Regnboginn og gullpotturinn

Jæja þá...bara laugardagur til lukku að birtast mér enn eina ferðina. Samkvæmt almanakinu er þetta 36þúsundasti ríflegi laugardagurinn sem á samkv. loforði einhvers fávita að færa mér lán og happ. Mánudagurinn er handan við hornið...minnir að sá dagur sé frekar dapurlegur ásýndar og döll...mæðan ein. Þriðjudagurinn til þrautar...fer að stytta upp, þegar fram líður á vikuna.

Til allra hamingju hef ég komist að því að enginn mannlegur spekúlant...fær ráðið hvernig lán mitt ræðst eftir því hvaða vikudagur er.

Ég veit með vissu að ef hugarfar mitt segir; fucking shit...mánudagur...ömurlegur dagur...þá einfaldlega verður hann glataður!

Er að geyma lágt prósentuhlutfall af búslóð yngsta bróður míns. Við erum að tala um pappakassa einhverja og fl....einn kassinn var opin. Þegar ég sit við tölvuna verður mér litið á opna kassann. Efst var bók um fyrirgefninguna. Ég byrjaði að "glugga" í bókinni og kláraði hana nánast í gærkveldi.

Sóldís mín kom að mér,  þar sem rassinn og fætur vísuðu upp í loft. Ég hafði komið  mér á haus ofaní kassann og var farin að leita að fleiri gulli og gersemum...

...og ég fann.

Ég fann yndislegar bækur, bækur mér að skapi. Og einn gamlan hundrakarl...seðil.

Það sem efst stendur á þessu augnabliki er þetta:

Hvers vegna er okkur svona erfitt að sjá að leit okkar að gullpottinum við enda regnbogans felur aðeins þá staðreynd að við erum bæði regnboginn og gullpotturinn?

 

 

Athugasemdir

[Steingrímur Helgason, 15.11.2008 kl. 10:05]

Morgunspeki dagsins mótttekin...

Takk,

[Ómar Ingi, 15.11.2008 kl. 10:59]

Ég fann einu sinn hundrað kall

[Guðbjörg Erlingsdóttir (IP-tala skráð) 15.11.2008 kl. 11:21]

Já Heiða mín þú ert svo sannanlega bæði regnbogi og gullpottur :=)

Ofurskutlukveðja

[Aprílrós, 15.11.2008 kl. 13:53]

Gullin liggja oftast við fætur manns þegar við erum búin að leita um víðan völl eftir gulli og gersemum .

Ljúfan dag elskan ;)

[Marinó Már Marinósson, 15.11.2008 kl. 13:59]

Leitið og þú munt finna.    Ert þú bara ekki gullpotturinn sem sem allir vonast til að gangi út?  

[Hrönn Sigurðardóttir, 15.11.2008 kl. 15:57]

Paradísarheimt fjallar akkúrat um þetta!

[www.zordis.com, 15.11.2008 kl. 16:15]

Grasid er nebbl ekki graenna hinum megin nema vid séum sérlega fjarsyn eda med mjög gott fjernsyn.

Knús á zig lukkudís .....

[Ásdís Sigurðardóttir, 15.11.2008 kl. 16:17]

Þú ert yndisleg, takk fyrir þetta.

[Veraldarálfurinn (IP-tala skráð) 15.11.2008 kl. 16:19]

heyr heyr.

Ég fíla alveg að vera gull og gersemi - en það er einn galli við regnbogann: Litirnir minna soldið sko á hinsegin d---,  en ... jú, ég skal líka vera í regnbogalitunum. Fyrir þig.

[María Guðmundsdóttir, 15.11.2008 kl. 17:02]

góda helgi Heida, hafdu thad gott

[Guðrún Emilía Guðnadóttir, 15.11.2008 kl. 21:41]

Auðvitað erum við það, hver annar
Ljós og gleði til þín skjóðan mín
milla.

[Magnús Geir Guðmundsson, 16.11.2008 kl. 01:25]

Brosi til þín utan úr nóttinni!

[Solla Guðjóns, 16.11.2008 kl. 02:25]

[Sporðdrekinn, 16.11.2008 kl. 06:15]

"........við erum bæði regnboginn og gullpotturinn? " Nú fór ég bara að gráta...