ekki talað og tjáð þig, nema með því að væla og kvarta. Þú ert fastur í fortíðinni og munt því fyrr en síðar kafna í drasli og gömlum minningum. Þegar þú reiðist þá fer allt í einn graut og upp blossar grimmd og hefnigirni. En svona dags daglega þá ertu fúll, þunglyndur og sjálfsvorkunnsamur. Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt. Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga. Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum. Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið. Bogmaður (22. nóvember - 21. desember): Þú ert týpan sem grautar í öllu, en kannt ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við. Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru. Vatnsberi (20. janúar - 19. febrúar): Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum. Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann. OG ÞÚ ERT Í HVAÐA STJÖRNUMERKI?

Athugasemdir

[Kolla kanína (IP-tala skráð) 20.1.2008 kl. 22:57]

Hvaða voða neikvæðni er þetta? Heiða er vatnsberi....

[Heiða Þórðar, 20.1.2008 kl. 22:57]

Heyrðu góða mín!

[Ásdís Sigurðardóttir, 20.1.2008 kl. 23:00]

Og ég er hrútur, ég er ekki kvikyndi alveg satt.    

[Einar Bragi Bragason., 20.1.2008 kl. 23:07]

Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.

Passsar ekkert........ég er snillingur ...glaður.....hress......glaður ...hress.....glaður og hress

[Solla Guðjóns, 20.1.2008 kl. 23:33]

Bogamaður og fittar lýsingin óneitanlega ótrúlega vel við mig,held því fram að þetta sé samið um mig...

Ekki tínast á skýi....

[Linda Lea Bogadóttir, 20.1.2008 kl. 23:48]

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvarðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Þetta er andstæðan við mig... þó ég sé vog. En þekki eina vog - og get svo svarið að þetta er einmitt rétta lýsingin 

[Heiða Þórðar, 20.1.2008 kl. 23:50]

....og fyrsti stafurinn er?

[Linda Lea Bogadóttir, 21.1.2008 kl. 00:11]

"Hver er þinn helsti löstur" 

[Heiða Þórðar, 21.1.2008 kl. 00:20]

Óborganleg

[Þórarinn Þ Gíslason (IP-tala skráð) 21.1.2008 kl. 00:49]

Sæl Heiða mín. 

 NAUTIN ERU GÓÐ TIL MATAR!

Svakalega hef ég gaman af því að alli mínir Hæfileikar eu nú þjóðinni kunnir.

[Gísli Torfi, 21.1.2008 kl. 03:39]

Þú þykist vera töff, en ert í raun aumingi og tilfinningasósa,........þetta er gargandi snilld ég datt nánast úr Hjólastólnum mínum af hlátri ..... en sjálfur er ég Bogamaður

og við erum öll meira og minna meingölluð hér á jörðini en þá er bara að reyna að gera gott mót með góðri hjálp ..

[Hrönn Sigurðardóttir, 21.1.2008 kl. 08:25]

Tvíburi ;) alltaf að feika....

[Erla Ósk Arnardóttir Lilliendahl, 21.1.2008 kl. 13:11]

össs...ég er steingeit....snobbaður, stífur og vansæll vinnualki...

[Doddi - Þorsteinn G. Jónsson (IP-tala skráð) 21.1.2008 kl. 14:10]

Ég er naut ... ég er lítið skárri en rotþró ... so true!

[Þórður Ingi Bjarnason, 21.1.2008 kl. 14:25]

Steingeit ég get tekið undir það að vera vinnualki og stífur annað passar ekki.

[Gunnar Helgi Eysteinsson, 21.1.2008 kl. 16:53]

Sporðdreki.

[Rögnvaldur Hreiðarsson, 21.1.2008 kl. 17:11]

Ég er aumingi og tilfinningasósa. Í þessari röð...

[Þorsteinn Valur Baldvinsson, 21.1.2008 kl. 17:29]

Góð stjörnuspá, loksins eitthvað vit í þessu.

[Sigrún, 21.1.2008 kl. 17:42]

ÉG uppáhalds frænka þín !!!! :O

er nátturlega vatnsberi einsog eigandi síðunnar :)

Ég hef svo oft tekið eftir því hvað fólk í vatnsberamerkinu er með eindæmum fallegt og heilsteypt fólk ..............

varð bara að koma þessu að

[www.zordis.com, 21.1.2008 kl. 18:04]

Þetta er talandi dæmi um mig; alltaf að skipta þér af öðrum og segja þeim að gera það sem þú getur ekki gert sjálfur, svo er ég snobbuð mjög.

Er að spá í að sækja um sem vínsmakkari og þá verð ég sko vinnualki!

Þetta er náttúrulega bara ömurlegt að lesa svona staðreyndir ....  Best að fikra sig uppá fjallið!

[Alfreð Símonarson, 21.1.2008 kl. 18:30]

Vá, helvíti eru stjörnumerkin eitthvað þunglynd þessa dagana. Þá er bara að klæða sig í spandexgallann og dansa eins og vitleysingur um götur með sambatónlyst í botni í ghetto-blasterinum.

[Ásgerður , 21.1.2008 kl. 19:53]

Ég er vog,,,,og þetta er EKKI lýsing á mér  , eða hvað finnst þér?

[Jenný Anna Baldursdóttir, 24.1.2008 kl. 11:35]

Hehemm, steingeit hérna en með voða litla steingeit í kortinu mínu