Djöfulsins vanþakklæti!

14.9.2008 | 19:22

Hvað er yndislegra en að vakna með eina löpp númer 24 í munninum? Lengst ofan í koki. Ekki neitt. Eða jú kannski eitt.

Það er einmitt þegar sparkað er fast í andlitið á manni, með sama fæti þegar maður sefur fast á sínu grænasta. Ég er að komast í fílingin. Búin að sækja jólatréð neðan úr kompu. Búin að skreyta. Í huganum. Þrífa og baka. Allt húsið ilmar. Í huganum.

Útkýld og spörkuð um allan líkamann eftir óhemjuskap dótturinnar nóttina áður, vansvefta, bólgin, þrútin og úttauguð, gat ég ekki annað en baðað út öllum mínum öngum og lofað þennan dýrðarsunnudag sem beið mín. Lífið er dásamlegt!

Oboyoboy! Jólin eru að koma...haustið er komið og ég elska haustin mest af öllum árstíðum.

Það er af sem áður var þegar maður varð beinlínis fúll á móti þegar nýbúið var að berja mann í klessu. Með péturspor á vitlausum stað, eða í andlitinu og filusvip ofan á sporin, setti ég upp svip fórnarlambsins og grenjaði einsog klukka! Með vatnsheldan maskara...

Djöfuls vanþakklæti!

Njótið með mér komandi viku Heart og reynið að vera svolítið þakklát fyrir hvað lífið hefur upp á að bjóða.... Wink

Flokkur: Bloggar | Breytt s.d. kl. 19:24 | Facebook

Athugasemdir

Það er september ekki fékkin Desember

Ómar Ingi, 14.9.2008 kl. 19:24

Það er ótrúlegt hvernig börn breytast í hringekjur með ótal arma þegar þau sofa upp í hjá manni.

Helga Magnúsdóttir, 14.9.2008 kl. 19:25

Ekki jól, please ekki strax alla vega á svo svakalega mikið eftir að gera fyrir þann tíma. Njóttu komandi viku í botn.

Ía Jóhannsdóttir, 14.9.2008 kl. 20:38

Njótum og nýtum

Solla Guðjóns, 14.9.2008 kl. 20:49

Já er sammála þér með haustin, uppáhalds árstíðin mín.....og já maður á auðvitað að reyna að njóta þessarra litlu krýla.....og vera þakklátur fyrir hverskyns spark

Annars ertu penni að mínu skapi...myndi lesa bók eftir þig, væri alveg sama um hvað hún væri.....bara lesa hana....tvisvar

Helga Nanna Guðmundsdóttir, 14.9.2008 kl. 22:07

gleði er einhvað sem maður gleðst með,að vera glaður eru forréttindi sem maður ætti að skapa sér alltaf ,að fara að sofa glaður og vakna glaður er það sem þú skapar þér,að lesa bloggið þitt gleður.

Gleðilega vinnuviku penni

Munið að þakka fyrir ykkur.

Takk

Þ Þorsteinsson, 14.9.2008 kl. 23:50

Ég elska jólin jafn mikid og ég hata haustin.

Hulla Dan, 15.9.2008 kl. 01:18

Ég er bullandi þakklát fyrir skrifin þín, takk og eigðu dásamlega viku.

Eva Benjamínsdóttir, 15.9.2008 kl. 01:31

Jól!! Ég skal gera mitt besta til að njóta vikunnar, en það er enginn jóla fiðringur komin í mína

Sporðdrekinn, 15.9.2008 kl. 02:18

Takk Heiða ég þurfti einmitt á þessu að halda, er búin að vera í einhverju vanþakklætiskasti í allan dag. Vantar kannski einhvern til að sparka í mig, vissi að ég gæti stólað á þig, ef ekki þú hver þá!

Ofurskutlukveðja

Guðbjörg Erlingsdóttir (IP-tala skráð) 15.9.2008 kl. 18:50

Aðeins of fljót á þér með jólin samt, ha er það ekki.........

Guðbjörg Erlingsdóttir (IP-tala skráð) 15.9.2008 kl. 18:51

14 vikur og 1 dagur til jóla. ;) Ég ekki einu sinni byrjuð með neitt og á eftir að mála baðherbergið líka ;)

Aprílrós, 15.9.2008 kl. 20:24

Er ekki alltílagi meðig bara ,,,engin jól næstum strax og helst að sleppa þeim í ár. Það er keppa! Haustið er dásemd og eigðu góða viku skemmtilega kona.