...ein tábrotin...

Í dag var hlutverk mitt í hægri slow motion b-drullu-molli einhvernveginn. Get eiginlega ekki lýst því betur. Frekar svona viðburðarsnauður og skollóttur...í það minnsta illa rakaður.

Fékk þó ýmsar fréttir - misgóðar einsog gengur.

Ein hafði tábrotið sig, heppni það. Betra er ein skitin tá,  en heill fótur.

Mér hafði tekist að brjóta nögl...betri er brotin nögl en putti... 

Önnur var ekki búin að ná sér úr barkabólgu -aftur segi ég betri er nett barkabólga, en engin barki...hvað þá bólga. 

Ég hafði unnið 1,000,000,00 pund í einhverju lottó-i út í heimi...

Mamma hafði látið endurreisa augabrýrnar til sælla hamingju í um 10 sec. Seinna skiptið þessa vikuna. Og þegar hún spurði mig;

-Heiða mín hvenær ætlar þú að láta tattovera á þig augabrýr? var svarið ósköp einfaldlega;

-ALDREI! 

Hvaða rússneski karlmaður með nokkura sjálfsvirðingu,  myndi bráðna við hlið mér og blikka mig auðvitað...þ.e.a.s. ef ég léti þær óáreyttar...fékk þær frá pabba-ling ásamt gullskeiðinni.

Við mæðgur margfölduðum okkur sem endranær þegar prinsessan fékk nýja skó. Veskið mitt á víð og dreif í versluninni, ég sjálf nánast í spígati  þarna sem ég hjálpaði henni í skóna. Hún uppí munninum mínum að ná sér í tyggjó... með hor í nös... allt eðlilegt.

Á kaffihúsinu dreyfðumst við á tvö nærliggjandi borð, einsog alltaf. Yfirhafnir, drasl, dót, innkaupapokar... ég sá minnst af sólinni minni, eða rétt aðeins glitta í hana, þarna sem hún spígsporaði á milli borða og söng; -meistari jakob - meistari jakob...í nýju skónum sínum.

Ikea undirlögð af veru okkar. Fleiri pokar og ís um allar kinnar.  Hvert rúm og hver einasti sófi mátaður. Stólar teknir út með nettum bossum.

Kringlan; púff fer ekki út í það einu sinni hérna...of langt mál... 

Njótið sunnudagsins

 

Athugasemdir

[Steingrímur Helgason, 11.5.2008 kl. 00:36]

Eina væna vinkonu á ég sem að segjist stundum vera slæm í tánum, en góð inn á milli, með labradoraugum.

[Ásdís Sigurðardóttir, 11.5.2008 kl. 00:51]

Það hefur verið yfirreið á minni í dag með viðhengjum.   Hafðu það sem best elskuleg.   

[www.zordis.com, 11.5.2008 kl. 09:06]

Ég spilaði fótbolta tábrotin í den ... skoraði 3 mörk en líðanin var kanski ekki uppá sitt  besta! 

Eins gott að eyðsluklóin meiddist ekki  .....

[Gísli Hjálmar , 11.5.2008 kl. 10:59]

Takk og sömuleiðis ...

Ekkert sem jafnast á við blautan niðurgang um tilhugsunina vegna næstu mánaðarmót þegar reikningarnir birtast - himinháir.

... vona að þú hafir nú keypt fallega skó á prinsessuna þína.

[Dísa Dóra, 11.5.2008 kl. 11:22]

Þetta hefur greinilega verið annasamur dagur.

Eigðu góða helgi

[Gunnar Helgi Eysteinsson, 11.5.2008 kl. 11:56]

Innlits og lestrakvitt

[Helga Magnúsdóttir, 11.5.2008 kl. 18:20]

Til hamingju með að eiga mömmu. Mín dó fyrir 30 árum og enn þann dag í dag eru hlutir sem ég segi engum af því hún er ekki hjá mér.

[Huld S. Ringsted, 11.5.2008 kl. 18:26]

Til hamingju með daginn

[Hrönn Sigurðardóttir, 11.5.2008 kl. 19:15]