Alvöru jólasveinn?

Ég er frekar lásí jólasveinn en ég hitti annan mun slappari í dag. Ég vaknaði í nótt við dóttir mina þar sem hún var komin í hálsakotið og hvíslaði syfjulega;

-mamma, má ég kíkja?

-nei elskan, það er nóttin, haltu áfram að sofa...jólasveinninn er ekki búin að koma, hvísla ég á móti. Sem hún og gerði. Ég lá glaðvakandi í myrkrinu og hlustaði á andardráttinn hennar og þegar ég var viss um að hún væri sofnuð... læddist ég framúr og upp í skáp.

Ég raðaði samviskusamlega í báða skóna í myrkrinu; bókinni um Sóleyu prinsessu, logandi hjartaljósi og sælgæti. Hugsaði með mér; vonandi endist batterýið þar til hún vaknar...

...það logaði enn.

Hún leit ekki við sælgætinu, var frá sér numið af ljósinu og lestrinum í morgunsárið.

-Jólasveinninn er góur...mamma...svona svona góur! sagði hún og lyfti litlu höndunum hátt - hátt - hátt...

---

Seinnipart dags kom ég auga á jólasvein í Smáralindinni. Hann var á hraðferð, held að hann hafi verið á leið í kaffi...ég greikkaði sporið með stelpuna á arminum og náði karlinum. Talaðu aðeins við hana segi ég...

Hann lítur á mig, frekar fúll og sjálfsagt hugsandi;....OH, enn einn krakkinn...

Sóldís starir á hann, frá sér numin, ljómar og segir;

-Hæ!

-Ég er alvöru jólasveinn sjáðu...hann togaði í skeggið á sér... -prófaðu rífðu í skeggið á mér! skipar hann óðamála ...ekki beint blíður á manninn...

Stelpan starði á hann undrandi...afhverju ætti hún að tosa í skeggið á honum? Hún rífur ekki í hárið á mömmu sinni....afhverju ætti hún að efast um að hann væri alvöru jólasveinn? Hann bar  engin merki þess að vera góður og blíður einsog í sögu móður hennar kvöldið áður...

Ég reif í (alvöru)skeggið... frekar harkalega og fast...segi við Sóldísi sem horfði á mig undrandi; -það er alltí lagi að toga í þennan jólasvein, bara ekki hina elskan...við horfðum undir hælana á honum þar sem hann rauk í burtu...kannski var honum mál að pissa...

...ljóta fíflið!

---

Ari minn litli-stóri var í Smáralindinni með kærustunni...greip þau glóðvolg og fór með þau í jólaland...við frekar dræmar undirtektir. -Komiði ég ætla að taka mynd af ykkur...Ari var lítið hrifin, kærastan flissaði...við vorum einsog sveitamenn frá Suðureyri við Súgandafjörð og vöktum athygli vegfarenda þar sem ég mundaði stóra myndavél 2,1 MP - skipaði þeim að brosa og segja skyr....

Fallegar þessar elskur

Hjartaljósið sem dóttir mín fékk frá "jólasveininum" logar enn á náttborðinu...

 

 

 

Athugasemdir

[Einar Bragi Bragason., 16.12.2007 kl. 23:33]

Flottur dagur hjá ykkur......jólasveinninn sem kemur til okkar næstum því gleymdi sér en náði á síðustu stunda að setja dótið í stígvélið fram á gangi he he he

[www.zordis.com, 16.12.2007 kl. 23:42]

Suðureyri við Súganda er ekki sem verstur staðurinn ... þar kemur jóli á stórri þotu sjálfknúinni með lífsglaða þorska sem töfra sleðann áfram!

Dúllur börnin þin ...

Jólakveðjur frá Frísku konunni .....

[Helgi Kristinn Jakobsson, 16.12.2007 kl. 23:54]

Sé að fleiri eru að brasa við að muna eftir að setja í skóinn....

þessi jólasveinn sem þið hittuð í dag, hann er kannski femíniskur!?

[Linda Lea Bogadóttir, 17.12.2007 kl. 00:34]

Man þá tíð er jólasveinninn kom á gluggann hjá mínum börnum... Það er því miður liðin tíð... í bili að minnsta kosti...
Eitt sinn kom hann bara alls ekki... alla vega var ekkert í skónum í glugganum og mikill grátur og gnístran tanna   Eftir miklar vangaveltur fram og til baka hvers konar jólasveinn þetta væri eiginlega og barnið á leið í leikskólann... var gottið í stígvélinu frammi í forstofu... Sennilega er hann núna á Seyðisfirði - hefur verið rekinn úr vinnu á höfuðborgarsvæðinu ... sami sveinn verið á ferð hjá Saxa í morgun ...

[Heiða Þórðar, 17.12.2007 kl. 00:41]

hehehe

[Einar Bragi Bragason., 17.12.2007 kl. 00:42]

he he.....örugglega

[Jenný Anna Baldursdóttir, 17.12.2007 kl. 00:55]

Jólasveinar með attitjúd eiga ekki að vera á ferli á aðventunni.  Hann er örugglega KARLREMBUSVÍN

Börnin yndisleg og sú tilvonandi líka.  Hóhóhó.

[Heimir Lárusson Fjeldsted, 17.12.2007 kl. 01:28]

Þið eruð flottust!

[Doddi - Þorsteinn G. Jónsson (IP-tala skráð) 17.12.2007 kl. 09:53]

Jólasveinninn hefur verið iðinn við kolann hér á mínu heimili. Ekki gleymt sér enn. En það er mikil gleði með þær gjafir sem ratað hafa í skóinn hingað til. Hversu stórtækir finnst ykkur að jólasveinarnir ættu að vera? Hafið þið skoðun á því?

Annars er þetta yndisleg mynd af þínum dúllum, Heiða. Enda ert þú súperdúlla sjálf.

[Kristín Katla Árnadóttir, 17.12.2007 kl. 10:05]

Ég kannast við þetta með skóna. Falleg börnin þín Heiða mín.

[Huld S. Ringsted, 17.12.2007 kl. 10:18]

Sumir jólasveinar ættu ekki að hafa "starfsleyfi" !   Jólasveinninn á þessu heimili gleymir sér aldrei, þó hefur komið fyrir að hann hefur nærri því gleymt sér, verið í seinna laginu og rétt náð að lauma í skóinn áður en dætur vakna!

Flott mynd af flottum börnum

[Ásgerður , 17.12.2007 kl. 10:28]

Ég hef verið ágætis jólasveinn í gegnum tíðinina, en er orðin frekar kærulaus núna, þar sem sonurinn er farinn að spyrja að kvöldi hvort hann fái ekki örugglega í skóinn, þá er hann semsagt að minna mig á, því hann er löngu hættur að trúa

Hitti Ara og kærustuna í Kringlunni í gær, voða krúttleg  

[Ásthildur Cesil Þórðardóttir, 17.12.2007 kl. 10:33]

við vorum einsog sveitamenn frá Suðureyri við Súgandafjörð og vöktum athygli vegfarenda þar sem ég mundaði stóra myndavél 2,1 MP - skipaði þeim að brosa og segja skyr....

Ég lofa að segja ekki Súgfirðingum þetta, ef þú gerir það ekki, þeir eiga örugglega ekki tölvur bara svona gamaldags ritvélar sem segja kling klang búms og skrattssss

Minn ungi var óheppinn í nótt, hann átti að fá 2o dollara seðil frá Jóla, en þar sem hann sá frekar illa og það voru fleiri myndir í veskinu hans, fékk hann Slavneska crónur í staðinn  

En sumir jólasveinar ættu ekki að fá byggðaleyfi svei mér þá. 

Og já flottir krakkarnir þínir,  kærustur og alles.

Eitt barnabarnið mitt spurði mig um daginn sporskur á svipinn; amma af hverju segir fólk að þú sért hættuleg með myndavélina

[Ásdís Sigurðardóttir, 17.12.2007 kl. 14:08]

Þú ert alveg frábær. Eins gott fyrir leiðinlega jólasveina að heilsa ekki upp á þig, en ég spyr, meiga þeir vera leiðinlegir við börn?  held ekki.  Kær kveðja á Dísina þína.

[Ester Júlía, 17.12.2007 kl. 15:44]

En æðisleg gjöf ..hjartaljósið.... gott þú mundir eftir skónum. Enn sem komið er man ég alltaf eftir skónum - oft reyndar komin upp í rúm þegar ég man það en betra er seint en aldrei.  Meiri dóninn þessi jólasveinn sem þið hittuð! Hann var greinilega ekki ekta, bara plat þótt skeggið væri kannski ekta.   Æðisleg myndin af "börnunum" ..

Knús til þín í rokinu - úr Hafnafirðinum

[Steingerður Steinarsdóttir, 17.12.2007 kl. 15:45]

Ég hef oft hugsað að einstaka menn þurfi í þetta starf. Ég þekki mann sem hafði atvinnu af þessu í mörg ár og það var ælt á hann, hrækt, sparkað í hann, snúið upp á nefið á honum og ýmislegt fleira. Ég veit að líklega hefði ég ekki næga þolinmæði til að vera góður jólasveinn en þessi hafði enga ástæðu til að vera leiðinlegur við ykkur mæðgur.

[Sunna Dóra Möller, 17.12.2007 kl. 16:10]

Jólasveinar í fýlu eiga að finna sér eitthvað annað að gera !

Flottir fólkið þitt

[Sunna Dóra Möller, 17.12.2007 kl. 16:11]

Flottir eiga að sjálfsögðu að vera flott...

[Magnús Geir Guðmundsson, 17.12.2007 kl. 20:46]

Fallegt og hjartnæmt af heimavellinum, en ekki eins úr höll Mammons, engir ALVÖRU jólasveinar eru þar!

[Hallgrímur Óli Helgason, 17.12.2007 kl. 22:47]

[Guðrún Jóhannesdóttir, 18.12.2007 kl. 01:16]

[Solla Guðjóns, 18.12.2007 kl. 08:39]

Ég sakna þessa tíma með skóinn.

Fallleg gjöf og ómögulegur jólasveinn....

[Solla Guðjóns, 18.12.2007 kl. 08:41]

Já...og elskurnar þínar eru bæði fallleg og sæt

[Anna J. Óskarsdóttir, 18.12.2007 kl. 18:54]

hehhehe kannast við þetta að þurfa að halda mér vakandi til að setja e-ð í skóinn.... en ég gleymi því aldrei (Helgi   )

Heiða þú átt mjög falleg börn (ef hægt er að kalla stóra strákinn þinn barn  ) 

Og þetta er alveg yndislegur tími, gaman að sjá svipinn á krökkunum þegar þau sýna manni hvað var í skónum (þess vegna held ég að það sé miklu erfiðara fyrir okkur foreldrana að jólasveinninn gefi kartöflu í skóinn heldur en börnin sjálf