Ég er ekki snagi!

Ég sat með samanherptar rasskinnarnar á meðan ég beið eftir svarinu.

-ertu til í að hafa þetta bara svona áfram, við hittumst 2svar í mánuði eða aðra hvora viku, bara hvort sem hentar okkur betur?

Þögnin var eilíf eða þar til hún var rofin með...

-já já ef það er það sem þú vilt.

-Rangt svar.

-Fylgir einhver fjandans manuall með þér manneskja? Svara aldrei rétt!

Ég var að hugsa um þetta og sittlítið af öðru þegar ég læddi mér inn á umferðarmiðstöð í dag. Fer yfirleitt að kveldi þegar fáir eru á ferli. Þegar ég þá fer í þeim erindargjörðum að  fá mér sviðakjamma. Ekki vill ég skítafíluna af  andlitsljótum, afhöggvuðum kindum á heimilið svo mikið er vist. Innkoman var ekkert glæsileg þegar ég skautaði sjálfri mér næstum á rassgatið með snjóþungum leðurstígvélum langleiðina út um næstu hurð á Bsí um hábjartan dag. Mér var svo mikið um þetta að ég fékk mér fisk. Vondan fisk. Í staðinn fyrir svið. Og er ennþá í fílu. En samt ekkert mikilli bara pínu.

Kannksi líka afþví að leiðinlegasta lag allra tíma sönglar fyrir eyrum mér daginn út og daginn inn.

Lagið er með Regínu Ósk og textinn er svo "bitter" að ég verð ekki bara beisk og súr...heldur bitur og brjáluð.

Hann er eitthvað á þessa leið; ég vakna klukkan átta...fæ mér morgunmat og bla bla...síðan að þú komst er ég í lagi... 

...fyrr má nú aldeilis vera herðatré eða snagi...eða úlpa eða kápa. Ég er ekki snagi...langar ekkert að hafa úlpu hangandi á mér. Geng ekki einu sinni í úlpu. Ég er heldur ekki kápa þó svo sumir telja sig vera nælu sem þeir þurfi að stinga í brjóstið á mér til að flikka upp á mig. Ég er fljót að losa mig við þesslags aukahluti. Og það tel ég vera kost.

Í framhaldi finnst mér sorglegt þegar fólk trúir því í raun... að það þurfi... segjum bara snaga...eða kápu til að vera hamingjusamt. Heldur að hamingjuna sé að finna hjá öðrum..eða í öðru en í hjarta þess sjálfs. Hengir sjálfsvirðinguna á einhvern sem hangir utan í þvi sjálfu. Eða titlum og/eða aurum. 

Ég vil samt alveg vera herðatré...með annað hangandi við hliðina á mér í sama skáp sko... 

 

 

Athugasemdir

[Hrönn Sigurðardóttir, 9.2.2008 kl. 22:41]

....en hvaða svar vildirðu? Og af hverju spurðirðu þá ekki bara um það?

Æ am lost!

Skil samt partinn með herðatrén og snagann - því náði ég þó!

[Heiða Þórðar, 9.2.2008 kl. 22:54]

Ekki hugmynd elskan. Manuallinn með mér er týndur...

[Hrönn Sigurðardóttir, 9.2.2008 kl. 23:00]

aaaaaa hlaut að vera. Viltu fá minn lánaðan - eða nei! Ég hent´onum :)

lovjú

[Heiða Þórðar, 9.2.2008 kl. 23:06]

"lovjútú"

[www.zordis.com, 9.2.2008 kl. 23:08]

Er það nema að von að hlutir fari úrskeiðis .... vertu blátt áfram næst!  Sem þú ert  næstum því.

Var að velta vöngum yfir því hvort ég væri bara ekki til í að vera skúffa eða annars hljómar fallegt beyki herðatré ágætlega!

Laugardagskossinn sendi ég þér "kwak kwak"

[Markús frá Djúpalæk, 9.2.2008 kl. 23:18]

Þetta var ágætt

[Heiða Þórðar, 10.2.2008 kl. 00:21]

Úrskeiðis hvað? ....

...síðan að þú komst er ég í lagi....

[Steingrímur Helgason, 10.2.2008 kl. 00:59]

Það er ekkert skemmtilegra til en beiskar & samanherptar konur....

[Ásgerður , 10.2.2008 kl. 04:31]

Ég er ekki heldur snagi, en geng alveg í úlpu þessa dagan sko

Ég er nú farin að vorkenna aumingja fiskinum, þetta er auðvitað bara ráðgata fyrir hann og nú er hann orðinn skíthræddur um að segja eitthvað vitlaust, vertu góð við hann.

Knús á ykkur mæðgur

[Maddý (IP-tala skráð) 10.2.2008 kl. 13:54]

Það er líka bara fínt að vera eitt herðatré í skáp ef hitt er eitthvað að dingla sér þá er bara gott að það sé í öðrum skáp!

[Kristín Katla Árnadóttir, 10.2.2008 kl. 16:04]

Þetta er sko flott hjá þér.....................

[Steingerður Steinarsdóttir, 10.2.2008 kl. 17:40]

Já, þetta er alltof algengt. Fólk bíður þess eina eða einu réttu og heldur að þá falli púslin loks saman og lífið verði dásamlegt. En meðan þú ert ekki heil manneskja ein og sér verður þú jafnhálf með annarri manneskju.

[Guðrún Jóhannesdóttir, 10.2.2008 kl. 19:08]

[www.zordis.com, 10.2.2008 kl. 19:26]

 koss á kinn (razzkinn sko) .....

[Linda Lea Bogadóttir, 10.2.2008 kl. 22:12]

Þú ert perla - fer ekki ofan af því.
Held að ég hafi verið fatastandur með 10 herðatrjám.
Ekki lengur - sjálfsvirðingin er risinn upp frá dauðum.

[Gunnar Helgi Eysteinsson, 10.2.2008 kl. 22:27]

[Gísli Torfi, 10.2.2008 kl. 22:36]

Eigðu góða viku Heiða mín ..sumir voru fljótir að fara úr húsi í dag.... uss uss

[Guðríður Pétursdóttir, 10.2.2008 kl. 23:04]

húff ég er svo sjúskuð í kvöld að ég skildi hvorki upp né niður í neinu

 ég les þetta aftur á morgun og tékka hvort ég skliji þetta betur

[Solla Guðjóns, 12.2.2008 kl. 01:33]