Love you guys

Þegar horft er til þess að á mínum unglingsárum, kallaði elsti bróðir minn brjóstin mín ósýnilegu; grænar baunir á Reykjanesbrautinni.... er það hreint með ólíkindum að á borðum í höllinni minni hafi einmitt verið það. Jebb....grænar baunir með rauðkáli, kartöflum, uppstúaðri sósu og hangikjötslettu.

En svo þegar ég hugsa þetta betur; eru ástæðurnar tvær; ein þeirra er sú að jólin eru að koma á hraðri uppleið beint í fangið á mér einsog óð-fluga. Hin er sú að daman verslaði sér 1944 rétt...sem "bæðevei" var viðbjóðslegur! Takk fyrir að spyrja...

Ég var að hugsa þetta með bloggsamfélagið okkar. Af mínum annarlegu hvötum.

Ég mundi allt í einu eftir einum pappakassa af tveimur sem ég hef hitt utan skjásins. Ég félst á að hitta þann fyrsta á kaffihúsi. Ástæðan var að hann þekkti pabba. Ég elska pabba minn meira en orð fá lýst og sakna hans enn meira. Hann lést af slysförum.  Ég hitti gæjann aftur og aftur og aftur um nokkurt skeið. Við áttum ekkert sameiginlegt nema; pabba. Hann virtist dá hann og dýrka en þeir voru saman til sjós. Þegar sögur hans um pabba voru farnar að endurtaka sig og voru orðnar á bragðið einsog flatur landi...tók ég eftir því að gaukurinn var með ofvöxt hára út er nef-holum og eyrnagöngum.

Hann reyndist ekki vera þessi mikli ljúflingur sem ég taldi í fyrstu. Enginn engladrusla þar á ferð. Hann var í fullu starfi við  að heilla bloggvinkonur mínar uppúr skónum samhliða mér. Lukkulega fyrir mig; ég var skólaus.

Ég veit ekkert verra en óheiðarleika. Ég fyrirlít hann svo mjög að mig svíður í beinin.

Annar vildi hitta mig. Eftir einhvern tíma samþykkti ég boðið yfir kaffi í krús. Sá fann hjá sér mikla þörf fyrir að segja mér hversu svaðalegur hann væri í rúminu (á date-i númer eitt -á fyrsta korterinu). Hann sagði mér dapur í bragði; hversu geðveikislega klikk allar hans fyrrverandi væru. En þær áttu það eitt sameiginlegt að segja hann góðan í rúminu. Mig minnir að mamma hans hafi verið pöddu líkust, allavega líktist hún randaflugu. Svei mér þá ef hann fékk það ekki á lærið á mér...helvískur! Sko í hans eigin huga...

Mér finnst fárra meira ósjarmerandi er karlar sem eru með yfirlýsingar um hversu þeir eru fimir í bólinu,...því í raun kemur mér það ekki rassgat við,  tala illa um sínar fyrrverandi hvað þá móður.

Síðarnefndi pappakassinn var einnig í þeim business að sjarma fyrir bloggvinkonum minum á sama tíma og hann reyndi að komast í nærbrækurnar mínar. Þessar ósýnilegu. Ef hann bara vissi...ef hann bara vissi...Hann skoraði ekkert sérlega feitt þar, held ég.  Vona ekki, þeirra vegna.

Einnig finnast í þessu samfélagi giftir menn, svona veiðimenn með takmarkaðan kvóta....alveg að skilja-st frá eiginkonum sínum. Skilnaðurinn er svo mikið að skella á; að einhverjar heyra hljóðið. Sem betur fer heyri ég bara það sem ég vill heyra...

HALLÓ! Lít ég út fyrir að vera heimsk eða....

ENN...

...hérna hef ég líka hitt og tengst óútskýranlegum tilfinningaböndum fólki sem ég get með sanni sagt að mér þykir innilega vænt um. Svona ekta væntumþykja frá mér til þeirra/ykkar, þrátt fyrir að hafa ekki hitt viðkomandi persónulega. Suma hef ég hitt þó...

...þið vitið hverjir og hverjar þið eruð.

Takk fyrir að heimsækja mig og commenta hjá mér. Þið gerið það að verkum að hitt "dótið" ... hverfur og verður ekki að neinu. Ekki einu sinni skítur á priki...

Love you guys

 

 

Athugasemdir

[Aprílrós, 11.9.2008 kl. 23:20]

Mikið er alltaf gaman að lesa frásagnirnar frá þér, þú segir svo skemmtilega frá ;) að ég get ekki annað en brosað og hlegið. ;) sem er gott fyrir svefninn.

Gangi þér vel ljúfust .

[Sporðdrekinn, 11.9.2008 kl. 23:46]

Pappakassar  Love it!

[Steingrímur Helgason, 12.9.2008 kl. 00:07]

Ég kunni að 'hözzla', en ekki á blogginu, klárlega, aldrei áttað mig á tæki eða tólum til þezz, eiginlega.

Enda harðfrátekinn gamall 'kagglfauzkur' í zweid, búið að siða mig & svíða.

Hálfgerður plazdpoki, ekki frekar....

'but I do know...'

& bloggvinkonur þínar eru girnilegur 'zgríll' af konudýrum !

[Magnús Geir Guðmundsson, 12.9.2008 kl. 00:07]

Merkilegustu tíðindin í þetta sinn finnast mér nú vera, að pabbi þinn hafi einmitt verið hann Þórður sjóari! Villi Vill söng einmitt svo yndislega um hann, þar sem m.a. sagði að hann skildi "Sigla um eilífan aldur/ef öldurnar breyttust í vín..." o.s.frv.

En mér er víst óhætt að fullyrða að ég sé engin af þeim sem þú nefnir og hættan sem betur fer fyrir þig ENGIN að ég færi á fjörurnar við þig!

Af hverju?

Segi það ekki, en samt ertu sætt stelpurassgat!

[Heiða Þórðar, 12.9.2008 kl. 00:12]

ha!nú! hmmm! var ég að misskilja þig allan tímann?

enda þykir mér undurvænt um þig karlinn minn do tell samt!

...og Steingrímur; þú ert auðvitað one of a kind

[Magnús Geir Guðmundsson, 12.9.2008 kl. 00:39]

Jamm, hann Steingrímur Hauganeshertogi er einstakur!

Og já, það er í frásögur færandi hve ég er komin nærri þínu göfuga meyjarhjarta, en...SAMT, já samt eitthvað!

Hvað?

[Marinó Már Marinósson, 12.9.2008 kl. 01:23]

........ er lífið ekki dásamlegt?       

[Hulla Dan, 12.9.2008 kl. 01:55]

Júbbb, lífid er dásamlegt og tad er Heida lika

[María Guðmundsdóttir, 12.9.2008 kl. 05:56]

 thú ert frábær

[Tína, 12.9.2008 kl. 06:10]

Þú ert nú bara frásagnarsnillingur og meira til . Hló lengst af, varð síðan hálf döpur þín vegna en brosti svo undurljúft í lokin. Vantaði ekkert nema tárin.

Knús á þig tjelling. Þú ert æði

[Kjartan Pétur Sigurðsson, 12.9.2008 kl. 07:14]

Ég held að svona meðvituð dama eins og þú ert sé ekki auðveld biti fyrir karlmann að höndla og gerir líklega þessi grey hrædda.

Fer ekki annars að koma tími á að þú skrifir bók sem er sambland af öllu því sem þú hefur tínt til hér á blogginu úr þínu lífi :)

Ég væri víst ekki líklegur til að lesa slíka bók, en bloggið hefur opnað möguleika fyrir marga til að kynnast fullt af nýju efni sem annars hefði farið framhjá viðkomandi.

En líklega er netið að yfirtaka bókmenntirnar eins og aðra miðla.

[Hrönn Sigurðardóttir, 12.9.2008 kl. 08:32]

Frábær frásögn af misheppnuðum hözzlum!

Vitaskuld eyddi ég ekki kommenti frá þér - hvernig dettur þér það í hug?

Knús í brús

[lady, 12.9.2008 kl. 09:05]

góð lesning,,takk að kvitta hjá mér ,óska þér góða helgi kær kv Ólöf Jónsd

[Þórður Helgi Þórðarson, 12.9.2008 kl. 10:06]

Þú ert óhemju skemmtileg stelpa (var ekki gott hjá mér að segja stelpa?)

og einstaklega gaman að lesa frásagnir þínar, stundum er sagan ekkert merkileg en eftir að þú krukkar í henni er þetta spennandi erótísk gaman saga sem engin má láta framhjá sér fara.

Farðu að drulla út bókinni !!!

Ég skal kaupa 5 sem þú að sjálfsögðu áritar, gætum hist yfir kaffibolla og ég fengið það á lærið á þér í huga mínum.

[Dísa Dóra, 12.9.2008 kl. 10:12]

hehehe þetta er nú bara yndislega skemmtileg frásögn.  Er sammála þér með að hér kynnist maður yndislega góðu fólki þó vissulega sé svartur sauður inn á milli - en hið góða bætir það bara upp

[Helga Nanna Guðmundsdóttir, 12.9.2008 kl. 11:30]

Já bara nokkuð gaman að þér...og heimsk.....neei það held ég varla

[Marinó Már Marinósson, 12.9.2008 kl. 12:14]

Karlmenn geta líka verið rótlausir. 

[Guðbjörg Erlingsdóttir (IP-tala skráð) 12.9.2008 kl. 12:33]

Knús á þig elskuleg.

Elska þig líka, tók þetta auðvitað allt til mín nema hösslið!

Ofurskutlukveðja

[Hrönn Sigurðardóttir, 12.9.2008 kl. 12:56]

Marinó! Kemur með góðan punkt þarna..

[Marinó Már Marinósson, 12.9.2008 kl. 13:09]

Maður með reynslu LOL

[Helga Magnúsdóttir, 12.9.2008 kl. 14:41]

Um að gera að passa sig á þessum pappakössum, held að menn sem leita sér að konum á netinu séu gjörsamlega vonlausir og desperat.

[Linda Lea Bogadóttir, 12.9.2008 kl. 15:21]

Elska þig líka alveg heil böns...
En þú ert það sem fær mig til að brosa - bara kíkja við hjá Heiðu ef eitthvað er að bögga þig ... og þú kemst í gott skap.

Frábær færsla eins og áður og elska þetta með að ... þú veist.

Eigðu góða helgi bjútíkvín...

[Ásgerður , 12.9.2008 kl. 16:06]

Þú ert yndi, lov jú

[Þ Þorsteinsson, 12.9.2008 kl. 19:31]

 vakir yfir þér og brosir eflaust allan daginn

[Hrönn Sigurðardóttir, 12.9.2008 kl. 19:39]

pappakassar.........

[Ómar Ingi, 12.9.2008 kl. 20:00]

Brjálað að gera í pappakösunum hjá þér

[Gísli Torfi, 13.9.2008 kl. 01:55]

Heiða btv þú verður svo að mæta á NASA 3.okt

Goðsögnin að spila

en eitt þó .........Hverning færðu út að jólin séu að koma. 

fortíð   -   Núið  - framtíð     og núið er aðsjáfsögðu 1944 " kjötbollur"