Dansa berfætt í... - heidathord.blog.is

Dansa berfætt í snjónum...

8.10.2007 | 21:58

Vatnsberi: Það er auðveldara að segja til um hvort eitthvað gerist eða ekki, en hvenær það gerist. Undirbúðu þig undir atvik sem mun gerast í náinni framtíð.

Hvaða spekúlant og snillingur semur stjörnuspánna fyrir Morgunblaðið? Hvaða vitleysingur les annars stjörnuspánna yfirhöfuð? Fuck....þetta var nú aldeilis til að toppa annars kalt og dapurt kvöld...er í raun himinlifandi að klukkan er langt gengin í ellefu þannig að ömurlegheitunum ljúki. Sniðugast væri í stöðunni að fara að sofa...og sofa fram á vorið ....en þvottavélin er á hægasnúningi, drullast og sullast þetta áfram einhvernveginn. Heppinn ef hún klárar að þeyta rjómann, fyrir jól.

Ertu ekki annars allir í stuði með Guði? Flott! Ég er það nefnilega ekki...

Ég hef nú alveg mátulega dásamað haustin hérna á blogginu mínu. Úthrópa þetta yfir allt og alla; Iss, piss; depurð? þunglyndi? Kjaftæði, þetta er bara hugarástand! Akkúrat! hvað varð af gleði-jákvæðnis-elementinu mínu? Frosnaði kannski í æðum mínum þegar ég var að skafa af bílrúðunum í morgun?

Hvað varð af "state-mentinu"; haustin eru æði; kertaljós og kúr og heitt kakó og leikhúsferðir? Kertin loga hjá mér allt árið...kúr kannski fjórða hvern dag...heitt kakó...hvað er nú það? og leikhúsferðir á fjögurra ára fresti.

Mig langar aftur í sólina og hitann á Nýja Sjálandi. Mig langar að hoppa og skoppa um allt skólaus og nærbuxnalaus í þunnum kjól með hárið slegið og finna hlýja goluna leika um vangann. Mig langar ekki að vera með frostrósir í kinnunum, geta ekki talað og kysst fyrir tannaglamri og finna ekki góða lykt fyrir frosbitnum nebba. Með grýlukerti í hárinu. OG MIG LANGAR EKKI AÐ HUGSA TIL KOMANDI MORGNA...dansandi berfætt í snjónum að skafa af bílnum!

Það tók mig nákvæmlega 4 klst. að moka mér uppúr sófanum í kvöld og fara út í göngu...sem kom ekki af góðu. Kaffileysi í morgunsárið er mér enganveginn bjóðandi. Ekki á þessum árstíma.

Annars sendi Konni mér e-mail... en málið er að ég er að verða drulluleið á honum Konberti! Ég er auðvitað búin að fyrirgefa honum yfirsjónina með nafnaruglið...en rúm vika er liðinn frá því að kynni okkar hófust...og ekkert nýtt undir sólinni á þeim bænum.... þá er komin tími til að skipta honum út fyrir aðra dægradvöl... einsog t.d. fyrir góða bók.

Flokkur: Bloggar | Facebook

Athugasemdir

Bjartur dagur á morgunn með ilmandi kaffibolla og bók en engan Konbert humm frekar furðulegt nafn á þessari elsku eða ekki elsku þinni

Katrín Ósk Adamsdóttir, 8.10.2007 kl. 22:22

ha ha eða xxxdvd

Einar Bragi Bragason., 8.10.2007 kl. 22:23

Cheer up sweet heart . . . morgundagar eftir svona daga eru alltaf betri.

Fiðrildi, 8.10.2007 kl. 22:28

Vertu bara bjartsýn Heiða mín ég er að reyna vera það líka

Kristín Katla Árnadóttir, 8.10.2007 kl. 22:48

Ég þoli ekki vetrarmorgna þegar það er skafrenningur og snjórinn fýkur inn undir alls staðar....bíllinn kaldur í korter og kaffið frosið í ferðabollanum þegar maður kemst á leiðarenda.....sé ekkert hressandi við þetta.....(sorríhvaðþettaerlítiðjákvættkomennt...enþegar einhverferaðargastútí kaldahaustogvetrarmorgna....þábaraverðégaðtakaundir ....sumariðermeiraminntími)!

Sunna Dóra Möller, 8.10.2007 kl. 23:03

Haustin eru æði, þegar lífið fer úr lit í svart hvítann raunveruleikann.

Heiða, það rigndi á Nýja - Sjálandi í dag. Þér að kenna, þú veist af hverju.

Kaupfélagið í Auckwick hins vegar sendi 'invoice' til Hagkaupa í Grafaafavogi.

Þú getur sótt þér átta 'sloggíz' með ~aðhaldi~ frítt á morgun, þeir greinilega þekkja þig úr draumförunum.

Steingrímur Helgason, 8.10.2007 kl. 23:15

hahaha! ég veit, ég veit Steingrímur....AÐHALDS HVAÐ?

Heiða Þórðar, 8.10.2007 kl. 23:20

er ekki Þriðjudagur á morgun ..það þýðir bara eitt ..stórkostlegur dagur framundan :)

Gísli Torfi, 8.10.2007 kl. 23:50

Það þýðir ekkert að vera að láta sig langa í breytt ástand, heldur njóta þess sem er. Núna. Augnóið you know. Haustin eru yndisleg. Hugsaðu þér hvað við erum heppin að hafa árstíðir. Svo gott fyrir lífsrythmann. Jájá stelpa mín góð. Vera glöð, kaupa sér bókina "A thousend splendid suns" eftir höfund Flugdrekahlauparans (Sara gaf mér sum sé þessa bók í morgun, af því hún elskar mömmu sína) og njóta.

Loveu

Jenný Anna Baldursdóttir, 8.10.2007 kl. 23:58

Seldu bara bílinn.........

Hrönn Sigurðardóttir, 9.10.2007 kl. 06:30

innlitsknús

Ólafur fannberg, 9.10.2007 kl. 08:03

Hva!!! Konbert látinn víkja bara si sona hvað gerði strákanginn eiginlega af sér, var hann of háður múttu, eða er það út af nafnaruglinu Knús til þín ljúfust.

Ásthildur Cesil Þórðardóttir, 9.10.2007 kl. 09:37