Sé ekki sólina fyrir stjörnunum...

-Ertu þarna núna, viltu tala við mig í dag?!!!!!!!!!

-ég er ekki ánægður með þig Heida, at all!

-núna ertu hérna! Ég var ekki ánægður í gær, ég vil bara að þú vitir það!!!

-ég sá það (ég...)

-ég sendi þér mail...veistu það!

-ég hélt ég hefði "uppsetað" þig....

-hvað ætlarðu að gera í dag? (ég)

-kaupa efni í kjólinn fyrir þig.

-oh, how sweet...hvernig hefur mamma þín það? (ég)

-hún hefur það fínt, ég er að fara að búa til morgunmat handa henni.

-ég sendi þér kort ...kíktu á það!!! núna!!!

.....og síðan slitnaði sambandið.

Hann er aldeilis ákveðin þessi elska. Augljóst hvað hann er ástfanginn. Og nokkuð ljóst að hann vill hafa aðgang að mér 24/7! Og ég meina allt í góðu með það. Ég er jú undirgefin, skoðanalaus og læt einstaklega vel að stjórn. Hlýðin, lítillát og pervisin písl. Það eru e.t.v. ekki allir sammála mér hérna sem til mín þekkja. En þetta er hreinasti sannleikur.

Byrjun á okkar sambandi lofar því afar góðu.

Ég mæli eindregið öllum frá því, að taka mikilvægar ákvarðanir einsog að velja lit á barnaherbergi í ástarvímu.  þegar maður er með stjörnur í augunum og sér ekki sólina fyrir stjörnunum, er maður með öllu ófær um að taka mikilvægar ákvörðanir. Ég hefði betur fengið dómgreind og smekk einhvers lánaðan þegar ég stóð frammi fyrir litavalinu í bleiku deildinni. Málningarvinnan gengur afar hægt...hvernig er annars við öðru að búast þegar hugurinn er í Nígeríu við morgunverðarhlaðborð og fleiri fín borð...hjartað í Hollandi og nýji kærastinn fúll? Mér til töluverðar armmæðu, varð bleiki liturinn sem ég valdi í Byko, svo öskrandi bleikur að hann er BLEIKUR!

Varaliturinn roðnar í samanburði...

Annars varð mér hugsað til hans E. G. frá Akureyri...bara af þeirri einföldu ástæðu að þessi öðlingur er umhugað um að Cyber-sambandið mitt endi í blússandi blóma. Hann hefur þvi hrundið af stað söfnun. Kærastinn hreinsaði út af heimabankanum mínum eftir fyrsta stefnumót. Var að velta þvi nefnilega fyrir mér í gærkveldi ...hvort einhver fyrirstæða væri fyrir þvi að fá Konna hingað til Íslands bara?! Og mömmu hans líka...þau er bundin órjúfanlegum böndum...og ég er meira en til í að deila rúminu mínu með þeim.

Annars veit maður svo sem ekki hvað er satt og logið með hann Ella sprella sko...hann ætlaði að ljúka söfnunni um helgina með sparibauk, á horni Glerárgötu og einhverrar annarrar götu...en samkv. blogginu hans er gæinn á leið í bæinn! Og enga Glerárgötu að finna hérna í bænum, mér vitanlega. Ég held nú samt að hann sé hingað til Reykjavíkur komin til að afhenda mér afrakstur söfnunarinnar...in person. Ekki er maðurinn að ljúga! ...en hvað veit maður svo sem. Í versta falli, er ég allavega alveg með Konna minn á hreinu...

Athugasemdir

[Jenný Anna Baldursdóttir, 3.10.2007 kl. 11:54]

Frábær færsla.  Ég held að þú sért in deep varðandi þennan gæja.

[Sunna Dóra Möller, 3.10.2007 kl. 12:04]

Snilld

[Ásdís Sigurðardóttir, 3.10.2007 kl. 12:41]

Hva er ekki Glassriverstreet í bænum, farðu með hann í Austurstræti er ekki allt morandi í glerbrotum þar um helgar.??

[Ellert Guðmundsson, 3.10.2007 kl. 13:05]

Sko ! við skulum bara taka stöðuna hér. Þetta byrjaði á Hollenskum hönk, með nálapúðann í rassvasanum og í Burberry nærbuxunum. Núna erum við komin með þriðju deildar fótboltamann og mömmu hans frá Nigeríu ! Bíddu, hver heldur þú að sjá til þess að hann hafi tölvu til að flörta á ! ha ! það eru jú hin 8 systkinin hans, frá aldrinum 11-6 ára. Sem að þræla í múrsteina verksmiðjunni frá 7 - 19 ( bæ þe vei, ekkert af þeim er samfeðra) svo þegar þau koma heim að þá fara þau öll upp á þak á strá kofanum og halda upp loftnetinu svo að þið getið flörtað. Það bara fyrir vinskap fjölskyldu minnar við Siggu ömmu þína (heitna) sem að ég held mínu striki. Þú ert að panta nígeríkst hlaðborð en ert á íslenska blóðmörskúrnum !

Annað, ég var í dinner um daginn og stemmingin var ansi rómantísk, þegar ég sagði: Þú ert epli augna minna....hún varð undrandi á svipinn, ég panikaði og hélt áfram: ehh þú ert kiwi handakrika minna ! þá varð henni flökurt og þá var ég sveittur og sá þetta renna úr höndum mér og sagði: þú ert eins og agúrkan á milli fóta minna....þá fór hún ! Geri þig og Konna algjörlega ábyrg fyrir þessu !klúðri.

[Heiða Þórðar, 3.10.2007 kl. 13:05]

Konna eða Ella sprella??? Ásdís mín...

[Heiða Þórðar, 3.10.2007 kl. 13:16]

Orðlaus!

....kunningsskap Siggu ömmu....minnar! ( ég er ekki ég sko....)...forvitni mín er vakin...

Svo ertu bara hreint ekki að halda þínu striki Elli. Hvað varð um hornið? Ætlar þú kannski að vera í glerbrota-hrúgunni á Austurvelli um helgina með baukinn eða... .... étandi tertusneið á kaffihúsi?

[Nafnlaus (IP-tala skráð) 3.10.2007 kl. 14:01]

Get a room...

[John Doe (IP-tala skráð) 3.10.2007 kl. 14:48]

Sammála síðasta ræðumanni, nú er bara að drífa sig norður Heiða! Ódýrara en alla leið til Nigeríu og engir tungumálaörðuleikar.  Þar fyrir utan er maðurinn búin að safna í bauk fyrir farinu.

[Einar Bragi Bragason., 3.10.2007 kl. 14:50]

ooooooooooohhhhh þetta er svo spennó.....grannar hvað ha eða Dallas

[Gísli Torfi, 3.10.2007 kl. 15:13]

Já er leikmaðurinn frá Nígeríu er hann eitthvað að vinna við Skreið þarna í Lima eða hvar sem  hann er.. ég styð þig í þessu og get alveg séð lýsinguna hjá E.G. fyrir mér ... Örugglega ódýrt að framfleita honum líka ef hann veðrur í Nígeríu forever... en erum við ekki að skoða tilgang lífsins á þriðjudögum.. fær kannski svör þar hvað þú eigir að gera :)

[Kristín Katla Árnadóttir, 3.10.2007 kl. 15:13]

Það er gott að þú hefur Konna þinn á hreinu ljúfust.

[Hrönn Sigurðardóttir, 3.10.2007 kl. 16:12]

*Glassriverstreet* Ég er í kasti...........

[Ásthildur Cesil Þórðardóttir, 3.10.2007 kl. 16:45]

Halló, bara framhald eins og í Dallas, frábært, nú getur maður bara haft það nice og fylgst með þessu þrillerspennudrama.  Ástar þríhyrningur með mömmu innanborðs. 

[Ásdís Sigurðardóttir, 3.10.2007 kl. 19:04]

Ánægð með þessa mynd, hin var einhvernvegin ekki þú.