Ég er svo hamingjusöm að ég er við það að springa!

9.7.2008 | 00:27

-Alveg upp í geiminn mamma, alveg upp í geiminn kallar´ún...og ég ýti rólunni aftur og aftur og aftur um leið og ég grýp flugur með vörunum. Allar sem ein vita-bragðlausar og litlar og svartar með blá augu og rauða tungu....sem ulla framan í mig.

Þetta er annars þeir suddalegustu dagar sem ég er að upplifa. Sólgleraugun koma að raunverulegu gagni. Ég er dekurpíka dauðans! Úrið mitt er á handleggnum, en aðeins til skrauts, eða þegar ég vil skraut við hafa. Tímaskyn allt farið til andskotans og lengra. Fáum okkur ís þegar okkur langar. Grilla steikur á miðnætti ef þannig liggur á mér. Les einsog motherfucker...og alls liggja nú um 30 bækur og tímarit úr safninu, víðsvegar um íbúðina. Á fjórum dögum hefur mér tekist að slátra ríflega jafnmörgum bókum. Að auki tugi barnabóka.

Nauthólsvík er draumur á jörð. Stenst fyllilega samanburð við nýsjálenskar strendur á þessum árstíma. Sólardísinn mín, rífur sig úr hverri spör....hoppar spriklar og hlær...móðirin (ég) ekki alveg eins frjálsleg, kappklædd eða þannig; hlæjandi-bikiný .... ég brosi og finn til í hjarta af sátt og hamingju í augnablikinu.

Miðbærinn iðar af lífi, fjöri og einlægri gleði. Endurnar við tjörnina taka okkur fagnandi. Elliðarárdalurinn skartar sínu fegursta bæði gróðri og brosandi fólki. Stinnir rassar á hjólum og hlaupum. Einstaka, rölta þetta með blómailm í nebbanum, rétt einsog við mægður...sumir með sólhatt...

...verð að minna mig á þessi augnablik þegar hausta tekur...

...annars ykkur að segja; -ég elska haustin ekkert síður, með sínum fáranlega sjarma. Á meira við ef hausta fer í sálinni minni Wink ...

Ég er svo hamingjusöm þessa dagana að ég er við það að springa!

Langaði að deila þessu með ykkur...

... annað að frétta er; að ég er komin á há-flug við skriftir, en það er eitt af því sem gefur hvað mesta gleði... penslarnir eru á leið út úr skápnum, "special home-made -ala heiða" sjónvarpsogkelisófi (að sjálfsögðu hvítur) er að taka á sig raunverulegri mynd en bara í hugskotinu...djö......á ég eftir að kela í þessum sófa!!! Svei mér þá ef hann verður ekki barasta vígður með nettum "skransi".... Wink

Vona að þið hafið það gott, öll sem eitt Heart góðar stundir Smile

Flokkur: Bloggar | Breytt s.d. kl. 00:42 | Facebook

Athugasemdir

Þetta er lífið...ástin og hamingjan,,,gleðin....litla dekurþorivarlaaðskrifaþettaorðpíkan mín

Njóttu

Solla Guðjóns, 9.7.2008 kl. 00:40

hehe

Heiða Þórðar, 9.7.2008 kl. 00:42

ommi, hvað það er gott og gaman að lesa þetta, gott að þú hefur það svona gott, þú og þínir!! Nauthólsvíkin er svooo flott!! Og miðbærinn, sakna hans oft.

alva (IP-tala skráð) 9.7.2008 kl. 00:46

SEndi þér sólskinsbros Heiða Bergþóra, úr mildri miðnæturrigningu norðan heiða!

Líka hægt að vera hamingjusamur í henni!

Magnús Geir Guðmundsson, 9.7.2008 kl. 01:54

litlir sólargæjar

Gísli Torfi, 9.7.2008 kl. 03:07

Já sumarið er tíminn sko. VAr búin að finna það en týndi því í 2 daga en það er fundið aftur og börnin stuttbuxnasjúk og þola ekki við inni.

Indislegt að heyra að þú sért uppfull af hamingju þannig á það líka að vera.

Knús og kvitt úr sveitinni.

JEG, 9.7.2008 kl. 09:49

Yndislegt líf

Dísa Dóra, 9.7.2008 kl. 10:32

Ókei... nú er ég betur að skilja þetta allt saman.
Sólin er s.s hjá þér... God, hélt að hún væri bara dáin. Allaveg er ég búin að panta hana í næstu viku og vona að þú getur notið hennar þanngað til.

Fynndið að lesa þetta. Ef þú mundir ekki nefna staðarnöfn mundi ég sennilega bara halda að þú værir í Frakklandi, ekki Íslandi.

Lífið ER gott.

Hulla Dan, 9.7.2008 kl. 17:15

ó mæ ó mæ, Njóttu

Guðbjörg Erlingsdóttir (IP-tala skráð) 9.7.2008 kl. 18:04