Hvað á typpið að heita?

Jæja, þá er maður búin að ganga úr skugga um nokkra mikilvæga hluti. Gæinn er nokkuð sáttur við bleiku-druslurnar tvær og augnahárið sem hékk enganveginn á sínum stað, tók hann ekki eftir. Hann er ekki enn búin að komast að því að "iðandi ég" voru í raun óþvegnar splunkunýjar, stífaðar blúndunærbuxunum fyrir að þakka, en ekki eðlilegri plús kynhvöt...ungrar konu. Iss, piss smámál.

Er búin að ganga úr skugga um nokkra afar mikilvæga hluti varðandi hann. Til að mynda stórefa ég að hann komi til með að brjóta bjórdós á hausnum á mér í  nánustu framtíð. Stór plús það. Ég yrði hissa ef hann skiti mig í hnéskeljarnar og finndi hjá sér löngun til að skera af mér litla putta. En það verður bara að koma í ljós. Að ætlast til einhvers meira en þetta, er stór og þokkalega feit frekja að mínu viti. 

Og annað; Hann vill mér aðeins það besta. Sem sönnun þess deildi hann með mér "eðalmunnvatni" en ekki einhverju útúrsýktum flensuvírus...-aðeins það besta fyrir Heiðu...Hann tilkynnti mér hátíðlega á milli þess sem hann saug upp í nefið nú í kvöld...að hann gæti alls ekki hitt mig um óákveðin tíma...og að sjálfsögðu væri ástæðan sú að hann vildi ekki smita prinsessuna sína...púff hvað ég er ánægð með sjálfa mig...og hann auðvitað líka! Sérstaklega í ljósi þess að hann sagði mig vera skítsæmilegan kokk...

-Heiða mín, set öryggið ávallt á oddinn...veit ekkert hvaða odd hann var að tala um, en það er aukaatriði. Hann var að tala við mig, svo mikið veit ég... en ekki einhverja Oddu hvað þá Odd... Maðurinn er ómótstæðilegur. Gullfallegur. Tillitsamur og hjartahlýr.

Hann steig að vísu tvisvar ofan á tærnar á mér (ein brákaðist) þarna um kvöldið, en hann sneri sér þó undan þegar hann leysti vind-ina ....

...og sagði krúttulega í kjölfarið; Úps...

Já það er af sem áður var...þetta er nefnilega það góða við að eldast...maður sættir sig ekki bara við einhverja ljóslogandi gauka eftir langtímasólböð á sólbaðstofum bæjarins...sem keyra um á fínum bílum...með útblásna sterabelgi og bjórvömb og og og....einsog maður kannski gerði, einu sinni eða tvisvar...ég var orðin örmagna eftir leitina af "litla" heila þar sem ég hafði gefið upp alla von á þvi að finna hinn eiginlega heila. Allir skór útúrslitnir....

Í útblásnum kroppunum voru engar lifandi tilfinningar aðeins kalt blóð sem rann löturhægt um æðar...og stöku sinnum alla leið upp í  typpi...stakk þá margsinnis með títiprjónum úr saumakassanum, án nokkurra viðbragða...ekki eitt vesælt; Ái.

Einu viðbrögðin sýndu þeir  þegar þeir horfðu stórhrifnir og með aðdáun á typpin á sér...stoltir án þess að taka svo mikið sem eftir því hvað hárið á mér liðaðist stórglæsilega og lokkandi á koddanum....hárið sem þó varð til þess að þeir stóðu þarna með reisn. Og svo skýrðu þeir "stoltið"  ýmsum nöfnum. En aldrei í höfuðið á mér samt.  

Nú sættir maður sig bara við það besta. Vona að hann skýri "hann" Heiða-r...með tilheyrandi skýrnaveislu og alles...

....pant vera presturinn....allir velkomnir!  þegar ég hugsa um það þá vantar einhvern til að halda á undir skýrn...  njótið dagsins.

Athugasemdir

[Gunnar Helgi Eysteinsson, 6.2.2008 kl. 08:22]

[Guðborg Eyjólfsdóttir, 6.2.2008 kl. 08:37]

Ég kem

[Ásdís Sigurðardóttir, 6.2.2008 kl. 09:10]

Ó mæ god, og hver á að halda Heiðar..i undir skírn?? þú? og hverju verður skvett á dýrið?? af bleytu meina ég?  þú er óborganleg yndið mitt.  Látt'onum batna áður en þið framvæmið meiri munnvatnsskipti og farðu vel með þig stelpurófa.

[Heimir Lárusson Fjeldsted, 6.2.2008 kl. 10:08]

Niðurdýfingarskírn?

[Hrönn Sigurðardóttir, 6.2.2008 kl. 10:11]

hehehehe hvar finnast svona eðalmenn?

[Heiða Þórðar, 6.2.2008 kl. 10:40]

Ástvaldur!!!!!!????

[Linda Lea Bogadóttir, 6.2.2008 kl. 11:08]

Eða Ástríkur ! Steinríkur í öðruveldi fylgir með í kaupunum hehe.

[Fiðrildi, 6.2.2008 kl. 12:18]

Spennandi ;) . . og lifi typpatalið

[Hrönn Sigurðardóttir, 6.2.2008 kl. 14:35]

Ástvaldur??!! Ég dey

[Guðrún Jóhannesdóttir, 6.2.2008 kl. 15:43]

stórkostleg! 

[Jóhanna Magnúsar- og Völudóttir , 6.2.2008 kl. 16:58]

Góð!  ... liggur ekki beinast við að hann heiti Oddur ?

[Einar Bragi Bragason., 6.2.2008 kl. 20:16]

úpps úpps og úpps og aftur úpps en þú ert lang flottust

[Hugarfluga, 6.2.2008 kl. 21:13]

Halda því undir skírn?? Erum við að tala um að það myndi taki allan faðminn eða bara flísatangahald?  Er þetta svona hvalur... Keikó ... Vilhjálmur ... Villi ... Willy? Eða bara svona rækja á milli tveggja rúsína?

[Steingrímur Helgason, 6.2.2008 kl. 21:23]

Fer þetta bloggerí ekki að verða bannað undir áttræðum ?

Fær Rósa mín rósarbaðaða prósentugreiðslur af þessu rósamáli ?

[www.zordis.com, 6.2.2008 kl. 21:52]

Ástvaldur og Ástríkur eru mjög smellin nöfn á þann djúpa! 

[Jenný Anna Baldursdóttir, 6.2.2008 kl. 23:59]

Hei af hverju getur hann ekki hitt þig þó hanns sé veikur? Hann er búin að troða lítravís af munnvatni upp í þig og Guð má vita á hvaða staði fleiri

Þetta myndi mér finnast turnoff en ég er hálf biluð.

Bara ekki láta han skíra vininn barnasmiðinn. Þá ræð ég mér hitman.

[Guðríður Pétursdóttir, 7.2.2008 kl. 22:02]

já ég spyr eins og ásdís.. hver heldur á honum undir skírninni ef þú verður presturinn

Ég sting upp á að það verði broadcastað skríninni bara beint á netið, svo þeir sem ekki komast geti fylgst með

[Solla Guðjóns, 8.2.2008 kl. 09:43]