Alltof stórar falskar tennur...

Hvað gerir maður þegar mann langar að skrifa, en dettur ekkert í hug. Jú, maður lítur á tærnar á sér og lætur hugann reika...maður finnur fyrir viðbrenndum rassi eftir sólbað gærkveldsins...og telur freknur og fingur.

og hugurinn flýgur...

...til Nýja Sjálands. Millilending í Singapoor. Stutt pissustopp og svo flýgur hann áfram og staðnæmist við mig, þar sem ég stend við Cashier - desk í Christchurch Casino.

Í svörtu pilsi með klauf upp í klof...hvít skyrta og reyrt vesti um mig miðja. Brjóstin virðast stærri en þau eru í raun og ég næ vart andanum undan háu hælunum, sem ég stend í, á tólf tíma vaktinni minni. Hárið uppsett með nöglum og nælum. Brosið límt aftur fyrir eyrun með hárlakki. Neglurnar lakkaðar með rauðu lakki.

Hann kemur enn og aftur. Karlinn. Helvítis karlinn, hugsa ég með mér.

Hann spyr;

-hefurðu gaman af bröndurum icelendic princess?

-já já....

-hvort viltu heyra ...dirty or a good one?

one of each...ég brosi og finn hvernig lakkið byrjar að flagna af andlitinu. Finn hvernig hárin byrja að rísa á hnakkanum og naglarnir stingast upp úr hausnum. Ég skoða áhugalaus upp í trantinn á fíflinu þar sem alltof stórar falskar tennur, varla hanga fastar upp í gómnum. Ég hugsa um konuna hans, sem hann hafði mætt með í spilavítið deginum áður. Þá hafði hann ekki virt mig viðlits.

...og ég sit undir smjaðrinu og blaðrinu.

Daginn eftir kemur hann aftur, hann hafði spurst fyrir um mig og komist að því að ég hefði gaman að því að lesa og skrifa. Yfirmaður öryggisdeildar sagði mér frá þvi. Sá hinn sami var sambýlismaður minn á þeim tíma.

-Ég er rithöfundur... segir hann þennan daginn og glottir eilítið fallega.

-Í alvöru? áhugi minn var vakinn...

-já, já, ég hef skrifað margar bækur. Hann bauð mér að hitta sig eftir vinnu, hann ætlaði að gefa mér bók. Ég mátti ekki þiggja neinar gjafir. Enda langaði mig ekki í neina gjöf.

Ég fékk uppgefið nafnið á honum og sagðist myndi fara á bókasafnið. Sem og ég gerði eftir vaktina mína. Ég hugsaði hlýlega til karlsins. Tennurnar voru nú orðnar að ekta perlum í mínum huga. Hrukku-dregið og rúnað andlit hans einsog splunkunýtt barns-rassgat. Hárið gráa hvarf undir ljósan skalla og aldurinn datt niður um einhverja áratugi.

-Hvaða hvaða Heiða (Heather Thord) hann er ekkert svo slæmur! hugsaði ég með sjálfri mér, þegar ég brunaði framhjá heimilislausum í leit að æti, í ruslatunnum nálægt bókasafninu.

Ég fann bækur. Fullt af þeim. Eftir hann. Ég las og las... fleygði karlrassgatinu upp í Guðatölu og mikla hærra reyndar....eða þar til ég las í formála einnar bókar með uppgefnu nafni hans ;

-Kristanmurti (minnir mig að nafnið hafi verið) died in 1984 (minnir mig aftur....) þá sá ég hann í sama ljósi og ég hafði séð hann áður. Maður ætti alltaf að fara eftir fyrstu tilfinningu.

Enn og aftur hafði ég látið hafa mig að fífli...

Athugasemdir

[Þröstur Unnar, 15.10.2007 kl. 23:02]

Já

[Fiðrildi, 15.10.2007 kl. 23:09]

ha ha . . . ég ætla að taka mér þennan falska til fyrirmyndar og prófa þetta næst þegar að ég fer út á lífið.  Segjast vera Hollywood-leikari . . . t.d. Dustin Hoffman .  Ætli það virki   Hann er þó allavega ekki dauður.

[Heiða Þórðar, 15.10.2007 kl. 23:12]

nei elskan, þú ert alltof kvenleg. Að auki er vandfundnir jafn auðtrúa vitleysingar einsog ég....

[Sigrún Friðriksdóttir, 15.10.2007 kl. 23:23]

haha þvílíkt lifandi frásögn Heiða !!! Ég vill fá áritað eintak af bókinni

[Jenný Anna Baldursdóttir, 15.10.2007 kl. 23:32]

Frábær frásögn.  Vei!

[Ásdís Sigurðardóttir, 15.10.2007 kl. 23:36]

SNilldar frásögn hjá þér eins og alltaf dúllan mín.  kveðja

[www.zordis.com, 15.10.2007 kl. 23:47]

Litla fúleggið .... hvernig er svona hægt ... hvað gera menn ekki fyrir einn ..... eða í það minnsta reyna að gera allt fyrir

[Heiða Þórðar, 15.10.2007 kl. 23:49]

... einmitt Zordis, nú eða konur ef út í það er farið.

[Einar Bragi Bragason., 15.10.2007 kl. 23:53]

Sá þig fyrir mér he he

[Einar Bragi Bragason., 15.10.2007 kl. 23:57]

æææ ég gleymdi næstum ......einu sinni á dag......þú ert gullfalleg

[Heiða Þórðar, 15.10.2007 kl. 23:59]

hehe...góður

[Hrönn Sigurðardóttir, 16.10.2007 kl. 00:11]

æj æj æj, allir hafa þó sína veiku punkta! Mínir eru herðabreiðir karlmenn og ryðgað stál

[Axel Jón Fjeldsted (IP-tala skráð) 16.10.2007 kl. 00:44]

Þú semsagt trúðir því kæra vinkona að kallinn væri hinn andlegi leiðtogi Kristnamurti?

[Solla Guðjóns, 16.10.2007 kl. 01:44]

Hæ!! Hvort sem þú ert góður penni.blíantur eða gott lyklaborð....er alltaf jafn gaman að lesa hjá þér og bók já takk

[Þórarinn Þ Gíslason (IP-tala skráð) 16.10.2007 kl. 03:02]

Já Heiða mín.Þessir rithöfundar.Frásögnin er glimmrandi.Ég upplifði mig í sjónrænt leikrit hjá þér.Meiraaaaaaaaaaaaaaaaaa    af þessu.

[Gunnar Helgi Eysteinsson, 16.10.2007 kl. 06:48]

Góð

[Heiða Þórðar, 16.10.2007 kl. 08:33]

Já Axel.....minn, geturðu ýmindað þér þegar ég las um ferðir hans um allar heimsálfur m/fyrirlestrarna sína og fallegann boðskap? Trúi varla að ég sé að segja frá þessu...

[Ásthildur Cesil Þórðardóttir, 16.10.2007 kl. 09:13]

Þú ert alveg ótrúlegur prakkari Heiða mín, og ótrúlega skemmtilegar sögur sem renna úr puttunum á þér yfir lyklaborðið, takk fyrir mig  Reyndar alls ekki ótrúlegt þannig séð, mig vantaði bara lýsingarorð heheheeh...

[Ellert Guðmundsson, 16.10.2007 kl. 09:24]

He he enn eitt snilldar trixið, þessi fer í "Hvernig á að draga konu til tálar" bókina

[Sunna Dóra Möller, 16.10.2007 kl. 09:32]

[Steingerður Steinarsdóttir, 16.10.2007 kl. 09:39]

Frábær!

[Saumakonan, 16.10.2007 kl. 09:56]

innlitskvitt á köldum morgni í langtíburtistan

[Kristín Katla Árnadóttir, 16.10.2007 kl. 10:05]

Þú er alltaf  góð.

[Axel Jón Fjeldsted (IP-tala skráð) 16.10.2007 kl. 10:41]

Ekki amalegt það.

[Freyr Hólm Ketilsson, 16.10.2007 kl. 13:37]

Þetta endar bara með kviðsliti vegna hláturs einn góðan veðurdag.
Takk fyrir mig.

[Gísli Torfi, 16.10.2007 kl. 16:10]

þessi færsla er bara Glæsibær og ég sem var að gúffa uppí snjáldrið á mér brauði og eh sulli var nánast komið langleiðina á borðið vegna kátínu.. Heiða you Rock like a truth Star :)

[Heiða Þórðar, 16.10.2007 kl. 17:14]

Eins fáránlegt og það hljómar þá þykir mér undurvænt um ykkur öll. Ekkert  notalegra en koma heim í svo hlýjar kveðjur,

nokkur ykkar þekki ég prívat og pers...hin ekki. Samt eruð þið öll svo ótrúlega nálægt hjartanu mínu.

[Marta B Helgadóttir, 16.10.2007 kl. 21:14]

Góð! 

[Einar Bragi Bragason., 16.10.2007 kl. 23:33]

Nýr dagur...........þú ert(þú veist það) Gullfalleg

[Ásgerður , 17.10.2007 kl. 10:36]

hahahaha