Hefði samt viljað sleppa sumu...

Ég var svo sátt í hjartanu í gærkveldi þegar ég stóð og horfði út á milli gluggatjaldanna að kattarkvikindið fékk að hvíla á milli brjóstanna . Emmalingurinn skalf þarna mitt á meðal, á meðan ég klappaði honum frekar undurblítt. Augun hans stóðu þokkalega vel út úr hausnum. Hann var frávita af hræðslu... en hinn sáttasti samt virtist vera, að ég skildi sýna honum nærgætni eftir að hafa verið frekar fruntu- og truntuleg undafarna daga. Enda fékk ég tímabundið ofnæmi fyrir honum.  Taldi mig hafa verið haldin tímabundnu æði...vegna þessarar ákvörðunar. Þ.e. að taka kettling inn á heimilið.  Ég er að vísu ennþá á því...en þar sem ég er stödd á fyrsta degi ársins ætla ég að vera góð áfram. Og læt sem vind um eyru þjóta að kettir séu frá djöflinum komnir...

Nágrannarnir allir sem einn,  sáu um að sprengja tvöþúsundogáttuna upp í drasl og rusl. Áður hafði helvítið hann Jón sópað gangstéttir í nágrenninu. Allt var því fjarska flott og fínt fyrir fjörið. Mér var farið að leiðast þófið í skotglöðum og -gröðum einstaklingum fljótlega uppúr miðnætti. Ég var einstaklega sátt við að kveðja áttuna, sé ekki eftir neinu...sakna einskis, hefði samt vilja sleppa sumu.

Englastelpan min útskrifaðist í dag af LSH eftir fimm sólahringa darraðadans. Hún er öll að koma til. Ég  fékk mér til gamans lungnabólgu með henni...en allt horfir til betri vegar, hjá okkur báðum. Það er gott að anda alveg niður í maga og útum rass ef sá gállinn er manni...svona eftir á að hyggja. Er óumræðanlega þakklát - þakklát - þakklát! Margt var ólíkt með þessum áramótum og þeim fyrri í mínu lífi. Ég til að mynda strengdi ekki eitt einasta heit. Það geri ég nú barasta á degi hverjum. Keypti hvorki tertu eða köku hvað þá blys. Eitthvað varð þess valdandi (kannski lungnabólgan) að mér fannst ég ekki getað andað fyrir þrengslum. Tók þvi niður jólatréð og get því haldið heilan dansleik á ný heima í stofu við undirleik Sálarinnar...

...einhver sagði;

-nei nei Heiða mín, þú átt að taka jólatréið niður í dag!!!

-Nú?...uhhh....víst! ég geri nú barasta það sem mér sýnist...

Hugsa sér!!! Forréttindi að gera bara nákvæmlega allt sem manni dettur í hug...að gefnu því að ekki sé verið að þjösnast á öðrum. 

Er alvarlega að hugsa um að elda mér saltkjöt og baunir -túkall

Eigði ævintýralega skemmtilegan dag mínir kæru vinir

 

 

Athugasemdir

[Brynja Dögg Ívarsdóttir, 1.1.2009 kl. 16:57]

Gleðilegt nýtt ár, vegni þér og dóttur þinni sem best og kettlingnum líka.

Kv Brynja

[María Guðmundsdóttir, 1.1.2009 kl. 17:05]

æ já...kettir geta verid alveg gúgú og madur skilur ekkert i sjálfum sér ad hafa bodid theim inn...en svo yndislegt ad kúra hjá lodnu gúgúi sem malar svo hátt ad madur getur ekki sofid...

En gott thid mædgur erud á batavegi, thetta kemur fyrir á bestu bæjum.

kvedja hédan frá dk..já og gledilegt árid ef ég hafdi ekki sagt thad ádur

[Hrönn Sigurðardóttir, 1.1.2009 kl. 19:33]

Gott að þið eruð að koma til á nýju ári.

Vona að árið verði þér gott

[Linda Lea Bogadóttir, 1.1.2009 kl. 19:35]

Eigðu ævintýarlegt ár elskan.
Takk yfir góða stundir og spjall á árinu.

[Gudrún Hauksdótttir, 1.1.2009 kl. 19:43]

Sæl elsku Heida og takk fyrir bloggvinarbod sem ég tygg med tökkum.Vona ad snúllan tín hafi tad betra.

Knús frá Jyderup

[Ómar Ingi, 1.1.2009 kl. 21:49]

Árið Heiða

[Magnús Geir Guðmundsson, 1.1.2009 kl. 22:59]

Hafði ekki hugleitt það, en jafnvel kettlingagrey geta komið sér í öfundsverðaaðstöðu!

Gleðilegt nýtt ár annars, gyðja brjóstgæða og megi ykkur mæðgum heilsast vel hér eftir á árinu!

[Hulla Dan, 1.1.2009 kl. 23:16]

Gleðilegt ár ungfrú dúllfríður og megi nýja fína árið verða mér eins skemmtilegt í lesningu hjá þér og það gamla. Takk fyrir að koma mér til að brosa, alltaf.

Góðan bata á ykkur mæðgur.

[Jón Aðalsteinn Jónsson, 2.1.2009 kl. 00:28]

GLEÐILEGT ÁR Þakka bloggvináttu liðins árs