Nærbuxnalaus....og sól

Ég hef áður minnst á ömmu mína heitna.

Siggu Summ.

Hún kom upp í huga mér í dag, þegar ég virti fyrir mér rigninguna sem kom beinustu leið niður. Í bunum.

Ég eyddi lunganu úr æsku minni hjá henni og ömmu fannst ég svo klár (hún átti það til að færa sannleikann aðeins í stílinn) að ég var víst farinn að lesa Morgunblaðið aðeins nokkra mánaðagömul.

Einhverju sinni heyrði ég á tal hennar þegar hún var í símasamræðum við vinkonu sína og segir;

-Þetta er alveg stórmerkilegur andskoti! Um leið og ég hengi nærbuxurnar hennar Heiðu minnar út á snúru þá byrjar að rigna. Og ég segi það satt, þetta klikkar ekki!

... þetta er mér afar minnistætt og óraunveruleikinn fékk á sig raunverulega blæ þegar ég fór út á svalirnar mínar til að athuga hvort leyndist þarna á snúrunni einsog eitt stk. g-strengur -í versta falli efnislítill boxer.

Og jú jú, þarna var ein blúnduspjör, nánar tiltekið svört, langt í frá sakleysisleg, miklu heldur ögrandi.

Ég kippti henni inn og bölsóttaðist yfir værðarleysinu í sjálfri mér. Kom ekki til hugar að klæða mig í hana eða einhverja aðra úr skúffunni. Dagsplanið var gjörsamlega að fara út um þúfur.

Hoppaði í sokkabuxur og kjól.... og beið þess að úrkomunni slotaði. Sem og hún gerði.

Þetta er eilífðarvandamál í mínu lífi. Nærbuxnaleysi og sól. Nærbuxur og rigning.

Þannig að þegar að rignir þá er Heiða í nærbuxum. Eða nærbuxurnar eru á snúrunni.

Ekki amalegt að vera svona nátengdur Veðurguðunum öllum.

Þið megið prófa að leggja inn pöntun...

Athugasemdir

[Jenný Anna Baldursdóttir, 29.7.2007 kl. 20:52]

Amman krútt.

[Jóhannes Ragnarsson, 29.7.2007 kl. 20:53]

Það er aldeilis densilegur andskoti að geta ekki skipt um nærbuxur án þess að veðrið fari úr skorðum. Svonalagað gerist aldei hjá karlmönnum - sem betur fer.

[Heiða Þórðar, 29.7.2007 kl. 21:06]

Jóhannes....hahaha, orðlaus!

[Brynjar Jóhannsson, 29.7.2007 kl. 21:51]

ef að það fer að RIGNA um verlslunarhelgina þá veit ég allveganna hverjum ÞAÐ ER AÐ KENNA ?

[Jóna Á. Gísladóttir, 29.7.2007 kl. 22:00]

Heiða mín þetta blasir alveg við. Þú mátt vera í nærbuxum einu sinni í viku á milli kl. 6 og 7 um morguninn. Annars bara nærbuxur off.

[Halla Rut , 29.7.2007 kl. 22:22]

Viltu hafa þær inni næstu helgi Please...

[Heiða Þórðar, 29.7.2007 kl. 22:37]

hehehe, ekki málið Halla Rutog Jóna....

[Hugarfluga, 29.7.2007 kl. 22:43]

Ég kýs þá að hafa þig nærbuxnalausa alltaf nema stundum ... það er svo gott fyrir jörðina að fá smá vætu.

[Þröstur Unnar, 29.7.2007 kl. 22:58]

Þyrfti eiginlega að fá að sjá Heiðu áður en ég dæmi hana úr brókinni. Rigning me ass.

[Anna Einarsdóttir, 29.7.2007 kl. 23:15]

Ætli þeir viti af þessu í Bretlandi ? 

[Ólafur fannberg, 29.7.2007 kl. 23:15]

ekki hengja upp brækurnar það er fínt að hafa sól og blíðu hehehehe

[Heiða Þórðar, 29.7.2007 kl. 23:25]

Við erum að tala um 103 kílógramma líkama sem svo óheppilega vill til að kílóafjöldin sest mestmegnis á minn annars sæta rass ....Þröstur minn. Útfrá stoltinu (rassinum) fjórir skankar örmjóir.....og pínu pínu lítill haus með stórum heila innaní.

[Heiða Þórðar, 29.7.2007 kl. 23:26]

Er á leið til Bretlands í næsta mánuði Anna.... ekki spurning mín verður nærbuxnalaus í partýinu!

[Steingrímur Helgason, 29.7.2007 kl. 23:41]

Amma mín góð staðhæfði að hún hefði gert mig fluglæsann með Íslendíngasögunum, öllu ritsafninu til enda, & sannfærði fræðsluráð svo vel um það að skyldan hjá mér var bara átta vetur.

Annars kom nú bara til hugar viðlag úr gömlu dægurlagi frá lángwerstan við lestur þessa pistils. 

"Mér finnst rigníngin góð....."

Ja, bara datt þetta dona í hugz...

S.

[Eva Þorsteinsdóttir, 30.7.2007 kl. 04:24]

Hentu þeim bara öllum ..... þá hverfur rigningin örugglega fyrir fullt og allt ;)

[Ásthildur Cesil Þórðardóttir, 30.7.2007 kl. 08:16]

Heiða mín takk fyrir að vera ekki í nærbuxum í dag, ég losna við að standa með vatnsslönguna þennan daginn allavega.

[Ásthildur Cesil Þórðardóttir, 30.7.2007 kl. 08:17]

Vera í þeim reyndar hehehe  smáruglingur í  mér.

[www.zordis.com, 30.7.2007 kl. 08:39]

Hún amma þín  ......  Í nærjunum á nóttunni og úr þeim í bítið ....  Er það ekki draumur í dós bara! 

[Heiða Þórðar, 30.7.2007 kl. 10:16]

Sem minnir mig á Zordis; langamma mín í móðurætt sagði við mig sem barn að ég ætti alltaf að sofa nærbuxnalaus. Annað væri mein-óhollt. Hver fann annars upp fj.... nærbuxurnar?

[Solla Guðjóns, 30.7.2007 kl. 14:33]

Taktu af snúrunni NÚNARignir vel hér furir austan fjall

[Ásdís Sigurðardóttir, 30.7.2007 kl. 16:33]

Vildi að það væri hægt að leisa fleiri veðurvandamál á svona einfaldan hátt. Hefurðu tékkað í hverju þú ert eða ekki þegar t.d. það er mikið rok?? og svo er spurning með fellibyli, hefurður verið á ferðinni í USA á fellibylja season?  þú ert svo skemmtileg og skondin dúllan mín 

[www.zordis.com, 30.7.2007 kl. 18:35]

Jú jú, hef heyrt þetta með að sofa nærju laus en það er svo helv.... slæmt hugsandi um alla hina.  Annars verð ég að segja að þú hafir verið dugleg að vera með hana óvarða í sumar!  Guð blessi þig elsku barn! 

[Halldór Sigurðsson, 30.7.2007 kl. 21:28]

Interesting ???

[Hugarfluga, 30.7.2007 kl. 21:48]

Ertu í mörgun nærjum og vafinn inn í þvottasnúruna?? Það er spáð rigningu fram yfir helgi!! Úr brókinni, kona!!

[Heiða Þórðar, 30.7.2007 kl. 23:08]

Já Zordis endalaus leit að nærbuxum var okkur öllum til góða.

Ásdís mín; Bleiki brjóstarhaldarinn þegar rokið er mikið.... er annars alvarlega að hugsa um að setjast aðeins að þarna í USA.... kíkja við í það minnsta.

Nú er mín með blöðrubólgu Hugarflugan mín, þannig að þið verðið að bíta í það súra epli að klæðast vaðstígvélum um verslunarmannahelgi......blame it all on me....

[Georg Eiður Arnarson, 31.7.2007 kl. 07:04]

Ég hef grun um að þú verðir á þjóðhátíð ( í nærunum) en samt ekki því GMJ kemur ekki.  Eruð þið kannski bara saman á Krít.

[Heiða Þórðar, 31.7.2007 kl. 10:24]

Þarna hittirðu naglann enn einu sinni á höfuðið Goggi minn....