Það er ég viss um að hún er með bringuhár!

Í gær var séð þokklega vel fyrir öllu til að gera daginn minn í dag, föstudag sem bærilegastan. Til að mynda var einn erlendur starfsmaður fenginn til að smúla stéttina (í gær)fyrir framan vinnustaðinn til þess að ég Heiða bergur ásamt öllum hinum þyrfti ekki að vaða snjó, heldur gæti skautað sem leið lá beint inn og byrjað að vinna með bros á vör. Vitandi vits að von væri á hörkufrosti í dag. Þó mér hafi nú fundist þetta í meira lagi fáránlegt í gær...sé ég í dag að auðvitað var þetta pælinginn. Ekki sú að ég myndi brjóta á mér hálsinn eða báðar fætur, hvað þá annan þeirra. Neibb...nefnilega tók netta sveiflu beint inn á gólf...

...lítið vissi ég þá...en það sem ég átti eftir að uppgvöta fljótleg upp úr hádeginu og eyðilagði gjörsamlega stemminguna í hjartanu, þrátt fyrir sólríkan og fallega dag. Þeim sama og þið áttuð.  Ég sat í mínum fagra bíl (séð út frá mínu sjónarhorni -út um gluggann) og renndi mér ofurblíðlega um götur borgarinnar og dásamaði daginn, ein með sjálfri mér.   Svo kíki ég í spegilinn þar sem ég var að fara á fund og vildi hafa útlitið í lagi. Kunnugleg augun mættu mínum og ég var sátt með að maskarinn hafði ekki haggast úr stað, frá þessum sama morgni...teygði mig i veskið mitt og dró upp glossið blindandi, leit upp og í spegillinn... og þá snarstoppaði annað augað....á leið til varanna og ekki einu orði um það ofaukið. Snarhemlaði við nefið á mér. Það lá við að ég fengi nett fall þarna á hjartað...á punktinum við Mjóddina! Og ég emjaði; neeeeeeeeeeeeeeeei!

Ég snarhemlaði einsog hægt var miðað við aðstæður...og bæði augun horfðu í angist á hár sem kom út úr nefinu. Langt, beint og ljóst. Ég reyndi að ná því út úr nefinu en ekkert gekk, er frekar naglalöng svona og enginn var plokkarinn í veskinu. Ég var gjörsamlega ekki með sjálfri mér, þegar hugurinn fór afturábak á þúsund kílómetra hraða yfir alla þá sem ég hafði haft samskipti við þennan sama morgun...og var ég viss um að hver einn og einasti þeirra sem varð á vegi mínum, hafi hugsað;

-hún er með bringuhár þessi!

Ég var að nálgast áfangastað og tók á það ráð að troða hárinu aftur til síns heima og passaði mig sérstaklega að anda ekki út með nefinu, bara fast inn. Áætlunin gekk eftir. Þegar ég settist aftur upp í bíl, tók ég út stöðuna í speglinum og þetta leit fínt út. Hárið hélt sig fyrir innan.

Auðvitað er ég búin að skipta um peru í baðherberginu og við erum að tala um 100W. Er búin að ná bevítans hárdruslunni. Og öllum öðrum hárlufsum. Á mér er ekki að finna eitt stingandi strá.

Góða og hárlausa helgi allir. 

Athugasemdir

[Hrönn Sigurðardóttir, 1.2.2008 kl. 20:24]

ó mæ....

.....það er svo sárt að taka nefhárin!! Ég nota alltaf tækifærið þegar ég fæ deyfingu hjá tannlækni og hreinsa til í nösum

[Ásdís Sigurðardóttir, 1.2.2008 kl. 20:28]

Heiða darling you kill me.   Ég hef fengið svona óvæntan eins hára vöxt í nef og dreif mig með töng og sleit, þvílíkt pirrandi sársauki og hnerr og tár sem getur fylgt einu andsk. hári í nefi, á meðan maður getur rifið heilu torfurnar í kantskurði án sársauka.  Eigðu ljúfa hárlausa helgi    

[www.zordis.com, 1.2.2008 kl. 21:08]

Ásdís, talandi um torfur og Hrönn nota tækifærið eftir tönnslu!

Ég fæ hnerran af því að hugsa um þitt fagra ljósa nefhár.  Þú ert sem sagt nefháralaus sexy girl núna! 

[Magnús Geir Guðmundsson, 1.2.2008 kl. 21:27]

"Og á þér er núna ekki að finna eitt stingandi strá"?

Þú ert að gefa "Bláa litnum" undir fótin með þessu Heiða mín!

[Steingrímur Helgason, 1.2.2008 kl. 22:12]

Þú ert nú bara tvöfaldlega hraun ...

[Guðrún Jóhannesdóttir, 1.2.2008 kl. 22:20]

nú var mér skemmt við lesturinn

eins gott að enginn fór á þig

þegar þú fannst hárið

[Gunnar Helgi Eysteinsson, 1.2.2008 kl. 22:24]

...sömuleiðis.

[Einar Bragi Bragason., 1.2.2008 kl. 22:38]

æææææææææææææææ ha ha ha ha ha ha ha ha þetta er efni í atriði í Bíómyndina Dagbók Heiðu sem ég ætla að sjá um tónlistina í he he he

[Sigvarður Hans Ísleifsson, 1.2.2008 kl. 23:32]

ææ og ekkert mr T þá

[Jenný Anna Baldursdóttir, 2.2.2008 kl. 00:19]

[Heiða B. Heiðars, 2.2.2008 kl. 02:53]

Æi Heiða mín, en leiðinlegt! Á eftir svona nefhári kemur svona stór brún bóla... svona eins og fæðingarblettur með sjálfstætt líf... og hárin sem vaxa úr honum frekar dökk og gróf :)

[Gísli Torfi, 2.2.2008 kl. 03:25]

Bíddu ert að segja mér að þú eigir ekki nefhárasnyrtirinn my oh my Heiða Hjóla beint í Hagkaup kostar 990kr.. eðaltæki.

[Þórarinn Þ Gíslason (IP-tala skráð) 2.2.2008 kl. 03:38]

Viðverukvitt.

[Þ Þorsteinsson, 2.2.2008 kl. 08:27]

þér er einstaklega tamt að koma mér til að brosa eftir lestur skrifa þinna,góður eiginleiki þar á ferð . 

á eina sem lætur þetta varða á mínu heimili og notar öll tækifæri til að pína mig , kjurr !  

[Ásthildur Cesil Þórðardóttir, 2.2.2008 kl. 08:36]

Hm sem betur fer hef ég ekki fengið hár í nefið, en ég fæ stundum svona nornahár á hökuna  Að öðru leyti dettur mér ekki í hug að fjarlægja hár, nema í mesta lagi af leggjunum, þegar ég fer í sólarferðir, nennti því ekki heldur húna.  Mér finnst einhvernveginn að hárin hljóti að eiga að þjóna einhverjum tilgangi, af hverju fæðumst við annars með hár hér og þar ?  Og ég man eftir fegurðardrottningu mig minnir að hún heiti Pálína sem var kafloðin um geirvörturnar. 

[Heiða Þórðar, 2.2.2008 kl. 12:39]

ja hérna hér....

[Kristín Katla Árnadóttir, 2.2.2008 kl. 13:20]

 Mér fannst þetta fyndið ég gat ekki annað hlegið þú er sko frábær Heiða mín.Kær kveðja.

[www.zordis.com, 2.2.2008 kl. 18:17]

Ég er nú gapandi yfir fegurðardrottningunni sem var loðin á gerivörtunum .... nornahárin þekki ég vel.

Hárin eru og verða meiri þegar búseta er í heitum löndum og sumar dúllurnar eru með bikasvört armhár.  Ég er eins og lilli aumingi nakin á höndunum!

knús á þig dúlla á ljúfum laugardegi. 

[Huld S. Ringsted, 2.2.2008 kl. 20:05]

Þú ert ágæt

[Maddý (IP-tala skráð) 2.2.2008 kl. 22:27]

Ertu þá með sköllótt nefið núna?

[Edda Agnarsdóttir, 3.2.2008 kl. 14:15]

Ææææ  ég tárast við lesturinn af sársauka!

[Linda Lea Bogadóttir, 4.2.2008 kl. 09:17]

Þú er óborganleg. Ætla ekki einu sinni að voga með að nefna hvað það er sem veldur þessu skyndilega hárvexti.
Ég átti internet lausa helgi... erilsama og svefnlitla. Lifið hana þó af.