Bráðum koma blessuð jólin...

... og ég byrjuð á aðventukransinum. Ekki seinna vænna þar sem eru 89 dagar til jóla. Ein af uppáhaldstölunum mínum...sonur minn er fæddur "89.

Aðventukransinn minn samanstendur af þrem kertum. Ekki hefðbundinn í neinum skilningi. Kertin eru úr spritti og þrír rauðir glervasar halda utan um kertin. Þau standa fyrir; Trú, von og kærleika.

Alveg hreinasti sannleikur. Sem fyrr ætla ég að vera svolítið mikið öðruvísi. 

Ég á eftir að bæta við hann...breyta alveg fram á síðasta dag...útkoman verður hreint glæsileg.

Ég lagði inn á son minn 5.555- kr. í dag úr heimabankanum. Lét staðfesta greiðslu með sms-i til hans. Og beið. Hann hringdi og sagði;

-mamma, afhverju 5555- en ekki 5000?

-bara svo þú myndir hringja í mig elskan! Svo fannst mér þetta miklu flottari tala.

-ha, já já......ok, annars er uppáhaldstalan mín "69 sko!

Svo spjölluðum við saman smástund.

Eftir að ég kvaddi hann þá fór ég aftur inn í heimabankann, lagði inn á hann 69krónur....staðfest greiðsla með sms ...beið smá stund og sendi honum eftirfarandi kveðju á símanum;

...segðu svo að mamma þín geri ekki allt fyrir þig!

Ég fékk feitan broskarl tilbaka.

Er alvarlega að hugsa um að vera ekki á landinu á jólunum. Á heimboð erlendis. Feðurnir hafa börnin samkv. samkomulegi. Þannig að frk. Heiða litla, verður annaðhvort í útlandinu eða vælandi ofaní kaldan kaffibolla étandi brennda pizzu...

 

 

 

 

 

Athugasemdir

[Gunnar Helgi Eysteinsson, 26.9.2007 kl. 21:02]

[Fiðrildi, 26.9.2007 kl. 21:08]

Trú, von og kærleiki . .. mig langar mest að stela hugmyndinni.  Ef svo verður skal ég samt lofa að segja öllum að hún sé frá þér komin.  Skelltu þér til útlanda um jólin . . það er frábært.  Ég gerði það síðast . . . en stalst til að halda jólin 17. des hér heima í staðinn . . flýtti þeim sem sagt.  Hef áður fært jólin til um einhverja daga og það virkar bara vel.

Kveðja Arna

[Þórður Ingi Bjarnason, 26.9.2007 kl. 21:11]

Það getur verið gaman að breyta til um jólin og fara út.  En ég er svo mikið Jólabarn að ég gæti ekki farið út yfir jólin.  Ég seigi oft að ég sé löggildur jólasveinn þar sem ég á afmæli á jóladag.

[Georg Eiður Arnarson, 26.9.2007 kl. 21:17]

Gleðileg jól

[Hrönn Sigurðardóttir, 26.9.2007 kl. 21:20]

Ég borðaði einu sinni rúgbrauð og síld á aðfangadag. Það var ófært "heim" til mömmu......

Það voru ekki skemmtileg jól. Mæli frekar með því að halda þau utanlands. Kannski bara í Skerjagarðinum? Flott hugmynd að aðventukransi.

knús

[Þröstur Unnar, 26.9.2007 kl. 22:19]

Verðuru ein um jólin? Ég líka.

[astapasta (IP-tala skráð) 26.9.2007 kl. 22:32]

oohhhh var úti í fyrra manstu og langar svoooo aftur...

[Margrét M, 27.9.2007 kl. 09:50]

snilldar aðventukrans ... gott hjá þer að fara bara erlendis um jólin ..

[Jenný Anna Baldursdóttir, 27.9.2007 kl. 12:25]

Gleðileg jól og farsælt komandi ár með þökk fyrir árið sem er að líða

[Heiða B. Heiðars, 27.9.2007 kl. 13:02]

Ég er einmitt að spá að fara til útlanda, en ekki fyrr en milli jóla og nýárs. Þegar maður á næstum því heilt handboltalið af barnabörnum tímir maður ekki að missa af því þegar liðið spænir upp jólapakka ;)

[Anna Einarsdóttir, 27.9.2007 kl. 13:23]

Þú færð feitan broskall frá mér líka,, fyrir hugmyndaauðgina með 69 kallinn.    Flottur húmor !

[Erla Ósk Arnardóttir Lilliendahl, 27.9.2007 kl. 14:11]

Heiða; viltu koma að baka piparkökur með mér um helgina?...

[Heiða Þórðar, 27.9.2007 kl. 14:15]

Erla; ekki spurning...nefndu stað og stund. (ulla á þig á móti.....)