Ég er döpur og ætla að vera það í kvöld...

Heiða B. Þórðardóttir kt; xxxxxx-xxxx, hefur starfað sem framkvæmdarstjóri veitingahússins; Edenborg að Hafnargötu 30, Keflavík, síðan ágúst 1991. Heiða hefur frá fyrstu tíð starfað hjá okkur einsog fyrirtækið væri hennar eigið. Verið mjög ósérhlýfin í vinnu, samviskusöm mjög og skipulögð. Hún er ákveðin með góða og örugga framkomu og er afar vel liðin af samstarsmönnum sínum. Allt sem Heiða  tekur sér fyrir hendur, leysir hún af miklum dugnaði og sóma. Heiða er í einu orði frábær og gefur við henni okkar bestu meðmæli.

Virðingarfyllst;

Rúnar Júlíusson, eigandi og tónlistarmaður

Kristján Ingi Helgason, eigandi og varðstjóri lögreglunnar

Svo mörg voru þau orð. Andlát Rúnars kom mér gjörsamlega í opna skjöldu. Einhvern veginn fær þetta meðmælabréf, þessi fallegu orð nýja og dýpri merkingu í mínum huga.  Síðast þegar ég hitti hann þá brosti hann blíðlega. Ég vissi aldrei hvað hann hugsaði, en skynjaði að það var einugis gott. Elsku Mæjan mín...vá; þau voru einsog tvær blaðsíður, heftar saman. Samt hitti ég hana nú eina síðast eða fyrir um 2 árum síðan. Ég taldi henni trú um (get verið afar sannfærandi) að mig vantaði bráðdrepandi hrukkusmyrsl ekki seinna en strax. Hún hló þarna í fríhöfninni ; -fannst ég sjálfsagt hégómagjarn bjáni...hver vill svosem vera einsog barnasrass í framan?

Ég...

Um Rúnar og Mæju var ég að hugsa á leið minni í dag. Ég var döpur í bragði eða langt fyrir neðan meðallag. Skrifa það þó ekki eingöngu á þau. Einsog það eitt og sér (hugsunin um þau) væri ekki flott og gilt í eitt stykki færslu...þá sá almættið eða djöfullinn...eða þeir báðir um í sameiningu (en samt í sitthvoru lagi) að krydda þetta örlítð með salti og pipar.

Bíllinn tók þá ákvörðum að dansa skaðræðisstríðsdans á veginum rétt við Snæfellsnes. Ég missti gjörsamlega alla stjórn og hann fór netta sjö hringi þarna einsog geðsjúklingur undir öskrum dótturinnar uns við lentum utanvegar. Ég ætla nú ekki að gera meira úr atburðinum en raun varð; en síst skildi ég draga úr honum. Stelpan mín litla losnaði úr stólnum...og beltinu, hentist til og fra uns hún flaug á grúfu í hinn enda bílsins. Fyrsti bíll á"vettvang" og okkur til bjargar var einn af stærri trukkum sem ég hef augum mínum litið. Ég hugsað með hryllingi til þess ef hann hefði verið þarna á veginum aðeins fyrr. Og ég keyrandi um á niðusuðudós; litlum Yaris. Þá væri ég varla til frásagnar um atburðinn. þar kemur Guð auðvitað sterkur inn ...

Það var aum stelpulufsa sem keyrði áfram og á áfangastað. Með hljóðlát tár að syngja með sólinni minni jólasöngva til að dreyfa huga hennar eftir atburðinn...maður var nú svo sem ekkert að tapa sér í vælinu...enda skilur það lítið eftir nema að ég lýt út einsog þreyttur þorskur á eftir...

...ég er döpur og ætla að vera það í kvöld...  samt afar þakklát fyrir að litla englastelpan mín; hún Sóldís mín varð ekki meint af...

Góða nótt

Athugasemdir

[Birna Dis Vilbertsdóttir (IP-tala skráð) 7.12.2008 kl. 23:15]

[Steingrímur Helgason, 7.12.2008 kl. 23:24]

Okkar Guð hugzar um okkur & okkar börn.

Lukkan fylgir þeim heppnu.

Ég hef líka verið það heppinn að lenda í umferðarslysi með börnin mín, & ganga frá með þau ómeidd.  Fyrir það þakka ég mínum.

[Ásdís Sigurðardóttir, 7.12.2008 kl. 23:28]

Elsku stelpan mín, guði sé lof að þið sluppuð, skil að þú sért skelfingu lostin, það er ábyggilega hræðilegt að lenda í svona, hlúðu vel að ykkur. Þú skrifar fallega um Rúnar, ég hef aldrei hitt eða talað við manninn, en ég held hann hafi verið einstakur. Mágkona mín þekkir þau hjón og hún bara grét mestallan daginn sem fréttin kom.  Guð gæti ykkar elsku vina

[Heiða Þórðar, 7.12.2008 kl. 23:37]

[Húsmóðir, 7.12.2008 kl. 23:41]

Langar að senda þér og snúllunni þinni hlýjar hugsanir.  Þessi líðan er ekki góð og vonandi hefur þú einhvern til að ræða þessar tilfinningar.  Ekki láta vanlíðan ( eða sektarkennd ) þjaka þig.   

Ég lenti í óhappi fyrir tveimur árum með börnin mín í bílnum og verð ætíð þakklát fyrir að við skulum hafa sloppið heil frá því.    

[Gunnar Helgi Eysteinsson, 7.12.2008 kl. 23:49]

[DRENGUR (IP-tala skráð) 8.12.2008 kl. 00:49]

GUÐI sé lof að þið sluppuð án meiðsla.GUÐ blessi ykkur ,kisstu Sóldisi frá  mér,farðu alltaf varlega Heiða mín Hlyjar kveðjur HILMAR SÆBERG (DRENGUR GÓÐUR).

[Einar Örn Einarsson, 8.12.2008 kl. 01:38]

Mikill missir af Rúnari. Hef verið dapur í bragði vegna þessa.

Hef mikið hugsað til Maju og fjölskyldunnar.

Gott að þið eruð heilar

[Sporðdrekinn, 8.12.2008 kl. 03:19]

Mikið er ég fegin að hann Guð varði ykkur mæðgurnar.

Knús á ykkur báðar

[Ásdís Sigurðardóttir, 8.12.2008 kl. 09:57]

Var bara að kíkja á nýju myndina af þér fallega kona.  S'olin þín er yndisleg

[Þórarinn Þ Gíslason (IP-tala skráð) 8.12.2008 kl. 10:06]

Hæ Heiða mín.

Já,ætli þinn æðri máttur Guð hafi ekki verið þér innan handar í dag.

Mér létti, þegar ég vissi að þú varst komin heim.

Fínar myndir.

[www.zordis.com, 8.12.2008 kl. 10:25]

Falleg og hlý færsla!

Gott að ekki fór ver hjá ykkur mæðgum, mikið fallegar fyrirsæturnar. Knús í daginn!

[Magnús Paul Korntop, 8.12.2008 kl. 10:30]

Með Rúnari Júlíussyni er farinn mikill mannvinur og tónlistarmaður.

[Rannveig H, 8.12.2008 kl. 11:59]

[Solla Guðjóns, 8.12.2008 kl. 12:21]

Þið eruð meiri sæturúslurnar og mikil ást hjá ykkur mæðgum.

[Hallgerður Pétursdóttir (IP-tala skráð) 8.12.2008 kl. 13:06]

Þú ert ótrúleg ung kona! Klárlega engu logið í þessu meðmælabréfi..

[Aprílrós, 8.12.2008 kl. 13:20]

Guð veri með ykkur snúllunum

[Guðsteinn Haukur Barkarson, 8.12.2008 kl. 13:39]

Andlát Rúnars var blóðtaka fyrir íslenskt samfélag, Guð blessi minningu þess merka manns, geymdu þetta fallega bréf vel, og er ég viss um að þar er hreinn sannleikur á ferðinni.

[Kristín Katla Árnadóttir, 8.12.2008 kl. 14:09]

[Veraldarálfurinn (IP-tala skráð) 8.12.2008 kl. 14:17]

Falleg hugvekja hjá þér Heiða í dag.

Stundum hugsa ég - á raunastundum tilverunnar - til orða Gunnars á Hlíðarenda til vinar síns Njáls, þegar sá síðarnefndi reyndi að fá Gunnar til að flýja land. "Feigðin mun finna mig hvar sem ég verð."

Ég held að stundum vaki góðar vættir yfir okkur.

[Guðbjörg Erlingsdóttir (IP-tala skráð) 8.12.2008 kl. 14:27]

Kæra Heiða,

Viltu fara varlega á þessum þeysingi þínum um landið !

kveðja

[Marinó Már Marinósson, 8.12.2008 kl. 15:22]

Farðu varlega.   Vonandi ertu hætt að vera döpur.     Krútt myndir af ykkur. 

[Hrönn Sigurðardóttir, 8.12.2008 kl. 17:40]

Fegin er ég líka að þessi stóri bíll var ekki þarna örlítið fyr.....

Flott nýja myndin þín

[María Guðmundsdóttir, 8.12.2008 kl. 17:43]

thetta er hrædileg tilfinning ad missa stjórn á bilnum sinum..thad hef ég thvi midur fengid ad prófa..oftar en einu sinni. Til allrar hamingju vard ykkur ekki meint af.

Mikill missir af Rúna Júl, blessud sé minning hans.

hafdu gott kvøld Heida, og já,leyfdu thér bara ad vera døpur..thess tharf stundum.

[Heiða Þórðar, 8.12.2008 kl. 18:56]

x100

[Ómar Ingi, 8.12.2008 kl. 19:48]

RIP Rúnni Júl

Sæt er myndin af mæðgunum.

Hafðu það nú gott þrátt fyrir depurðina Heiða mín

XOXO

[Heidi Strand, 8.12.2008 kl. 20:41]

[Helga Magnúsdóttir, 8.12.2008 kl. 20:45]

 Gott að þið sluppuð með skrekkinn mæðgurnar. Nóg er að vera búin að missa Rúnar Júlíusson þótt þið bætist ekki við.

[Georg Eiður Arnarson, 8.12.2008 kl. 21:34]

[Heiða Þórðar, 8.12.2008 kl. 22:28]

Æi ...ég get ekki orða bundist; þið eruð fucking dásamleg...og ég ætla ekki einu sinni að afsaka orðbragðið!

[Brynja skordal, 9.12.2008 kl. 00:43]