Ég er í enn einni ástarsorginni...

Þetta var afar átakanleg stund. Fyrir okkur bæði, mig og hann. Aldrei hefði ég getað trúað að ég myndi bindast einhverjum svo sterkum tilfinningaböndum á svo skömmum tíma. Hafði kynnt hann fyrir vinkonu minni, sem sagði;

-Heiða, negldu hann. Þið eruð æðisleg saman!

-nei, ertu brjáluð manneskja...þú veist hann er lofaður!

-hva...því má nú breyta..., hún ítrekaði hvað við værum flott saman.

Svo sat ég í hlýjunni og dró að mér andan djúpt í gegnum nefið, til að finna af honum ilminn, í hinsta sinn. Hann grét. Ég grét.

-Ekki fara Heiða....mér finnst svo gott að hafa þig í fanginu....

-ég verð að skilja við hérna...þú tilheyrir mér ekki... ég mun aldrei aldrei gleyma stundunum okkar saman...hvíslaði ég og strauk honum blíðlega allstaðar og útum allt.  

Þegar ég stóð á veröndinni skjálfandi af kulda og horfði á eftir honum keyra útí buskann...tók minn gamli ótrausti, mígleki, andfúli, ljóti og "dintótti" drulluskítugi og kaldi Saxi við mér.

Sá var fúll!

Ég settist inn og hugsaði um viðhaldið og skammaðist mín ekki neitt niður í rassgat fyrir að hafa verið ótrú. Ekki rassgat. Ég settist inn og í kjölfarið rennblotnaði ég á rassinum...

-Druslan þín, hvíslaði kvikindið út í kvöldið.

-Þegiðu fíflið þitt...komdu mér heim....og ekkert óþarfa stopp á leiðinni félagi, ekkert leigubílaútkall sem rífur þúsundkallana úr veskinu mínu! 

þegar ég gerði mér grein fyrir því, að aftur hafði ég endurheimt fulla og algjörlega verðskuldaða alla athygli samferðarmanna, á þessari hálftímaleið minni heim....

...leið mér aðeins betur.

Góða nótt elskurnar mínar allar -dreymi ykkur fallega bíla í nótt.

Shit...hvað mig langar í flottan bíl!

Athugasemdir

[Ásdís Sigurðardóttir, 25.3.2008 kl. 23:52]

Þú ert prakkari af guðs náð. Það er ég viss um. Ég á flotta rennireið og er mega sátt við bílstjórann líka.  Ekki slæmt það.  Farðu vel með þig dúllið mitt.

[Jenný Anna Baldursdóttir, 25.3.2008 kl. 23:55]

[Sigrún Friðriksdóttir, 25.3.2008 kl. 23:55]

Gott að viðhaldið var þess virði ormurinn minn

[Heiða Þórðar, 25.3.2008 kl. 23:56]

love you guys góðar kveðjur inn í nóttina

[Steingrímur Helgason, 25.3.2008 kl. 23:57]

Eymíngja Saxar þessa lands...

[Einar Bragi Bragason., 26.3.2008 kl. 00:42]

sko ef þú færð þér nýjan þá heitir hann líka saxi

kveðja

saxi

ps þú ert lang flottust

[Sigrún Friðriksdóttir, 26.3.2008 kl. 00:51]

Geturðu ekki skaffað henni keyranlegu farartæki Einar, þá hlýtur þú að ráða nafninu

[Axel Jón Fjeldsted (IP-tala skráð) 26.3.2008 kl. 01:02]

Fliss

[Ásthildur Cesil Þórðardóttir, 26.3.2008 kl. 01:19]

Sammála Ásdísi og Sigrúnu líka, þú ert bæði prakkari og ormur addna stelpuskott

[Þórarinn Þ Gíslason (IP-tala skráð) 26.3.2008 kl. 02:10]

Viðverukvitt.

[Solla Guðjóns, 26.3.2008 kl. 08:26]

HeHH.....ormur þú ert algjörg gormur

[Linda Lea Bogadóttir, 26.3.2008 kl. 08:42]

haha - þú er frábær.
Bjóddu mér í bíltúr á bæjarins bestu. ÉG BORGA.

[Hrönn Sigurðardóttir, 26.3.2008 kl. 09:21]

Stundum þarf bara að halda framhjá....

[Anna Guðný , 26.3.2008 kl. 09:35]

Þú ert yndisleg. Var eitthvað hálfsyfjuð áðan og þurfti einmitt svona lesningu til að vakna.

[Kristín Katla Árnadóttir, 26.3.2008 kl. 09:44]

Þú ert frábær Heiða mín

[Vertu með á nótunum, 26.3.2008 kl. 10:13]

vá.... og hvað svo....?? er ekki framhald?

[Halldór Egill Guðnason, 26.3.2008 kl. 11:40]

[Kjartan Pétur Sigurðsson, 26.3.2008 kl. 11:52]

:|

[Marta B Helgadóttir, 26.3.2008 kl. 12:39]

[Steinunn Helga Sigurðardóttir, 26.3.2008 kl. 13:43]

blessi þig

steina 

[Steingerður Steinarsdóttir, 26.3.2008 kl. 16:19]

 Alltaf frábær.

[www.zordis.com, 26.3.2008 kl. 17:05]

Blaut á bossanum ... knús á þig sæta dúlla!  Stundum verða sumir hlutir til góðs þótt þeir virki ekkert góðir   En hvað veit ég svossum ef mig skyldi kalla ....

[Gísli Hjálmar , 26.3.2008 kl. 17:38]

Hugmyndaflug þitt er svona einsog Hafrannsóknarstofnun ...

... það er aldrei að vita hvað þessi ágæta stofnun mun segja um fiskistofnana, en það virðist samt alltaf koma mönnum jafnmikið á óvart.

Þú ert samt skemmtilegri. 

[Gunnar Helgi Eysteinsson, 26.3.2008 kl. 18:20]

[Óskar Arnórsson, 27.3.2008 kl. 08:45]

ég er með einn flottan bíl sem ég er til búin að gefa með áhvílandi láni. Afborganir eru 28.000 á mánuði. Úborguninn er það sem fæst hefins. Mí fjármál eru þannig að ég hef ekki efni á honum lengur. Þetta er bíl í s.k fjármögnun og mjög góð kaup, sérstaklega fyrir .á sem eiga fyrirtæki og geta keypt hann á nafn fyrirtækissins. Í toppstandi og fallegur og þgilegur að aka í...þá sleppur þú við leigubilanna... ég hef aldrei auglýst hann. svo ef þú vilt..þá er hann þess virði að skoða hann...