Nobody's pxxxx from Blueberry Hill...

Ég læt alltaf dæla bensíni á bílinn minn. Þetta er munaður sem ég leyfi mér, hversu létt sem buddan er hverju sinni. Ég hef fengið ávítur frá mínum sérlega bíla-ráðgjafa. Endalausir fyrirlestrar um hversu miklu ég beinlínis hendi af peningum útum gluggann fyrir þessa óþarfa þjónustu. Ég sé nú ekki of góð til að dæla sjálf...og gildir þá einu hvort ég sé nýkomin úr handsnyrtingu eða ekki. Hvort ég sé íklædd pilsi í 50 stiga gaddi....og frosthætta frá helvíti í móðurlífi og endaþarmi sé að veði. Hvort ég pissi uppí vindinn eða á hann...hvort ég sé á hælum og brjóti á mér öklana.

Ég er enganveginn sammála honum. Margítrekað hef ég bent viðkomandi á, að einhverjir verði að greiða launakostnað þessarar blessuðu manna, sem ég er farin að þekkja með nafni. Í hvert og eitt einasta skipti sem ég renni í hlað á mínum eðalvagni koma þeir hlaupandi. Ég fæ toppþjónustu. Ég greiði líka að hluta laun þeirra. Stundum koma þeir tveir í einu...eftir því hvort þurfi að skafa snjóþungar rúður...því sjaldnast skafa ég meira en rétt tvö gægjugöt. Oftar en ekki þrífa þeir líka rúðurnar, vitandi að önnur rúðuþurrkan er fyrir löngu lömuð og úr sér gengin. Að viðbættu því að rúðupiss-dunkur/blaðra er enginn í bílnum. Þegar ég rétt skáskít annari löppinni inn á bensínstöðina eftir einum mjólkurpotti, heyri ég hrópað úr öllum og sérhverju horni;

Hæ Heiða...hi Heida...hææ Heia...hei heyja...svona eftir því hverslenskur viðkomandi starfsmaður er...ég veifa og dingla framan í þá rassinum...fleygi kossi út í rokið og er flogin með það sama...glöð og ánægð með að vera; nobody´s pussy from  Blueberry Hill...

Seinnipartinn í dag var ég í lúnari kantinum og legg við dæluna mína, en hún er líka alltaf sú sama; nr: 7. Timo kemur hlaupandi með bros á neðri vörinni sinni...

...ég pota puttanum ofan í budduna mína og dreg upp ræfils fimmhundruð kall með sjúskuðum fúlum karli framan á...svo sé ég annað krumpudýr á þúsund kalli... öllu hressari til augnanna....

....á ljóshraða, reiknaði ég út að ég myndi geta keyrt í vinnuna og heim á þúsundinu fram að mánaðarmótum...þ.e.a.s. ef ég keyrði hratt....mjööööög hratt.

Ég rétti Timo geispandi úrillan peninginn. Hann tók við þúsundkallinum og brosti.  

Ég val-hoppaði inn á stöðina (passaði mig á að dingla rassinum hæfilega mikið til hægri) og valdi bláan beljuvökva út í kaffið, eftir þrælmikla umhugsun. Borga brúsann og labba út í kuldan til Timo...hann brosir undursætt þar sem hann stendur og dælir...og dælir og dælir....án þess að hafa sett á sig smokk...

...hann var komin upp í 5.830.- Brosið hans stífnar þegar hann áttar sig, en áður en það gerist tek ég eftir að hann er með tvær stíftennur, hið minnsta. (engan perra-hugsunarhátt hérna) En hann var-er fjarska sætur, af einhverra þjóða kvikindi að vera. Íslenskt (fyrir Heiðu) já takk.

Ég var margítrekað beðin afsökunar á bensínstöðinni af yfirmönnum Timo...og ég alveg bit.

-Og hvað nú?...spyr ég. Viðbúin því að bensíninu yrði ælt uppúr bílnum aftur...

-ekkert og neitt, svarar vaktstjórinn. Þetta eru okkar mistök...afsakaðu þetta bara, okkar mistök....

-en Timo...lendir hann í vandræðum?

-nei nei...

-olræt þá... segi ég (lítið sem ekkert fúl) ....ég keyri í burt... auðvitað alsæl með dauðadrukkinn bensíntank á spott-prís. (hvaða væl er þetta annars útaf bensínverðhækkunum?) Bað til Guðs að Saxi yrði ekki tekin fyrir ölvunarakstur...

....ég hugsaði með sjálfri mér, svolítið hátt svona og ákveðið; -auðvitað fyrirgef ég þessa yfirsjón...en þó aðeins með einu einasta skilyrði;

Að þetta komi ALDREI fyrir aftur! 

Lánið gjörsamlega leikur við mig þessa dagana...og ég sem hélt ég væri á vanskilaskrá...

 

Athugasemdir

[Linda Lea Bogadóttir, 27.3.2008 kl. 21:12]

Lukkí bastard þú... Ég kem við í kvöld með slöngu og við dælum smá af þínum og setjum á minn... hehe.

[Halldór (IP-tala skráð) 27.3.2008 kl. 21:15]

Segðu svo að það borgi sig ekki að láta dæla á fyrir sig. En ég held alveg pottþétt að dúddinn verði rekinn. Og já vonum að það gerist ekki aftur.

[Heiða Þórðar, 27.3.2008 kl. 21:17]

Já pældu í þessu? Bíð þér á rúntinn um helgina, ekki spurning!

[Heiða Þórðar, 27.3.2008 kl. 21:33]

Nei Halldór...ég trúi því ekki!

[Ásthildur Cesil Þórðardóttir, 27.3.2008 kl. 21:41]

Heppin ertu

[Sigrún Friðriksdóttir, 27.3.2008 kl. 21:49]

Hahaha þú verður að passa á þér dilluna dúllan mín,(eða ekki)

[Maddý (IP-tala skráð) 27.3.2008 kl. 22:38]

Ég pant koma með á rúntinn fyrst þú átt eðalvagn ...

[Hrönn Sigurðardóttir, 27.3.2008 kl. 22:43]

Komdu bara aftur við á morgun og tékkaðu á Timo........

Annars held ég að þetta séu nú mistök sem hljóta að koma fyrir töluvert oft á benzínstöðvum ;) Fjandakornið - hver getur ekki orðið annarshugar stöku sinnum? 

[Heiða Þórðar, 27.3.2008 kl. 22:46]

Hrönnsla gefðu mér nú smá kredit hérna! Ertu að draga það eitthvað í efa að þetta hafi EKKERT MEÐ RASSINN MINN AÐ GERA EÐA....?

[Hólmgeir Karlsson, 27.3.2008 kl. 22:46]

Ótrúlega gaman að lesa skrifin þín Heiða, snilldar frásagnarstíll :)  ... sennilega eins gott að Georg á Næturvaktinni var ekki vaktsjórinn í þessu tilviki ...

[Heiða Þórðar, 27.3.2008 kl. 22:52]

SÆLL!

[Hrönn Sigurðardóttir, 27.3.2008 kl. 23:09]

tjah.........

[Heiða Þórðar, 27.3.2008 kl. 23:20]

-út með það stelpa!

[Einar Bragi Bragason., 28.3.2008 kl. 00:00]

Þú ert að sjálfsögðu það mikil dama að þú átt að fá borgað fyrir að leyfa þessum mönnum að dæla á saxa.....þetta rassasax greinilega borgar sig

[Jenný Anna Baldursdóttir, 28.3.2008 kl. 00:05]

Muhahahaha

[Sigrún Friðriksdóttir, 28.3.2008 kl. 00:14]

Hvarflar ekki að mér Heiða að þetta hafi með nokkuð annað að gera en dillurnar á rassinum þínum að gera, viss um að hann er ekki fyrsta og verður ekki síðasta fórnarlambið

[Steingrímur Helgason, 28.3.2008 kl. 00:19]

Óskapleg kyngreinanleg karlremba er í gangi hérna í athugasemdum.

Ég er líka með flottann rass, ekki fæ ég frítt bensín !

Misrétti !!!

[Sigrún Friðriksdóttir, 28.3.2008 kl. 00:32]

Eru stelpur að dæla á bílana hjá þér Steingrímur eða allavega hommi

[Sigrún Friðriksdóttir, 28.3.2008 kl. 00:33]

Það verður að vera einhver sem hrífst af kinnunum

[Hlynur Jón Michelsen, 28.3.2008 kl. 00:56]

Þetta hefur komið einu sinni fyrir hjá mér. Þá dældu þeir allt, já allt of miklu bensíni á DÍSEL-bílinn minn!!!

[Sigrún Friðriksdóttir, 28.3.2008 kl. 01:03]

Vá þú hlýtur að vera með ROSALEGAR kinnar, ekki bara of mikið, vitlaust líka

Natta natta, segjum við í mínu landi, en annars ljúfa draum elskurnar 

[Solla Guðjóns, 28.3.2008 kl. 08:58]

Ekkert sopafyllirí á Saxa þetta hefur verið óvæntur og ánægjulegur glaðningur fyrir hann"garminn"og sjálfsagt hefur hann vitað að dinglubossinn ætti eftir að skila svona góðu fylliríi.

Go girl......hristu bossann ......

[Georg Eiður Arnarson, 28.3.2008 kl. 09:56]

Sumir eru alltaf að græða   Kannski maður prófi að dingla rassinum næst þegar ég tek bensín eða fæ Heiðu til að ...................

[Steingerður Steinarsdóttir, 28.3.2008 kl. 10:02]

Ætli þetta hafi ekki verið innborgun á það sem olíufélögin náðu af þér og öðrum neytendum með samráðinu.

[Kristín Katla Árnadóttir, 28.3.2008 kl. 10:32]

Heppin ertu.

 Knús inn í daginn

[Ólafur fannberg, 28.3.2008 kl. 11:17]

flott

[Þ Þorsteinsson, 28.3.2008 kl. 12:47]

Þarna kemur veikleiki okkar berlega í ljós eða eigum við að segja kurteisi.Hefði þetta gerst ef annar en saxsi hefði verið með opna æð og fengið líterinn á 26,60 ?

[Marta B Helgadóttir, 28.3.2008 kl. 14:35]

Hef lent í svipuðu í 1 skipti, bað um bensín fyrir 2 þús kall, var ekki með meiri pening á mér þá stundina, en fékk fullan tank. Mistökin þurfti ég ekki að borga   Mér fannst ég hafa grætt helling

[Gunnar Helgi Eysteinsson, 28.3.2008 kl. 15:09]

Það borgar sig að vera skvísa...

[Guðrún Jóhannesdóttir, 28.3.2008 kl. 15:21]

get ekki ímyndað mér að timo verði rkinn, þeir setja bara inn í starfssamninginn hjá bensíntittunum næst að þeir skuli gæta augna sinna og horfa minna á dillibossa og meira á dæluna hehehehe

[Gísli Hjálmar , 28.3.2008 kl. 17:58]

Er það málið að þið ferðist um hálfberrassaðar og látið fylla á ...

... ha?

[Halla Rut , 28.3.2008 kl. 19:18]

[www.zordis.com, 28.3.2008 kl. 21:48]

Þvílíkt hnoss að fá svona bensínkoss! 

Njóttu þess elskan mín, það var kominn tími á að Saxi fengi sopann! 

[Brjánn Guðjónsson, 29.3.2008 kl. 15:05]

stórskemmtileg frásögn