Geðsjúklingur eða mótmælandi? GEÐSJÚKLINGUR!!!

Ég vaknaði upp eina nóttina ...eftir að hafa talið umþb. 1008 rollur í öllum regnbogans litum...fann ég og vissi að andvaka yrði mitt hlutskipti þá nóttina. Ég lét það eftir mér að fara fram og drepa tímann (og það þrátt fyrir að ég geri ekki flugu mein) og kíkti til allra bloggvina  minna og víðar.

Eftir stóð að mér finnst hlutskipti móður minnar sem geðsjúklings öfundsvert, miðað við ástand sumra í bloggheimum. Þessa dagana er hennar einasta vandamál að koma til mín í naglalagfæringu, -á meðan þeir hinna verst settu; sjá köllun sína í að fordæma, hatrammast með þvílíkum djöflagangi á lyklaborðinu að mér verður flökurt! Held að það hafi ekki farið fram hjá einum eða neinum að ég þoli ekki þegar nýðst er á einstaklingum á þessum vettvangi  eða öðrum.

...og svo kemur alltaf ein úldin sena sem notuð er í vörninni;

-hvað...  ég er bara að segja skoðun mína!

Ég stórefa að viðkomandi aðilar og ekki nema þeir sem eru allra allra verst settir vilji vita um álit ykkar persónulega á mönnum og kerlingum og öðrum kvikindum.  Ég er alls ekki að tala um málefnin sjálf sem hafa algjörlega verið sett á hliðarlínuna. 

Ég er ekki að sjá að kerlingar með feit rassgöt og karlar með sveitta skalla breyti núverandi ástandi í þjóðfélaginu með því að tjá sig á blogginu með svo eitruðum skrifum að beiskjan og hatrið og viðbjóðurinn lekur út úr sérhverjum eða sumum pennum. Guð forði mér frá að leggjast svo lágt...má ég þá biðja frekar um áframhaldandi bólgur í öllum pörtum líkamans, takk fyrir.

Í mínum huga eiga mótmæli alveg rétt á sér...fannst nú samt á einum vini mínum um daginn þegar hann ætlaði að fara með strákinn sinn í miðbæinn; "rétt að kíkja á þetta lið"...að sá væri ekki að hugsa um tilgang mótmælanna sjálfra. Heldur bara rétt svona að "kíkka á pakkið" .

Sjálfri er mér slétt sama...stundum bungótt sama...en oftast overall slétt sama þó ég sé álitin heilalaus píkubloggari. Ef það væri rauninn,  væri ég sjálfsagt eitthvað í líkingu; við einhverra flokks hóru...

...það eru annars til allskyns hórufyrirbæri. Og þessháttar hóra sem ég vísa til eru forréttindi að flokkast undir sbr. hórurnar sem ég rakst á blogginu umrædda nótt. Mér finnst ástandið í þjóðfélaginu ekki síður dapurlegt en öðrum...en að ég láti það lita sérhverja stund í lífi mínu, verði gagntekin og haldin einhverskonar þráhyggju með eilífum hugsunum og blaðri er svona álíka líklegt og ég fengi mér ristað brauð með tómatsósu og appelsínum.

Bið ég ykkur vel að lifa og njóta þess að anda vel og lengi ofan í lungu...flest eruð þið ÆÐISLEGIR englar...svo ekki sé meira sagt

 

Athugasemdir

[Þórður Helgi Þórðarson, 7.1.2009 kl. 13:02]

Þú veist að sveittir skallar og feit rassgöt eru sexy, sumar hórur líka.

[Linda Lea Bogadóttir, 7.1.2009 kl. 13:12]

Vildi að ég hefði farið að þínu dæmi og tekið léttan snúning á bloggnu aðfararnótt mánudagsins - þegar ég gat lífsins ómögulega sofnað. Ég var  búin að telja,  100.000, 99.999, 99.998, 99.997... og niður í 126 þegar ég áttaði mig á það ég GÆTI EKKI sofnað. - Þá væri ég kannski fær um að koma með athugasemd við þessari færslu :-)
Stundum setur fólk sig í dómarasætið og telur sig yfir aðra hafið í áliti sínu og skoðunum.

Ég hins vegar þarf að koma í tíma til þín elskan... þú veist (neglur).

Love you...

[Heiða Þórðar, 7.1.2009 kl. 13:28]

Já ekki spurning...díllinn okkar stendur :)

Það eru allir sexy dodds...bara mis-sexy :)

[María Guðmundsdóttir, 7.1.2009 kl. 15:11]

thekki thær nokkrar thessar nætur..en hef ekki látid thad eftir mér ad fara og drepa timann ødruvisi en ad byltast hægri vinstri og bølva upphátt...

En já,sumir eru gjørsamlega ad fara hamførum á blogginu, og já á fleiri stødum reyndar.. held ad fólk verdi ad passa sig á ad rádast ekki á fólk sem persónur og hafa i huga ad adgát skal høfd i nærveru sálar.

[Heiða Þórðar, 7.1.2009 kl. 15:42]

[Olga Björt (IP-tala skráð) 7.1.2009 kl. 16:15]

Alveg er ég sammála þér með neikvæðar bloggfærslur þar sem frussað er yfir nafngreinda einstaklinga daginn út og inn. Það er alveg eðlilegt að folk verði reitt og missi sig í einni færslu en ég nenni ekki að kíkja við hjá fólki sem er bara með tuð, röfl og almenn leiðindi í þeim tilgangi að hafa rétt fyrir sér.

Frekar kíki ég á blogg eins og þitt, einlægt og hispurslaust án þess að særa einhvern og ósérhlífið - troðfullt af húmor fyrir lífinu og bloggaranum.

Það er svo mikið 2007 að vera neikvæður.

[Helga Magnúsdóttir, 7.1.2009 kl. 18:19]

Tengdamóðir mín var snargeðbiluð en henni leið bara vel í sínu skinni og var ekkert að pæla í því sem gerðist í þjóðfélaginu. Það er kannski ekki algalið að vera galinn.

[Jói Dagur (IP-tala skráð) 7.1.2009 kl. 18:33]

Maður þarf ekki að vera klikkaður, að búa hérna, en það sakar ekki.

[Heiða B. Heiðars, 7.1.2009 kl. 19:15]

Af hverju í fjandanum ert þú að pirra þig á því þótt annað fólk hafi skoðun og innilega andstyggð á því þó það sé dæmt til að lifa við fátækt svo einhverjar örfáar hræður geti búið í sínum spillingarpytt áfram?

Halt þú bara áfram að blogga um píkur og typpi ef það er það sem er þér efst í huga og ég blogga um það sem mér er efst í huga

[Ómar Ingi, 7.1.2009 kl. 19:23]

Doddi þó

[Bjöggi (IP-tala skráð) 7.1.2009 kl. 19:35]

Afhverju finnst mér hún Heiða B. alltaf verða svo ókurteis um leið og hún finnur á sér að einhver er ekki nákvæmlega samála nákvæmlega öllu sem hún segir. Þetta hlýtur að vera erfið vinna að vera haldberi réttlætisins. Ég gæti hugsað mér að þetta sé jafnþung byrgði og hringurinn í Hringadróttinsögu var fyrir hann Fróða. Kannski þessvegna sem hún er svona önug.

En svo eru Heiða B. og félagar hjarðdýr sem þurfa að vera á sömu skoðun og ráðast á þá sem ekki eru þeim samála af því að þeir eru að eyðileggja hjarðeðlið fyrir þeim.

[Heiða B. Heiðars, 7.1.2009 kl. 19:41]

Ég er akkúrat eins ókurteis og færslan bíður upp á að vera ;)

[Óskar Þorkelsson, 7.1.2009 kl. 20:02]

ég er geðsjúkur afturhaldskommatittsmótmælandi með feitt rassgat :)

[Olga Björt (IP-tala skráð) 7.1.2009 kl. 20:56]

"Mér finnst ástandið í þjóðfélaginu ekki síður dapurlegt en öðrum...en að ég láti það lita sérhverja stund í lífi mínu, verði gagntekin og haldin einhverskonar þráhyggju með eilífum hugsunum og blaðri."

Ég held að Heiða okkar sé búin að svara fyrir sig í pistlinum.

Auðvitað er nauðsynlegt að það skuli vera einstaklingar sem eru með munninn (eða lyklaborðið) fyrir neðan nefið, meira að segja reitt og gagnrýnið fólk. Oft er það orðheppið og nær ýmsu fram. Reiði er bara ekki eina leiðin til þess að takast á við óvissu og erfiðleika og það yrði ekki gott fyrir þjóðina ef allir yrðu þannig. Þá fyrst yrði fjandinn laus.... 

Gleymum því ekki að við erum líka fyrirmyndir komandi kynslóða og við verðum að kenna þeim margt meira en það að vera svekkt, reið og sár.

[Bjöggi (IP-tala skráð) 7.1.2009 kl. 20:59]

Vel mælt Olga Björt. Þú ert annsi björt ;)

[Þórður Helgi Þórðarson, 7.1.2009 kl. 21:54]

þú ert miss-sexy!

[Olga Björt (IP-tala skráð) 7.1.2009 kl. 22:21]

"Mér finnst ástandið í þjóðfélaginu ekki síður dapurlegt en öðrum...en að ég láti það lita sérhverja stund í lífi mínu, verði gagntekin og haldin einhverskonar þráhyggju með eilífum hugsunum og blaðri."

Ég held að Heiða okkar sé búin að svara fyrir sig í pistlinum.

Auðvitað er nauðsynlegt að það skuli vera einstaklingar sem eru með munninn (eða lyklaborðið) fyrir neðan nefið, meira að segja reitt og gagnrýnið fólk. Oft er það orðheppið og nær ýmsu fram. Reiði er bara ekki eina leiðin til þess að takast á við óvissu og erfiðleika og það yrði ekki gott fyrir þjóðina ef allir yrðu þannig. Þá fyrst yrði fjandinn laus.... 

Gleymum því ekki að við erum líka fyrirmyndir komandi kynslóða og við verðum að kenna þeim margt meira en það að vera svekkt, reið og sár.

[Steingrímur Helgason, 7.1.2009 kl. 23:05]

Ég er sko ekki með 'zkalla' & sit á eðalbotn !

[Heiða Þórðar, 7.1.2009 kl. 23:08]

Takk Olga fyrir að benda einmitt á punkurinn með færslunni ...sem þú komst með. Hver tekur bara til sín, það sem hann telur sig eiga.

Spurning mín er;

-Hversu oft sagði ég typpi eða píka í þessari færslu? 

Það er enganveginn það sama Heiða B og Heiða ...þannig er það nú bara. Þessutan er alls enginn pirringur í mér...er svo sæl í sinni að mig langar helst til að dansa... kannski afþví ég held mér utan við þessháttar umræður.

 

[sur, 7.1.2009 kl. 23:44]

Já thad er aleg merkilegt ad sumt fólk telji sig vita betur en adrir, og verdur bara reitt ef fólk er ekki sammála thví. Thegar ég kom fyrst inn í thennan bloggheim var ég efins um ad thad væri fullordid fólk sem væri á sumum bloggunum.

Mér finnst ekkert skrýtid ad thad sé mikid um einelti hjá börnum, thegar fullordid fólk er á fullu í einelti hér í bloggheimum.

Takk fyrir mig og finnst mér thetta frábær færsla hjá thér.

[Þórarinn Þ Gíslason (IP-tala skráð) 7.1.2009 kl. 23:49]

Já,sæl Heiða.

Stundum er það svo að stundum fara Vandamál að tala um Vandamál og úr því getur ekki orði annað en Verulegt Vandamál. Nú þekki ég aðeins til skrifa þeirrar sem kallar sig Heiðu B,og ég hef látið þá læki renna framjhjá minni eftirtekt . Ég leita yfirleitt í FERSKT vatn.

Oft eru þeir og þær sem eru með mestan munninn í þjóðfélags umræðunni minnst mark á takandi. Það er yfirleitt ekki rúm fyrir smá skynsemi eða eitthvað í þeim dúr.

En lífið er svona, ekki alltaf gaman !

Kveðja.

[Óskar Þorkelsson, 7.1.2009 kl. 23:52]

Heiða B er samt krútt

[Heiða Þórðar, 8.1.2009 kl. 00:01]

Sammála hún er algjört krútt! Svolítið angry krútt samt...

[Heiða Þórðar, 8.1.2009 kl. 10:14]

Já svo má ekki gleyma þeim

[Ásthildur Cesil Þórðardóttir, 8.1.2009 kl. 11:02]

Það er von að fólk sé reitt, og gott að fólk tjáir reiði sína á blogginu, betra en að taka hana út á næsta manni  Mér finnst ég stundum vera að springa og þarf að koma einhverju út áður en það gerist. Og svo finnst mér líka gott að lesa reiðilestur eins og hjá Heiðu B. 

Aftur á móti ef ég slysast inn á að lesa frið 2000 þá þarf ég áfallahjálp.

En Heiða mín þú ert flott, og alltaf gaman að koma hingað og slaka aðeins á.  Þú ert ein af þeim sem tekur sjálfa þig ekki of alvarlega, gerir létt grín að þér og öðrum, sem er algjörlega nauðsynlegt á þessum síðustu og verstu tímum, og reyndar alltaf.  Knús á þig elskuleg mín og það er örugglega miklu betra að sitja og lesa aðra bloggara en að telja kindur þó mislitar séu.  En ef þú vilt sofa er ágætt að fá sér einn bjór, rauðvín nú eða bara gott ávaxtate með hunangi. 

[Heiða Þórðar, 8.1.2009 kl. 11:04]

hehe...já já ...

[Heiða B. Heiðars, 8.1.2009 kl. 13:32]

Þú verður að fyrirgefa Helga Valdimarsdóttir... en ég held að þetta sé í fyrsta skipti sem ég sé til þín í bloggheimum... Ansi telur þú þig þekkja mig vel

Ef ég hefði áhyggjur af því sem svona fólk eins og þú heldur um mig ...þá væri ég alveg í rusli núna

[Lísa Björk Ingólfsdóttir, 8.1.2009 kl. 14:40]

Heiður eru frábærar í öllum stærðum og gerðum Ekki eins hrifin af feitum rössum, en skallar geta verið kúl. Fer bara eftir því hvernig maður horfir á þetta allt saman.

Annars er nú eitt - það er miklu betra að geðvonskast hérna út í eitthvað helvítis fokking fokk - en að rífast við kallinn.  Hann verður svo geðvondur.

Heiður - þið eruð æði......

[Jóhanna Magnúsar- og Völudóttir , 8.1.2009 kl. 17:32]

Guði sé lof fyrir ólíkar skoðanir - og blogg - annars væri lífið allt of einfalt, svipað og allir sokkar væru svartir og með eins stroffi!

[Heiða Þórðar, 8.1.2009 kl. 22:56]

Sammála Jóhanna

[Þór Jóhannesson, 9.1.2009 kl. 10:48]

Eitt orð: Pollyanna

[Ásdís Rán , 10.1.2009 kl. 13:45]