Ég elska símann minn...

Þráðlausi borðsíminn minn (hvíti að sjálfsögðu) er tilboðssími. Alveg hreint yndæll gripur sem ég get ekki lifað án. Úr honum get get ég hringt og hægt er að hringja í mig. Í honum hef ég átt fjöldan allan af samtölum. Skemmtilegum og miður skemmtilegum. Hann hefur fært mér gleði og ekki svo mikla gleði.

Ég elska símann minn, hann er framlenging á hendinni minni... og fer einkar vel í hendi. Fer mér líka mjög vel, passar við öll dressin mín.

Fyrir einhverjum mánuðum var hringt í hvíta (plast) gemmsan minn; spurt hvort ég væri heima. Viðkomandi vildi færa mér gjöf. Semsé rándýran farsíma. Ég sagðist vera að fara að sofa, ekki var lynt látum fyrr en síminn var komin í mínar hendur. Svona dama einsog ég ætti að vera með almennilegan síma...sem var ekki úr gulli. Ég sakna gamla símans... pínu oggu lítið.

...síminn  er mun flottari en fyrri farsími. Með fleiri "fítusum" og mun flóknari en sá gamli. Ég fæ sömu símtölin í hann og þann fyrri...hef enn ekki lært á hann.

...eða svipuð.

Íslenskir auðmenn tala í 170 þúsund króna gullsíma

Athugasemdir

[Solla Guðjóns, 24.10.2007 kl. 14:52]

Mikið er þetta dásamlegt lífHljóta mörg gullkornin að fara um þessa dýrgripi...gullnar settningarVá maður ég notast við fyrsta gemsa dótturinnar bleikan að lit með Bart Simpson utan á og gringitón I'm a Bobby girl.

Er svona "snauðkona"

[Þórður Ingi Bjarnason, 24.10.2007 kl. 15:05]

það hljóta að vera mun betri símtöl sem maður fær í gegnum svona gull síma.  Ég á 3 ára gamlan ericsson síma en nú er spurning hvort ég fái mér ekki gull síma til að fá skemmtilegri símtöl. 

Kannski eru þau  svo ekkert skemmtilegri eftir allt.

[Katrín Ósk Adamsdóttir, 24.10.2007 kl. 15:35]

Jæja ég á nú allavega nýlegan bleikan og hvítan síma en reyndar kostaði hann nú bara 8 þús.og svona ef ég pæli í því að síðan ég skipti hef ég nú bara fengið frekar cheap símtöl