Árni Johnsen er flottur!

Jæja áður en ég sting mér í skúffuna mína og fer að sofa, verð ég  að smella af hérna pinkupons....með von um að oggulítið skot mitt hitti ykkur beint útí bláinn.

Talandi um útgeislun; for god fucking sake; maðurinn er the master!

Ég kynntist honum  Árna lítillega þegar hann afplánaði dóm sinn. Ég átti leið hjá í heimsókn til eins af fjölskyldumeðlimum mínum (stuttum, ekki feitum -en vel þéttum, nokkuð liprum og sveiganlegum) í heimavistina að Kvíabryggju...

Ég hafði eitthvað lesið mér til um að Árni væri að vinna listaverk úr grjóti í skúr einum á staðnum.....mín (þ.e. ég ) setti strikið beint í skúrinn, án þess að smella einum blautum á þann sem ég var að heimsækja.

Þarna stóð hann (Árni) innanum grjótið sitt og ég heilsaði honum og upphófst spjall í framhaldi.

Eitthvað innra með mér lifnaði við...þegar hann leit djúpt í augu mín. Og þar voru þau föst (hans augu). En eru núna farinn veg veraldar... en Árni er samt minn maður....

Það eru sko alveg tíðindi útaf fyrir sig; því ég,  einsog aðrar konur hef haldið uppi heilu samræðunum við karlmenn þar sem viðkomandi hefur starað á brjóstin á mér heilt samtal (ekki símtal) og sagt svo:

-mikið ofsalega ertu með falleg augu.

Hann Árni var yndislegur, skemmtilegur, bráðfyndinn og með (ok, ok,) þvílíka útgeislun og yfir honum var þessi (nú ælir einhver....en ok í þriðja skiptið hérna) þvílíkan sjarma og góða kraftmikla nærveru.

Einhver myndi áætla að ég sé fyrir eldri, gifta karlmenn, því fer fjarri.

Einhverju seinna eftir billjardleik, spjall, dagamismun og krossgátuafleysingu....hringdi síminn og í boði var eitt stk. grjótlistaverk. Sem og ég fékk.

Nafnið á verkinu er; Lykillinn að frelsinu.

Árni kom sjálfur með verkið eftir að hafa hossast með það á sýningar um landshluta einhverja, en þegar ég bað hann um að hjálpa mér með það upp á fjórðu hæð (í lyftulausri blokk) lét hann sig hverfa....blessaður, á áríðandi fund.

Lengi vel, skokkaði ég niður þrepin til að líta dýrðina augum þar sem það stóð í 500 kg. ferlíki inn í kompu. Innan um gömul vel úldin og illa lyktandi meiningarlaus ástarbréf sem lágu í lúnum kössum.

Svo skokkaði ég aftur upp á fjórðu hæð þar sem sambýlingurinn  sat feitlaginn í feitri fílu með Guði það sem eftir lifði sambúðar. Lykillinn að frelsinu fylgdi mér beint inn í stofu, þar sem ég bý nú.

Án fangavarðarins.....og húfunnar.

Þar stendur það við hlið mér öllum stundum.

 

Lykillinn að frelsinu og börnin mín; eru börnin mín

Ég strika ekki Árna út ég set hjarta utan um hann!

 

 

 

30% kjósenda Sjálfstæðisflokks strikuðu Árna Johnsen út

Athugasemdir

[Heiða Þórðar, 13.5.2007 kl. 23:19]

Bíttu í punginn á þér Ari.....fast!

[Heiða Þórðar, 13.5.2007 kl. 23:25]

FASTAR

[Fowler (IP-tala skráð) 14.5.2007 kl. 00:52]

Tæknilegu mistökin hjá þér Ari lágu í að kjósa Sjálfstæðisflokkinn yfirhöfuð...

Það má ekki gleyma því að Sjálfstæðismenn fríuðu Árna undan öllu þegar að forsetinn var á Indlandi minnir mig til að koma honum í framboð, hann fékk forsetanáðun (þó ekki forsetans sjálfs..)

Það er hvort eð er mikið af rugludöllum þarna inná, Árni Matthiesen, Björn "veruleikafirrti" Bjarnason, Árni Johnsen....

[www.zordis.com, 14.5.2007 kl. 05:14]

Burt séð frá Pólitík, Lítill eða Stór, Feitur eða Mjór þá hef ég dansað við kappann í geisihröðum ræl og var bara skemmtilegt!  Inghóll in Selfosstávn, bara gaman!

Árni er skemmtilegur fjandi, hvort sem hann er fingralangur eða stuttur   Hann má eiga það góða ...... Kasti sá hinn sami fyrsta steininum sem alsaklaus er!

"Það er ekki alldeilid auðvelt að burðast með 500 kg frelsi sem segir nokk"

Sjarmur í þér kona

[Heiða Þórðar, 14.5.2007 kl. 08:01]

Strákar mínir! "Tæknileg mistök" er svo ófrumlegur, útþvældur og hlandbrunninn brandari að ég er fyrir löngu búin að strika það orð út úr orðabókinni.

Zordis; ég hef á tilfinningunni að ég sé einhverjum bloggvinunum færri.....

[Þórður Ingi Bjarnason, 14.5.2007 kl. 08:27]

Það hafa örugglega margir gert tæknileg mistök eins og Árni.  Ég hef aðeins kynnst Árna og það sem hann tekur sig fyrir hendur stendur hann við og hann er traust sins verður.  Hann á það ekki skilið að verða strikaður út eins og gert var.   

[Ester Júlía, 14.5.2007 kl. 08:31]

Dúllulegur pistill hjá þér Heiða mín. 

Afhverju ættiru að hafa misst bloggvini?  Ég held nú að fólki sé frjálst að eiga sínar skoðanir i friði þótt þær samræmist ekki skoðunum sumra.

[Ólafur fannberg, 14.5.2007 kl. 08:35]

hitti kauða er ég var snáði en þá var hann á atkvæðaveiðum Var að fara á þing í fyrsta sinn Kom á þyrlu sem lenti í bakgarðinum færandi hendi gotterí og fleira Man alltaf eftir þessu.

[Jói Dagur (IP-tala skráð) 14.5.2007 kl. 08:39]

Árni er bara Árni en Heiða er alltaf Heiða. 

[Steingerður Steinarsdóttir, 14.5.2007 kl. 11:37]

Þrátt fyrir að´þú neitir læðist samt að manni sá grunur Heiða mín að þú sért svolítið veik fyrir eldri þéttvöxnum karlmönnum. (sjá einnig pistil um Jóhannes í Bónus hér fyrir neðan)

[Heiða B. Heiðars, 14.5.2007 kl. 12:36]

Heiða... þú ert æðisleg!

Við sem höfum ekki hitt Árna getum bara dæmt hann út frá verkum hans en það er alltaf stórmannlegt að taka upp hanskann fyrir einhvern sem situr undir endalausu dissi. Frábært að þú skulir synda á móti straumnum með þessum pistli... þrátt fyrir að það sé Árni sem þú ert að hrósa

[Ásdís Sigurðardóttir, 14.5.2007 kl. 12:40]

Hér ég algjörlega sammála þér kæra Heiða bloggvinkona. Árni er mikill karakter og ég dæmi hann ekki og hann ekki mig. Við erum ágæist vinir og ég á líka stein frá honum sem hann gaf okkur hjónum fyrir 2 árum.

[Heiða Þórðar, 14.5.2007 kl. 16:39]

Ja hérna hér elskurnar:

fyrir það fyrsta Berglind mín, þá losaði ég mig við þann skíthæl og aðra skíthæla og skíthælur einfaldlega afþví að ég set markið ögn hærra. Alveg fimmhæða hátt!

Steingerður elskuleg; feitir, gamlir, stuttir, grannir, gamlir, ungir.....elska þá alla! Bara misjafnlega mikið...

Heiða; takk -koss á kinnarnar þínar tvær...og sígarettupakka handa rónanum niður í bæ sem er að drepast úr timburkerlingum. Ekki spurning!

Ari; ég skal gefa þér mola.....lítinn molabút úr grjótinu....brostu og bíttu; bíttu fast!

[Jenný Anna Baldursdóttir, 14.5.2007 kl. 17:12]

Hm.. hvað skal segja?  Ég hef ekki hitt manninn eftir að ég varð fullorðin og hef afskaplega litla hugmynd um hvernig nærveru hann hefur. Hann hefur aldrei gefið mér grjót.  Pistillinn er allavega skemmtilegur.

[www.zordis.com, 14.5.2007 kl. 17:37]

Vertu ekki kvíðin þótt úr bloggvinahópnum hristast nokkrir ..... við verðum bara að vera við sjálf, trú okkur!  

Þeir sem mæla hæst hafa mest að fela!   

[Þröstur Unnar, 14.5.2007 kl. 17:39]

Hef umgengist Árna soldið, fyrir nokkrum árum, s.s nokkrum árum áður en hann gerði mistökin. Hann er alveg frábær kall, vill allt fyrir alla gera eins og hans fjöldskylda öll, mjög skemmtilegur, en bítur fast ef hann er stunginn. Og ég er sammála þessu með nærveruna.

[Ásthildur Cesil Þórðardóttir, 14.5.2007 kl. 18:04]

Auðvitað máttu hafa þína skoðun í friði elsku Heiða mín. En ég hef líka mína, og hún er ekki Árna í hag, enda hef ég ekki litið djúpt í augu hans.  En fyrir mér er þjófur þjófur, þó hann sé sjarmerandi. Og þar sem hann hefur aldrei skammast sín fyrir afbrot sín, virðist mér hann vera siðlaus maður.  Og þessi maður er að setjast á þing aftur, eftir að forystumenn Sjálfstæðismanna veittu honum uppreisn æru.  Og ég tel að það sé af því að hann veit eitthvað sem þeir vilja ekki að komi upp á yfirborðið, það hefur hann sjálfur gefið út í viðtölum.  Þar með er hann ekki bara þjófur heldur líka mútumaður.  Hve lágt getur maður eiginlega lagst.  Ég bara spyr.

[Steinunn Helga Sigurðardóttir, 14.5.2007 kl. 18:17]

hummm, ekki að ég sé mikið inni í þessum málum, en ég set  ? við hann.

en hann er maður eins og við, vantar bara siðgæðisvitund, og það er því miður ansi mikilvægt í samfélaginu,

Ljós til hans og ykkar

Steina 

[Heiða Þórðar, 14.5.2007 kl. 18:41]

og þú mátt líka hafa þín skoðun  elsku Ásthildur ljós til þín Steina

[Þórður Ingi Bjarnason, 14.5.2007 kl. 18:49]

Mér finnst nú Ásthildur nota nú stór orð þegar hún segir að hann sé þjófur.  Þetta var að sjáfsögðu ekki rétt sem hann gerði en hann er búinn að taka út sýna refsingu og því á ekki að velta honum uppúr því lengur.  Það eru margir háttsettir menn í þjóðfélaginu sem hafa tekið mun hærri upphæð úr þeim sjóðum sem þeir hafa aðgang að og ekkert er sagt við þá,  Ég vill ekki segja nein nöfn hér en það hefur alltaf komið fram í fréttum þegar þessir menn hafa verið að hagnast á viðskiputm sem má deila um hvort séu heiðaleg. 

Ég er sammála Heiðu að Árni er fínn maður og óska ég honum til hamingju að vera kominn á þing aftur hann á það skilið. 

[Heiða Þórðar, 14.5.2007 kl. 19:00]

Já Þórður verð að vera sammála þér samanber: fyllibytta ávallt fyllibytta.....skárra að vera óvirkur alki og óvirkur þjófur.....

Svo sannarlega hefur hann tekið út sína refsingu sem og fjölskylda hans öll. Hróplega ógeðslegt og þjóðinni til skammar framkoma hennar í garð barna hans og virðingaleysi við heimili hans. Ætli við séum ekki öll sem eitt þjófar? Spurning.

Ég stal nú eitt sinn einhverju glossi úr búð (11 ára) sem bragðaðist ógeðslega þar sem samviskan var að drepa mig sjálfsagt. Neita því alfarið að ég sé þjófur og verði alltaf þjófur.

Það eru sko sjálfsagt margir sem notfært hafa sér aðstöðu sína í sömu stöðu og Árni.....

[Þröstur Friðþjófsson., 14.5.2007 kl. 19:54]

Að hafa tilfinningu að missa einhverjar  bloggvinunum mun ég ekki trúa því að þú missi það efast um það.

[Hrólfur Guðmundsson, 14.5.2007 kl. 20:17]

Ómissandi lesning, ómissandi!

[Katrín Snæhólm Baldursdóttir, 14.5.2007 kl. 20:49]

Veistu að ég hef séð þa sama í Árna..einsu sinni vorum við svarnir fjendur a pólistíuskum fundum..þar sem hann hreinlega argaði á mig..síðar hélt hann í hönd mér á bjargsyllu lengst uppi yfir sjó og snarbratt niður og ekkert nema traust að setja sig í þær aðstæður..en hann hélt!!! Og ég dansaði við hann líka á selfossi...kannski á sama balli og Zordis??? Og heyri af honum mangæsku sögur frá vinum og þeim sem hafa unnið með honum..hvernig hann keyrir kjark í fólk og hvernig hann stendur af sér fárviðri eins og steinn í eyjum..segir líka sitt. Tæknileg mistök? I just dont know. En á einhvern hátt er hann stórmenni....

[Ásdís Sigurðardóttir, 14.5.2007 kl. 21:20]

Ég held stundum að einu tæknilegu mistökin hafi verið akkúrat þessi setning "tæknileg mistök" mér hefur alltaf fundist að þarna hafi hann meint annað en hann sagði, en öllum hefur þótt gaman að smjatta á þessu og nota í hvað sem er, Árni á gott skilið eins og aðrir sem gera rangt og iðrast, ég hef séð að hann iðrast.

[Georg Eiður Arnarson, 15.5.2007 kl. 20:06]

Árni stal frá okkur fékk sinn dóm og sat dóminn af sér. Einu tæknilegu mistökinn sem  sé hjá honum er að troða sér aftur á þing þar á hann ekki heima. ( sorrí mín skoðun). Bláu augun þín