hvaða hvaða...

....smámunasemi er þetta eiginlega? Bannað að drekka áfengi og stunda vændishús á vinnutíma!

Nú er fokið í flest skjól held ég...róa sig á tauginni! Voðalega og óttalega fara þessi bönn og boð í taugarnar á mér. Hvað er eðlilegra en að fá sér tvöfaldan wiskey út í morgunkaffið. Keyri rakur í vinnuna. Staupa sig aðeins meira við skrifborðið. Og fá sér svo eitt stykki drátt um miðbik dags? Rétt eftir kaffihlé.  Akkúrat ekki neitt að mínu viti. Bætir einfaldlega, hressir og kætir.

Dröslast þetta svo frameftir degi með signa bjórvömb og pela í rassvasanum. Með brennivíns sprungið nef sitt og titrandi hendur. Hlussast þetta fyrir framan sjónvarpið seinnipart dags og drepast loks drottni sínum, rétt fyrir miðnætti. Í sófanum, sitjandi.

Er það nema von að þeir sem drekka í vinnunni á annað borð þurfi að kaupa sér kynlíf! Enginn heilvita kvenmaður myndi sætta við slíkan mannkost.

Bannað að heimsækja vændishús og drekka áfengi á vinnutíma

Athugasemdir

[Ásthildur Cesil Þórðardóttir, 24.10.2007 kl. 00:14]

Frábær eins og venjulega

[Heiða Þórðar, 24.10.2007 kl. 00:15]

Þú verður alltaf að commenta hjá mér Guðmundur og taka tillit til þess að þegar andinn svífur ekki yfir vötnum...verð ég að fara þessa leið til að halda huganum og puttanum við efnið

[Ásdís Sigurðardóttir, 24.10.2007 kl. 00:26]

Þú gleymir alveg einu mikilvægu, fyrsta sígarettan þegar þú vaknar þunn, ómissandi    góð ertu stelpa í skrifum þínum 

[Jenný Anna Baldursdóttir, 24.10.2007 kl. 00:34]

Vó, vó, bara bloggar og bloggar, hvernig átti ég að vita það.  Algjörlega farið fram hjá mér að þú bloggir eins og m-f.  Halló og bæ.  Góða nótt, adjö min vän, sov gott.

[Erla Ósk Arnardóttir Lilliendahl, 24.10.2007 kl. 00:38]

Var einmitt að fylla á pelann fyrir vinnuna á morgun þegar ég rakst á þessa færslu hjá þér Heiða mín...segi bara skál!

[Heiða Þórðar, 24.10.2007 kl. 00:42]

hehe (Erla góð) og Guðmundur, ég kíki ALLTAF á þig kúturinn minn sko. Jenný ég kem alltaf aftur og aftur og aftur elskan....og já ég gleymdi sígarettunni Ásdís mín elskuleg.

[Katrín Ósk Adamsdóttir, 24.10.2007 kl. 08:09]

JAHÁ ekki langar mig í svona mann og reyndar alls alls ekki en þegar ég byrjaði að skrifa varð ég vör við að vera að berja stöfunum á lyklaborðið en greinilega pirraði mig að lesa lýsingu á svona drjóla

[Þórður Ingi Bjarnason, 24.10.2007 kl. 08:26]

Þetta er góð frásögn hjá þér. 

[Heiða Þórðar, 24.10.2007 kl. 09:14]

hehe Guðmundur, Heiða hefði alveg dugað sko....takk Katrín og Þórður

[Þröstur Unnar, 24.10.2007 kl. 09:24]

Skemmtileg færsla.

En þær eru svo margar sem eru ekki "heilvita"

[Heiða Þórðar, 24.10.2007 kl. 09:28]

ég veit, ég veit Þröstur...