Ásta Lovísa Vilhjálmsdóttir

Á ferð minni í gegnum lífið tengdist ég óhjákvæmilega Ástu Lovísu Vilhjálmsdóttur.

Mér til góðra og sælla minningarauka í hjarta, en nú næ ég vart andanum af depurð.

Ásta hefur  fengið úr því skorið frá læknum í  N. Y.  að eiga nokkra mánaði eftir ólifaða.

Segir manni og kennir að njóta augnabliksins og vera góð við hvort annað.

Biðjum fyrir Ástu Lovísu og fjölskyldu hennar.

Ásta er í einu orði frábær manneskja.

Athugasemdir

[Þórður Ingi Bjarnason, 11.5.2007 kl. 08:57]

Nú verðum við að hugsa hlýtt til Ástu.  Fjölskylda Ástu hefur mátt þola mikið í gegnum árinn þar sem mikil veikindi hafa átt sér stað.  Frænka mín var í þessari fjölskyldu en lést ung aðeins 19 ára  úr sýnum sjúkdóm.  Biðjum fyrir Ástu og gefum henni þann stirk sem hún þarf.

[Jói Dagur (IP-tala skráð) 11.5.2007 kl. 10:17]

Ég er ekki alveg með það á hreinu hver Ásta Lovísa er en ef að hún tengist þér, þá á hún góðar bænir hjá mér mín kæra Heiða.

[Jenný Anna Baldursdóttir, 11.5.2007 kl. 12:02]

Ég veit ekki hver Ásta er en hún er heppin að hafa þig sem vin elsku Heiða mín!  Hugsa fallega til hennar.

[Ólafur fannberg, 11.5.2007 kl. 12:10]

[Axel Jón Fjeldsted (IP-tala skráð) 11.5.2007 kl. 13:01]

Sæl Heiða. Ég er dapur yfir þessum tíðindum og ég veit að allt fólk biður fyrir Ástu Lovísu og sendi henni, börnum og fjölskyldu styrk og baráttukveðjur. Takk fyrir að minna mig á baráttu hennar við þennan hræðilega sjúkdóm. Hérna er bloggsíða Ástu Lovísu. http://www.123.is/crazyfroggy/ 

[Georg Eiður Arnarson, 11.5.2007 kl. 16:26]

[Ester Júlía, 11.5.2007 kl. 20:27]

Ég er ein af þeim sem hef fylgst með baráttu þessara yndislegu stelpu við krabbann.  Það var skelfilega sorglegt að heyra nýjustu fréttir af henni.  Maður átti eitthvernveginn von á að allt myndi lagast ef hún kæmist til USA í þessa meðferð.

Verum góð við hvort annað já, lífið er svo stutt.  Og biðjum fyrir Ástu Lovísu og fjölskyldu hennar.

[www.zordis.com, 11.5.2007 kl. 21:13]

Guð og englarnir eru við hvert spor og styðja við sálartetrið!  Guð er með okkur öllum sem einum.  Vona heitt og innilega að líðan geti orðið betri fyrir Ástu og þá sem styðja hana af heilum hug og hjarta!  Erfitt að ýminda sér þjáningu sem á sér stað, hræðilega erfitt! 

Megi bænir okkar mannanna gefa henni ljós og betri stundir! 

[Ásthildur Cesil Þórðardóttir, 11.5.2007 kl. 21:45]

Ég var einmitt að hugsa til hennar í gær og hvernig hún hefði það.  Hún átti að fara til Bandaríkjanna í meðferð.  En ég segi bara, aldrei að gefast upp.  Ég hef séð kraftaverk gerast með fyrirbænum.  Ég ætla að segja þá sögu hér í von um að þú látir hana berast til 'Astu Lovísu.

Það var þannig að ég var mörg ár í bænahring.  Við báðum fyrir ákveðnum manni á sínum tíma, sem er ekki í frásögur færandi, nema að nokkrum dögum eftir að við báðum fyrir honum var hann kominn út á götu.  Ég var mjög hrærð yfir þessu, og skömmu síðar á sjómannadaginn bauð faðir minn mér og fjölskyldunni út að borða.  Hann bauð líka hjúkrunarkonunni sem var yfirhjukrunarkona á skurðstofunni á sjúkrahúsinu.  Við sátum þarna og þar sem ég var aðeins komin í glas, þá sagði ég henni frá þessu.  Annars tölum við aldrei við aðra um fyrirbænir okkar.  Nema þá sagði hnúkrunarkonan, Ásthildur mín ég veit að hann er kominn út á götu, en við sendum hann heim til að deyja, honum var bara lokað aftur, krabbameinið var komið út um allt.

Veistu að þessi ágæti maður lifði við góða heilsu í yfir 15 ár eftir þetta.  Hann var sem sagt sendur heim til að deyja.  En það var nú aldeilis ekki þannig.  Og ég hugsaði svo oft um þetta.  Sérstaklega í þessu samhengi við samtal mitt við hjúkrunarkonuna.  Og ég hugsaði með mér.  Það gerast ennþá kraftaverk.  Það er bara ekki flóknara en það.

[Pálmi Gunnarsson, 11.5.2007 kl. 21:55]

Ekki þekki ég vinkonu þína Heiða en bið stóra anda að umvefja hana krafti sínum og taka frá henni sjúkdóminn.

[Ester Júlía, 11.5.2007 kl. 22:10]

Ég klökknaði við frásögn þína Ásthildur :'( . Stórkostlegt.

[Kristín Katla Árnadóttir, 11.5.2007 kl. 23:40]

Ég missti 4 bestu vinkonur mínar á stuttu milli bili. Ég þekki þetta svo vel, þetta er mjög mikil sorg. Ég bið fyrir Ástu Lovísu.

[Glanni (IP-tala skráð) 12.5.2007 kl. 12:19]

Hlýjar kveðjur.

[Ásdís Sigurðardóttir, 12.5.2007 kl. 13:20]

Ég þekki ekki vinkonu þín en bið fyrir henni með ykkur.

Eigðu góðan dag ljúfan.

[Steingerður Steinarsdóttir, 13.5.2007 kl. 00:31]

Elsku Heiða. Ég reyni að senda ykkur báðum góða strauma. Því miður hef ég hvoruga ykkar hitt en það er minn skaði. Vonandi verður úr þessu bætt. kær kveðja.