Á að skera í tvennt eða sturta?

Ég á bróðir sem á bróðir sem er ekki bróðir minn. Sá bróðir gaf bróður okkar fiska í stóru búri. Bróðir minn gaf bróður okkar, sem jafnframt er bróður hans fiskana. Bróðir okkar leigði út fiskana ásamt íbúðinni. Leigandinn drap alla fiska bróður míns. Alla nema þrjá.

Þrjú  stykki grá kvikindi sem virka á mig einsog sæðisfrumur. Litlu gráu "döll" frumurnar eru einsog krækiber í helvíti frá mínu sjónarhorni séð. Bróðir minn vildi svo endilega að ég, sameiginleg systir þeirra beggja  fengi fiskana. Bróðir minn og bróðir bróðir hins bróður míns komu í dag og tengdu hreinsibúnaðinn og kafarann.  Hefði frekar kosið fallegt blóm i potti.

Ég kann ekkert í sambandi við umhirðu fiska, en ég kann að mjólka hamstur ...Erla...

Leiðbeiningarnar sem ég fékk voru svohljóðandi;

-Ef vatnið er of heitt þá sýðurðu þá. Ef vatnið er of kalt þá frystirðu þá. Ef þú gefur þeim of mikið að éta...drepur þú þá...ef þú gefur þeim of lítið...drepur þú þá líka.

Með þennan leiðarvísir í farteskinu hef ég haldið lifi í þessum ljótu kvikindum í heila 9 sólahringa og er stolt af sjálfri mér.  Ég drap ástareldin á þrem dögum, slétt! Á hverjum morgni læði ég mér að búrinu og kíki upp undir þakið.  Hef ekki veitt upp eitt einasta lik...ef ske kynni mun ég halda útför og jarðaför. Öllum boðið í erfidrykkju; kaffi og mandarínur.

Sem minnir mig á eitt;

Ég þekki konu sem er geðveik. Hún á mann sem er líka geðveikur. Hún hafði fengið sér tvo  appelsínugula fiska í glerkúlu. Kúlufiskarnir veittu henni félagskap og hún undi sér löngum stundum við það eitt að horfa á þá svamla í hringi í þögninni. Undir bringusundi, söng þrúgandi hugsanagangur um höfuðkúpuna hennar. Hugsanir sem enginn veit hverjar eru, nema hún sjálf. 

Hún hringir í mig, miður sín...

-Heiða..heldurðu að helvítis fíflið sé ekki búin að drepa fiskana mína! Hann var svo afbrýðisamur!

-æi, nei sturtaði hann þeim niður í klósettið?

-já, en áður en hann sturtaði þeim niður...þá skar hann þá í tvennt ...

Svo mörg voru þau orð.

Guð og góðar vættir geymi ykkur öllsömul

 

 

Athugasemdir

[Ómar Ingi, 12.11.2008 kl. 21:31]

[Lísa Björk Ingólfsdóttir, 12.11.2008 kl. 21:33]

Ef þú ert orðin illa leið á fiskunum þá má alltaf búa til litla veiðistöng og dorga smá.  Mæli ekki með skurðaðgerðum á fiskum.  Það er soldið ljótt - ha.....

Knús og kram

[www.zordis.com, 12.11.2008 kl. 21:33]

Alltaf gott ad eiga saedisfrumur í sjálfhreinsandi búri! Mjólka hamstur og hálfir gullfiskar .... jaeks!

Hefuru prófad ad tala vid fiskana fagur gráu?

[Veraldarálfurinn (IP-tala skráð) 12.11.2008 kl. 21:34]

Einu sinni skrifaði Wodehouse skemmtilega bók sem heitir á Íslenzku "Látið PSmith leysa vandann". Meistari PSmith var til í að leysa úr hvers kyns vandamálum hvaða enskrar heldrimanna fjölskyldu sem væri -> nema eitt:

Svo fremi það hefði ekkert að gera með fisk!

[Erla Ósk Arnardóttir Lilliendahl, 12.11.2008 kl. 21:57]

haha! get ekki beðið með að vera leidd í allan sannleikann..

[Steingrímur Helgason, 12.11.2008 kl. 21:58]

'Sushi in a bowl' er ásköpuð ávísun á andlegt álag & áblástur.

'Toyja' þetta snarlega....

[Marinó Már Marinósson, 12.11.2008 kl. 22:40]

Slorlíf   

[Heiða Þórðar, 12.11.2008 kl. 23:00]

[Aprílrós, 12.11.2008 kl. 23:58]

Dúdda mía, sá hefur verið abbó út í fiskana, en í alvöru þá þekki ég einn svona geðveikann sem er abbó út í allt ef það sem dregur athyglina frá honum .

[Einar Bragi Bragason., 13.11.2008 kl. 00:58]

he he he skrifa

[Heiða Þórðar, 13.11.2008 kl. 08:49]

skrifa skrifa skrifa....gengur hægt....við erum að tala um of mikið annríki ásamt "dassi" af stíflu....stíflulosara einhver?

[Solla Guðjóns, 13.11.2008 kl. 09:05]

Æjj.

 einföld fræði ....annars drepur þú þá.

[Ásdís Sigurðardóttir, 13.11.2008 kl. 12:50]

Þessi lestur hressti mig við, það er ekki gott að vakna og fyrsta sem maður gerir er að hlusta á slæmar fréttir.  Knús á þig yndið mitt, ég er að fara í borgina hafðu það gott um helgina

[Helga Magnúsdóttir, 13.11.2008 kl. 12:56]

Hef aldrei skilið fólk sem heldur fiska. Það er ekki nokkur félagsskapur að þeim og ekki hægt að klappa þeim.

[Guðbjörg Erlingsdóttir (IP-tala skráð) 13.11.2008 kl. 14:33]

Fiskinn minn og fiskinn þinn, ekki verri félagsskapur en hvað annað! Þeir allavega þegja. svo lengi sem þeir fá að borða eða ekki borða:)

knús á þig elskuleg!

[JEG, 13.11.2008 kl. 17:13]

Fiskar eru fín gæludý.  Ég er með 5 fiskabúr og langar endalaust í fleirri fiska.    Knús og kveðja úr Hrútósveitó. 

[Þ Þorsteinsson, 13.11.2008 kl. 17:37]

fiskur undir steini =   bböööö

Er á meðan er ..... en engin bræðrabönd í fiskabúrinu þínu frekar en í mínu.