Sólin verður hjá pabba sínum

Hann var risastór! Þorskurinn sem sem var ofaní klósettinum mínu. Ég öskraði náttúrulega því hann náði rétt að narta í rassinn á mér, áður en ég tók eftir honum. Stelpan stóð hjá og skríkti. Ég skellti klósettsetinu niður, ekki þó það harkalega að ég næði að brjóta hana. Stelpan hló enn meira. Ég var miður mín. Þvílíkt ferlíki. Uppfullt af bleikum ormum...aftur opnaði ég ofurvarlega. Og kvikindið glotti við mér þegar hann leit í augu mín. Ég reyndi að sturta niður... en smá spræna hafði ekkert í þetta skrýmsli að gera. Svo fór ég inn i stofu...án þess að pissa. Veit ekki fyrr en eitthvert mannrassgat, kemur askvaðandi inn í íbúðina mína, sem var þó ekki mín. Hann strunsar framhjá mér án þess að kasta á mig kveðju, þá tók ég eftir því að íbúðin var á floti! Ég stóð í volgu vatni upp á hnéskeljum!

Aldeilis skemmtilegar draumfarir undir himnasænginni minni í nótt... gott að vakna með engla svífandi í herberginu. Engin þorskur glottandi við mér þegar ég opnaði salernis-hásætið mitt, gólfið skrjáfaþurrt. Og ekki einn einasti karlmaður strunsandi um íbúðina, sem er mín. Og það sem meira er....sólin skín inn um gluggann minn. Og brosir. Sólin verður hjá pabba sínum um helgina.

Um helgina verð ég á kafi ofaní bleikri málningadollu og fleiri litum. Frí-hendis blóm og sólir og kannski fiðrildi. Er að fara að mála herbergi. Ég elska að mála ....hápunkturinn er þegar verkinu er lokið.

Góða helgi til ykkar allra

 

 

 

Athugasemdir

[Einar Bragi Bragason., 28.9.2007 kl. 11:42]

Vááá eins gott að ég man aldrei mína....

[Jenný Anna Baldursdóttir, 28.9.2007 kl. 11:44]

Mikið skelfing er ég ánægð fyrir þína hönd að þetta var draumur.  Hélt að þú værir á sýru þegar ég byrjaði að lesa.  Njóttu helgarinnar.

[Gunnar Helgi Eysteinsson, 28.9.2007 kl. 12:06]

www.draumur.is

[Heiða Þórðar, 28.9.2007 kl. 12:16]

Vatn

Alls konar vatnssull er dreymandanum yfirleitt fyrir veikindum. Sérstaklega ef vatnið er mórautt og ólgandi. Þyki þér sem þú eða sá sem er að vaða í vatninu sökkvi og komi ekki upp aftur, verður tvísýnt um líf hans. Að drekka tært vatn merkir sigur. Að hella niður vatni eða skvetta því er viðvörun um að stilla skapið.

Bara fyrir þig Gunnar Helgi....

[Doddi - Þorsteinn G. Jónsson (IP-tala skráð) 28.9.2007 kl. 13:58]

Góða helgi til þín líka Heiða. En hvernig lítur annars glottandi þorskur út?

[Anna Einarsdóttir, 28.9.2007 kl. 14:14]

Góða helgi.     Er kannski þorskur í matinn í kvöld ? 

[Margrét M, 28.9.2007 kl. 16:19]

njóttu helgarinnar ... þetta merkir líklega að þú sigrir eitthvað  

[Ólafur fannberg, 28.9.2007 kl. 16:24]

góða helgi gamla

[Hrönn Sigurðardóttir, 28.9.2007 kl. 22:05]

Gangi þér vel að mála! Það er alltaf svo gaman......

.....þegar maður er búinn

[Hugarfluga, 28.9.2007 kl. 23:19]

Allt er vænt sem vel er bleikt! Knús á þig, dúlluskonsan mín!

[Georg Eiður Arnarson, 28.9.2007 kl. 23:44]

Þessar Sólir eru svo sætar í bleiku.

[Steingrímur Helgason, 29.9.2007 kl. 00:40]

E, ert þú svona ein af þessum sem að tínir sveppi á haustin & átt ekki bókina um hvað má brúka í hvað, & hverju er best bara hent ?

Ef svo er þá mæli ég frekar með frosnum niðursneiddum Euroshop í framtíðinni.

Mig alla vega dreymir ekki svona svakalega !

S.

[Halldór Sigurðsson, 29.9.2007 kl. 09:59]

Þorskar vísa ávallt á eitthvað gott ---
Og góða helgi

[Þröstur Unnar, 29.9.2007 kl. 10:42]

Mér finnst Þorskur vísa á saltfisk.