skessa.blog.is - algjör frekja!

Á það til að stappa niður fótunum, rífa í hár sitt.... en annars ágæt!?

Má vel vera en þvílík og önnur eins frekjudolla.....og dós og tunna og gámur! Ég er að tala um skessa.blog.is.

Hvað haldið þið að hafi skeð?

Hún tróð sér í gegnum húmið og nóttina, einhvernveginn í andskotanum og inn í mitt draumaland! Og það á skítugum skónum.....

Ég er í raun nánast orðlaus yfir þessari frekju! Þessum yfirgangi!

Þarna svaf ég ég nýju sængufötunum mínum einum fata,....alveg eins og engill og hún sem sé tróð sér inn. Og það án þess að gera boð á undan sér, hvað þá að banka!

Fékk ekki einu sinni tækifæri til klæða mig. Var berrössuð!

Þjófavarnakerfið fór ekki einu sinni í gang!

Til að toppa þetta allt saman átti ég von á öðrum gesti. Draumaprinsinum. Hann varð frá að hverfa auðvitað.  

Ég er brjáluð!

Jebbs....mig dreymdi hana nöfnu mína í nótt....man í rauninni ekkert um hvað draumurinn snerist....ekki hvar við vorum staddar, leiðist reyndar að tala um drauma. Kann ekki að ráða drauma, en eitt man ég úr draumnum;

Húðin á henni var einstaklega falleg einhvernveginn....

Ég held að ég hafi fengið það staðfest í dag, að það er fyrir góðu að dreyma Heiðu.

Því einsog Zordis orðaði það svo fallega þá duttu nokkrir gulldropar af himnum í dag.

Oggu-oggu litlir, og fleiri á leiðinni niður, heldur stærri....

Það er bara að taka eftir þeim, því stundum falla þeir framhjá manni einhvernveginn. Án þess að maður taki eftir þeim

Í framhaldi af þessu draumahjali, þá tók ég nettan göngutúr á kvöldið. Kom við í Kaskó...og keypti mér risastóran Draum....þann stærsta (fékk 33% -extra free.......) og labbaði út í nóttina með Drauminn að vopni.

Hann var/er stór.....og hann skal rætast! Súkkulaðidraumurinn minn...

Ég var í góðum félagsskap....þeim albesta.

Það var ekkert talað bara gengið og hugsað og látið sig dreyma....

Stundum er orð óþörf, oft innihaldslaust og meiningarlaust hjal....

Hugurinn minn fer gjarnan á flug í gönguferðum að næturlagi...og ég fór að hugsa um að ég hefði einn stórkostlegan eiginleika!

Það er að; Það þarf ekki mikið til að gleðja mig.

Mér datt það í hug í framhaldi af því að ég var að hugsa til dóttur minnar og þegar hún kúkaði í fyrsta sinn í klósett.

Ég hló upphátt og það var gott. Sá/sú sem var með mér í göngunni áleit mig ekki bilaða...að hlæja útí nóttina.

Ég var með bestu vinkonu minni og besta vini mínum í öllum heiminum!

Sjálfri mér.

Gleðin og eftirvæntin var slík að þegar sólin kúkaði þarna fyrir einhverjum vikum ....jæja það er ólýsanlegt! Ég ætla ekkert að reyna að lýsa því. En þið þekkið saklausa barnsgleði og eftirvæntingu öllsömul.

-Stór kúkur! og annar!..... hrópaði hún upp frá sér numin.....og hló af kæti.

Það er gott að dreyma og gott að geta glaðst yfir litlu. Draumar eru gratis!

Vona að þið eigið draumfagra nótt öllsömul.......og heiðuskessulingur þarna......troddu þér inn í eitthvert annað draumaland í nótt frekjan þín.....ég á von á gesti.....OG VILL FRIÐ!

Lágmarkskurteisi að banka! Eða gera boð á undan sér.

es. bjóðið Heiðu velkomna í ykkar draumaland, held svei mér þá að það boði á gott........hafið kveikt lítið ljós fyrir hana....svona álíka mikið og ég er með á kinninni....þarna á myndinni í horninu...

Athugasemdir

[Brynjar Jóhannsson, 12.9.2007 kl. 01:52]

Var hún jafn hvít svört og hún er á myndinni hún skessa ? ..... út af því að ég er nokkuð viss að hún komentar á þetta síðar.. þá ætla ég að benda henni að fara að FÁ SÉR PLASTPOKA og anda út og anda inn HÚN ER BÚIN AÐ VERA EITTHVAÐ SVO TENS UPP Á SÍÐKASTIÐ:...

ÚFF þetta skot mitt á hana á eftir að valda jarðskjálfta um sjö á rikter á Reykjavíkursvæðinu sannaðu til  

[Heiða Þórðar, 12.9.2007 kl. 01:58]

Vá! Þú getur verið alveg hreint viss um það. Sjö á rikter í það minnsta! OMG -guð hjálpi þér bara.....

[Ólafur fannberg, 12.9.2007 kl. 02:03]

engir draumar hér þarf að vinna í nótt

[Heiða Þórðar, 12.9.2007 kl. 02:12]

Það er hægt að láta sig dreyma í vinnunni, hvar sem er, hvenær sem er........mundu draumar eru gratis

[Heiða Þórðar, 12.9.2007 kl. 02:17]

Viðbót; passaðu þig samt Ólafur Fannar hvað þig dreymir í vöku.....draumar þínir geta ræst

[Heiða Þórðar, 12.9.2007 kl. 02:20]

Sorry sorry.....greinilega komin tími á mig að hitta draumaprinsinn í draumalandinu mínu, enda klukkan langt gengin i þrjú! 'Olafur Fannberg átti þarna að standa.......

[Ólafur fannberg, 12.9.2007 kl. 02:22]

biddu við er ég draumaprinsinn hehehe

[Steingrímur Helgason, 12.9.2007 kl. 02:23]

Kvurjum myndi nú detta í huga að dreyma einhverjar Heiður út um einhverjar heiðar nema einhverjum öðrum Heiðum ?  Skítur skeður er fyrir fjárdrætti, en öngvin mín kind í minni rétt er nefnd Heiða, hvorki Aðal eða Auka & ekki ætla ég að súkkulaðast 70% fyrir slíkum þó að við Hafliði séum vinir.

S.

[Heiða Þórðar, 12.9.2007 kl. 02:46]

Heyrðu góði minn!

Heiður eru yndislegar, útum allar heiðar....stórhættulegar en yndislegar! Blessaður vertu við komum báðar til þín í næstu nótt (upptekin í nótt), þá skiptir þú líka um skoðun karlinn minn! Og verður aldrei sá sami á eftir, því get ég lofað þér!

Og Hafliði er ekkert vinur þinn hann er kúkur.....

Þetta með skítinn....það gerist aðallega í vöku....enda get ég ekki aura mína talið.....sofðu rótt félagi.

[Heiða Þórðar, 12.9.2007 kl. 02:49]

Ólafur; þú gætir alveg hreint eins verið draumaprinsinn, Andrés Önd eða Ólafur Ragnar Grímsson....hvað veit maður um fólkið sumt hér á blogginu.....púff! Efni í feita færslu.

OG NÚ ER ÉG FARIN AÐ SOFA......vonandi!

[Ólafur fannberg, 12.9.2007 kl. 04:25]

ég er sko Bin laden dulbúinn .....

[Heiða B. Heiðars, 12.9.2007 kl. 09:43]

Hahaha rugludallur! skelfing er ég samt fegin að þú manst ekki hvað ég var að gera:)

[Kristín Katla Árnadóttir, 12.9.2007 kl. 10:22]

Þú ert sko velkominn í mitt draumaland. Heiða mín.

[Ásthildur Cesil Þórðardóttir, 12.9.2007 kl. 10:55]

Ég held að ég vilji fá meira privasi en að fá einhverja skessu askvaðandi beint inn í viðkæma drauma mína óforvarendis.

[Heiða Þórðar, 12.9.2007 kl. 11:26]

Ólafur Fannberg; það var mikið að þú sýndir þitt rétta andlit...:)

Heiða; já en ég man eftir húðinni á andlitinu sko.....:) ekkert svart/hvítt neitt skal ég segja þér, rugludalla-frekjudósin þín :) 

Takk Kristín mín, eða varstu að tala um hina heiðuna......? Kannski okkur báðar?

Ásthildur; jæja segðu......:)

[Jenný Anna Baldursdóttir, 12.9.2007 kl. 13:00]

Sweet dreams honey

[Margrét M, 12.9.2007 kl. 13:28]

freyju draumur marr 

[Heiða Þórðar, 12.9.2007 kl. 13:41]

Bara svona smá pæling frá mér til ykkar; skilur enginn hvað ég er að fara? Nei, svona í alvöru talað.....

[Hrönn Sigurðardóttir, 12.9.2007 kl. 14:28]

nebb ekki græna glóru. Skil bara það sem mér er sagt.

Ég er svo einföld að allri gerð að ég gæti verzlað hjá Sævar Karli...........

Annars finnst mér að þú eigir að seinka aðeins gönguferðum þínum og koma frekar með mér. Við gætum stofnað leynireglu sem leysir glæpi. Verið með skikkjur og allt......

[Gunnar Helgi Eysteinsson, 12.9.2007 kl. 15:59]

www.draumur.is

[Katrín Snæhólm Baldursdóttir, 12.9.2007 kl. 19:19]

Já ég kannast við þetta..Zordís bloggvinkonan min fagra heimsækir mig reglulega í draumi og ég stundum hana líka. Þá förum við á fjólubláar plánetur og leikum okkur um stund....Björg Kristjana var líka í draumi mínum einu sinni og Guðný Anna hefur heimsótt mig am.k 3svar sinnum. Það er sko hægt að segja að maður sé vakinn og SOFINN á bloggvinarúntinum..ha? Algjör draumur bara!!

[www.zordis.com, 12.9.2007 kl. 19:23]

Kanski til heilla að muna ekki hvað þið heiða voruð að bralla í sængurfötum einun fata! 

Að dreyma Frú Skessu er tákn um virðingu sem þér hlotnast og umbun verka þinna.  Keep on dreaming og njóttu stundarinnar, einfeldni ánægjunnar og þess að vera!

Smjúts í þína fögru draumaveröld, við kanski hittumst í sjörnuheimi þar sem heimarnir glitra af hamingju og gleði!   Ætli ég sé bara ekki þaðan .....

[Heiða Þórðar, 12.9.2007 kl. 19:26]

Hrönn; já það er spurning.....er nú samt ekki þessi A- týpa sko....

Katrín;Hittumst í nótt og gerum eitthvað skemmtilegt....kaffihús t.d. :)

Gunnar; þakkir, þú leysir hér með síðasta vandamálið í mínu lífi :)

[Heiða Þórðar, 12.9.2007 kl. 19:46]

Takk Zordis; mikið var að ég fékk að vita hvaðan þú kemur. Hittumst þarfljótlega.

[Jóna Á. Gísladóttir, 12.9.2007 kl. 21:14]

Voðalega frekja er þetta í henni nöfnu þinni. En getur verið að þetta hafi verið sjálfið. Þú sjálf, sem þig dreymdi. Með fallega húð. Skessa gæti aldrei farið svona hljóðlega að neinu. hehe

Dreymi þig ljúfustu drauma lífs þíns í nótt.
 

[Heiða B. Heiðars, 12.9.2007 kl. 21:27]

[Ásdís Sigurðardóttir, 12.9.2007 kl. 21:30]

Ég fer oft upp á eða yfir Heiðu og finnst það alltaf jafn leiðinlegt. Vil helst vera á Selfossi.

[Halldór Sigurðsson, 12.9.2007 kl. 22:28]

You are innocent when you dream