Um mig fara sælustraumar

Þá er þessi hátið senn á enda...., hef ekki byggt nein stórvirki, nema ef vera skildi himinháar skýjaborgir í höfðinu. Létt verk það, þar sem ég er forfallinn og óforbetranleg draumóramanneskja.

Finn svona eilítið mikið fyrir botnlausu þakklæti...svona hallæris hamingjubylgju í kroppnum, og

-no girls/guys... I didn't get lucky!

...ætla að gera mitt besta til að láta þessa tilfinningu bara vera kyrra. Nú ef með þarf er ég reiðubúin að borga áskrift! Stoppa í öll göt -þannig að hún leki ekki út.

Annars spjallaði ég heilmikið á msninu við bróður minn í dag....verð svona hálffeiminn þegar ég minnist á hann. Finnst ég jafnvel vera að fara aðeins á bakvið hann að vera að blogga um þetta.....þannig að ég slæ svona bara ofurlaust á takkaborðið ....þannig að hann heyri ekkert.

 ... og viti ekkert.

Búin að sjá myndir af honum, konunni, barninu og móðurfjölskyldu...

Ég er svona að hugsa um að næsta skref verði að banka bara hreinlega uppá hjá honum. Gefa honum mynd af pabba (pabbi lést 1997) og kannski niðurskorið fransbrauð.

Hvað veit maður hvernig svona undanvillingi einsog mér sjálfri dettur í hug næst..., með þessa sælutilfinningu í kroppnum eru mér hreinlega allir vegir færir.

Svo er annað sem gleður mig alveg ósegjanlega mikið (fyrir utan það augljósa;, börnin mín).

Ég fann góða konu hérna á blogginu okkar aftur eftir 26 ár eða meira. Minningarnar um hana ilja mér hjartarætur og fannst mér frábært að komast að því að þessi góða kona batnar bara með árunum. Algjör gullmoli sem hún var mér alltaf og vonandi ber mér gæfu til að eignast fleiri mola í pokann minn.

Jenni Anna Baldursdóttir heitir hún þessi elska. Fékk svo falleg orð frá henni í gærkveldi að ég er ennþá brosandi ....

 

 

 

 

 

Athugasemdir

[www.zordis.com, 9.4.2007 kl. 22:46]

Það er gott að vera til  ...........  offsalega gott og best er að hafa tilfinningarnar í botni!  Gangi þér vel með allt og takk fyrir að vilja vera bvinkona

[Jenný Anna Baldursdóttir, 10.4.2007 kl. 00:35]

Hm.. kona fer hjá sér en er afskaplega glöð yfir fallegum orðum.  Ég sendi þér skeyti í dag vonandi fékkstu það.  Haltu góðu tilfinningunni í sálinni við, það er svo æðislegt.

[Steinunn Helga Sigurðardóttir, 10.4.2007 kl. 07:24]

það er best að vera glaður, og ákveða að vera það áfram. gleði og ljós til þín

steina 

[Guðríður Haraldsdóttir, 10.4.2007 kl. 08:44]

Ummmm, gaman að lesa um svona mikla gleði ... Ég VISSI að Jenný væri æði og fékk staðfestingu á því hérna ... heheheheheh!

Þú hefur ekkert sagt neitt ljótt um bróður þinn, maður bara fann spenninginn hjá þér að kynnast honum ... sakar ekki þótt hann lesi þetta allt saman!

[Ásthildur Cesil Þórðardóttir, 10.4.2007 kl. 12:06]

Gott að eiga svona frábæra tilfinningu inn í sér.  Haltu henni fast, en ekki með því að stoppa í göt, heldur næra hana og hlú að.  Það gefst altaf best.  Ég er alveg búin að komast að því að Jenný er gullmoli sem gott er að eiga að.  Það er gott að kynnast góðu fólki, jafnvel þó það sé í huganum en ekki áþreyfanlega.  Maður kynnist því ef til vill fyrr og nánar og um fram allt á annan hátt í gegnum skrifin.

Gangi þér allt í hagin með að finna fólkið þitt Heiða mín. 

[Inga Ósk (IP-tala skráð) 10.4.2007 kl. 19:50]

Hæ skvís,  frábært að þú hafir náð að spjalla við hann,  þú lætur mig vita díteil hehe svona fyrir einn af bræðrunum  mvh Inga