Ekkert slef!

Usss...fráhvarfseinkennin lýsa sér ekki beint í grænum bólum á rassinum...en eru verulega óþægileg viðkomu, engu að síður.

Verð að sulla einhverju frá mér og athuga hvað skeður. Þið eruð nú annars meira yndispakkið!!!

Elskunar mínar;...takk takk takk fyrir hottinn og alles

Í fyrsta skiptið í minni sögu er ég tímalega í öllu fyrir jól. Núna dingla ég mér bara á meðal ykkar þar sem þið eruð að tapa vitinu í brjálæðinu. Öskrandi á krakkana ykkar með hótanir um heilu kartöflugarðana í skóinn....afundinn og útúrsnúinn kærustupör á stangli...og ég ekki á meðal þeirra.  Nei ég er þarna stök; ef þið kíkjið vandlega sjáið þig glitta í dökkan koll.... Fólk orðið bogið og úturtaugað af krepputali og hjali...og ég geng "keik" þar á meðal og syng af hjartans innlifun; Gleði gleði gleði...gleði líf mitt er osfrv.....

Jólatréið hefur staðið stolt í stofunni, lengi vel. Svei mér þá, ef það er ekki farið að halla undir flatt...svo lengi hefur það staðið og það í fullum skrúða. Pakkarnir lufsast þarna undir trénu...mig langar mest að rífa þá alla upp...pakka og skreyta þá á ný.  Kötturinn lifir og deyr á víxl...svona eftir því hvernig stemmarinn er hjá dömunni... Jólakort öll þau sem send verða; farin í annarra manna og kerlinga hendur. Vona að þið séuð búin að þvo ykkur undir höndunum fyrir móttöku. Allt undir control hjá minni sko....

...aldrei aldrei myndi ég láta einn bróður minn losa mig við köttinn. Nú þarf ég að stokka vel upp í bræðrahópnum, þannig að þið fattið ekki um hvern ég er að ræða. Ekki langar mig að  fá morðhótanir eða einhvern viðbjóð yfir mig...einsog ég (nánast) gerði á viðbjóðslegu meili frá fíbli...og það útaf einhverri vitleysis-færslunni. Það er nú víst lítil hætta á því, þar sem systkinahópurinn er nokkuð vel samsettur hvað húmor varðar. Sumflest eru léttgeggjuð einsog gengur, rétt einsog ég sjálf. Það er uberduber að vera svolítið nett klikk. Það eru einfaldlega forréttindi, til að komast lifandi frá þessu helvíti!

Og skvetta nógu mikið af brosum á "bil-iríð" sem meðlæti...það er betra og auðveldara. Mikilvægt er að splæsa vel af tönnum og gómum í brosin. Gildir einu hvort þú ert tannlaus eðurei... Má sleppa tungu því það er ull... Tunguna notar maður bara spari....og þá í ástríðufulla kossa og/eða til að ulla framan í fólk, ef sá gállinn er á manni. Alls ekkert slef!!! Allvega hafa það í algjöru lágmarki. Nettur vibbi að vera útataður í annarra mannara sleferý-i.

Aftur að umræddum bróður. Honum var falið það ábyrgðamikla hlutverk drepa kött. Kötturinn hét Bubbi og var reyndar eign hans sjálfs. Eitthvað forskolaðist þetta, því Bubbi bjó hjá einum fósturpabbanum sem ekki bjó með drottningunni sem er mamma, ásamt öðrum bróður...sem þó fóstrinn átti....ég veit ég veit...flókið...spurning hvort ég þurfi nokkuð að stokka aftur...

Bróðurinn fer með köttinn...eftir einhvern trega, vangaveltur og umhugsun.  Allmörgum tárum var splæst í kveðjuathöfnina.  Þrír dagar liðu. Svo hringi fóstrinn í bróðurinn og segir;

-jæja vinur...hvað segirðu þá? kötturinn bara dauður og allt í góðu?....

-heyrðu já já...allt frágengið...sagði "the-brother" ákveðinn og frekar dökkur í málrómnum. Enda; Esjan, Heklan og það allt saman...þeas.; traustasta fjallið i famelíunni....

- einkennilegur andskoti að kvikindið skuli þá vera malandi hérna í fanginu á mér!!!! Hann er kannski genginn aftur?ha? ha?

-roðn - roðn og aftur roðn....smá hóst.

Þessi svaðalegi foli og hönk-ari... sem bróðir minn er,  hafði ekki haft brjóst í sér til að láta lóga kettinum. Nei hann fór með dýrið að frystihúsi (það sem hann gæti fengið nóg að borða) og skildi hann þar eftir, þar sem hann hefði étið sig til ólífs!  Bubbi lét sig ekki muna um að lalla þetta 25 km...heim aftur. Samt orðin 14-15 ára gamall skröggur með kryppu og kengi. Eftir þetta lifði Bubbi happy ever after...eða allt þar til hann hvarf með frekar dularfullum hætti...

...nýverið var rannsókn hætt. Málið telst óupplýst...

Ást, knús og kærleikur....og og og....einn stakur koss; gríptu!

Athugasemdir

[Sporðdrekinn, 18.12.2008 kl. 04:56]

*Gríp koss og skelli á kinn* Takk

Mikið ofboðslega hlýtur þér að líða vel búin að öllu dótinu fyrir jólin, ég tek ofan fyrir þér.

*Blæs kossi til þín*

[Marinó Már Marinósson, 18.12.2008 kl. 08:33]

Yndisleg saga.      Ég er nú alinn upp við það að jólatréð var aldrei skreytt fyrr en á aðfangadagsmorgun eða kvöldið áður en svona er þetta.   

Er 100% viss um að þú munir eiga þín bestu jól til þessa.    

[Lísa Björk Ingólfsdóttir, 18.12.2008 kl. 09:46]

Kúl köttur og skemmtileg saga.  Hef ekki hugmynd um hvaða bróðir þetta er þannig að - vel stokkað he he.  Hafðu það gott í jólakortinu - mitt er í vinnslu.......

[Heiða Þórðar, 18.12.2008 kl. 11:35]

og fleiri kærleiksríkir kossar....grípa grípa grípa

[Helga Magnúsdóttir, 18.12.2008 kl. 15:21]

Gríp hér kossa á lofti og sendi til baka. Ekki veit ég um hvaða bróður þú ert að tala en mikið skil ég hjann.

[Linda Lea Bogadóttir, 18.12.2008 kl. 15:58]

Sem sagt ekki farin í jólafrí frá blogginu... Gott því ég var farin að sakna þín :-)

Knús á þig

[Heiða Þórðar, 18.12.2008 kl. 17:31]

hehe einu sinni byrjað...getur ekki hætt!

[Þórarinn Þ Gíslason (IP-tala skráð) 18.12.2008 kl. 20:06]

HA! Heiða.

Þetta hefur verið 7 lífa köttur

[Ómar Ingi, 18.12.2008 kl. 20:47]

Jólin eru voða skemmtileg fyrir börn og svo fer þetta bara útí vitleysu hjá ansi mörgum löndum okkar.

Vertu áfram stillt vinkona

[Aprílrós, 18.12.2008 kl. 21:18]

Gott að vera búin að öllu svona fyrir jólin, ég á eftir að taka smá til í eldhúsinu og stofuborðinu. búin að skreyta jólatreð 2x og á eftir að skreyta það einu sinni enn, 3ja ljósasérían sett á, skipta um sko þangað til ég verð ánægð.

[Heiða Þórðar, 18.12.2008 kl. 22:30]

Dugleg stelpa og ég lofa að vera áfram góð

[Solla Guðjóns, 18.12.2008 kl. 23:00]

Greip'ann.Gríptu aftur

[Gísli Torfi, 19.12.2008 kl. 04:18]

Takk fyrir sendinguna kv ég og Keli.

þú talaðir um að þú væri eitt stak " stök"  Hressilegasta setning stærðfræðinar er svohljóðandi " Stak getur aldrei verið mengi í sjálfum sér"

Gott að vera ekki að flækja þetta og festast í eh neti í sjálfum sér " stay stök Heiða " thats the Key

[egvania, 19.12.2008 kl. 04:27]

Heiða mín haltu áfram að era svona frábær.

Kærleis kveðja Ásgerður

[Heiða Þórðar, 19.12.2008 kl. 06:22]

Þið áttuð ekki að opna fyrr en á uhhhh....aðfangadag

Yndislegt fólk

Grípa grípa og njóta...allt flæðandi í kossum hérna