Tölvunotkun eykur hrukkumyndun

Jæja, stelpur (voðalega er maður eitthvað italic og bold á því núna....) og strákar, konur og karlar, piparjunkur og piparkarlar.

Er komin með svarið við þessu.

Svona hefur maður gott af því að fara á bókasafnið...  hvurslags!

Svarið er að finna á bókasafninu á háum hælum í bleiku bikinýi.

Jebb,  fann það nefnilega út í gær,  þegar ég labbaði framhjá sundlauginni,  að hégómagirni kvenna er um alla kynjamismunun að kenna. (Góð!....rímar og allt saman.)

Útskýrir það nefnilega, alveg rúmlega vel t.d. að miklu fleiri karlbloggarar eru til... held ég, en konur. (engar staðfestar tölur frá Raunvísindadeild Háskólans.. bara svona stutt guess frá mér komið)

Tölvunotkun eykur hrukkumyndun! Og ég er að segja ykkur þetta konur, því mér þykir svo undurvænt um ykkur. Ofurbloggari - hrukkudýr!

Það væri nú gaman að smala saman í eitt lítið og feitt grill einn sumardaginn og sjá það með berum, hver okkar er duglegust að blogga... og hver er mesta hégómadollan í dós.

Svo er hitt, að streita hefur áhrif á hrukkumyndun. Það útskýrir vel einmitt að konur, kerlingar, stelpuskjátur veigra sér við að taka að sér ábyrgðarstöður!

Engum um að kenna nema okkur sjálfum.

Bíddu, bíddu.... fæddust þeir (karlarnir) kannski á valtara um leið og eystun duttu niður? Bara spyr út í loftið. Einsog rófulaus hæna....

Klárleg hrukkumyndun sem streita veldur, og jafnast hún á við tíu pakka af sígarettum á dag! Og eina íslenska brennivín.

Og rúmlega það.

Neibb.... þá er nú sökinni skárra að dúllast heima í handavinnunni og drekka 10. ltr. af vatni... með kornamaska á andlitinu... hreyfa ekki á sér rassgatið, hvað þá hausinn af eintómri hræðslu við að slíta út liðina. Og kannski valda því að heilafrumurnar allar sem ein leggist í bælið, eða lendi í hjólastól!

Ef þið heyrið ekki frá mér aftur... þá vitið þig ástæðuna.

Einhver kæfði mig í nótt

Athugasemdir

[Eva Þorsteinsdóttir, 13.6.2007 kl. 22:28]

Ég er slétt eins og nýfæddur barnsrass...... en endilega hóaðu í mig þegar þú býður í grill

[Brattur, 13.6.2007 kl. 22:30]

Heyrðu... af hverju ertu ekki með grímu við tölvuna eins og ég... það er nú þess vegna sem ég lít svona vel út

[Heiða Þórðar, 13.6.2007 kl. 22:38]

hehe, já Eva ekki spurning! og gríman er komin á (Bush.... svona plast...)

[Kristófer Jónsson, 13.6.2007 kl. 23:04]

tær snilld

[Solla Guðjóns, 13.6.2007 kl. 23:14]

[Jenný Anna Baldursdóttir, 13.6.2007 kl. 23:39]

Er ofurbloggari en mjúk eins og silki til húðarinnar.  Fíbbl

[Saumakonan, 13.6.2007 kl. 23:41]

ööö er ekki nóg að dúllast í handavinnunni??? þarf ég að troða einhverju ógeðslegu drullumalli í feisið líka?????    Engar hrukkur hér..... bara fellingar!

[Anna Einarsdóttir, 13.6.2007 kl. 23:49]

Hégómadollan í dós ?  Pant´ekki ég.

[Arnfinnur Bragason, 14.6.2007 kl. 00:15]

Bara að láta þig vita að ég grilla á hverju kvöldi, slétt og felltOg allir bloggvinir eru velkomnir

[Heiða Þórðar, 14.6.2007 kl. 00:34]

Jennslan mín fíbl (með einu enni elskan....)

Saumakona; nei darling, ekki nóg, troddu nú drullunni í andlitið kona....ekki seinna en strax!

Anna Einars; blessuð vertu, við erum það allar sem ein dósir uppfullar af hégóma!

Arnfinnur; sendi þér sms-listann ... kveiktu á grillinu og ég kem með beljuna og kjúklingalappirnar mögru.

[Axel Jón Fjeldsted (IP-tala skráð) 14.6.2007 kl. 00:47]

Þetta með grillið vakti djúpar langanir í lambakjöt. Segi það einlæglega.

[Arnfinnur Bragason, 14.6.2007 kl. 01:04]

Axel hafðu með þér lambakjötið, grillið er heitt  og stelpur nóg af hégóma í niðursuðudósum ef þið viljið............

[Heiða Þórðar, 14.6.2007 kl. 07:55]

Axel; nóg af einlægu hrukkóttu lambakjöti og hégóma í niðursuðudósum í toppstöðu, frá Ora...set þig á listann.

[Kristín Katla Árnadóttir, 14.6.2007 kl. 09:44]

Þú ert snillingur.

[Erla Ósk Arnardóttir Lilliendahl, 14.6.2007 kl. 10:07]

Hvenær er grillið Heiða??

[Georg Eiður Arnarson, 14.6.2007 kl. 10:50]

 hún Begga.

[Ásthildur Cesil Þórðardóttir, 14.6.2007 kl. 17:37]

Ég get eiginlega ekki alveg tekið undir þetta svei mér þá.  Því mínar hrukkur eru í algjöru lágmarki miðað við aldur, og þó var ég mjög lengi með laaaaaaaaaaaangflest innlegginn á Málefnunum.  Alveg þangað til ég tók að mér stjórnunina, og þurfti því að fara að gæta að mér hehehe.. Og ég hangi hér líka alveg töluvert... Nema að þetta komi fram svona tíu árum seinna.... er svo er, þá be it hehehe.....

[Kristófer Jónsson, 14.6.2007 kl. 17:47]

ég er með nokkrar mest þó broshrukkur

[Inga Ósk (IP-tala skráð) 14.6.2007 kl. 20:26]

Og ég sem hélt að ég væri komin með svona miklar hrukkur af sólinni í danaveldi, og er að hvíla mig á henni, en nú er það bara hvíld frá tölvunni og verð áskrifandi af morgunblaðinu og hætti að lesa mbl.is  hehe

MVH  Inga

[Ásdís Sigurðardóttir, 15.6.2007 kl. 17:52]

Fífl (ekki b)  góð færsla gullið mitt. Miða við upplýsingar hjá þér þá ætti ég að líta út eins og camel kallinn, stress og blogg. Held að það sé vatnsþvottur og meikleysi sem bjargar mér, en kannski er bara svona hrikalega (lesist á norðlenskan hátt) gott í mér.

[Jói Dagur (IP-tala skráð) 15.6.2007 kl. 18:17]

Svo sit ég hérna, þræl krumpaður, með Sprite Zero og langar í grill. 

Hvar er réttlætið???

[Hallgrímur Óli Helgason, 15.6.2007 kl. 21:31]

                       Hvað ætli hún sé að meina,                       er streita okkur hjá,                       en hrukku hef ég eina,

                       ég sit henni á.

   

[Steingrímur Helgason, 15.6.2007 kl. 22:44]

Mér fannst dagur allrar almennar hrukkuumræðu kvenna vera að kvöldi komin þegar hún Þuríður Sigurðardóttir saqði í þráðbeinni sjónvarpsútsendíngu í þættinum 'Á tali með Hemma Gunn' seint á síðustu öld;

"Veistu Hemmi, ég er með eina hrukku & ég sit á henni...."

[Lýður Árnason, 16.6.2007 kl. 04:52]

Ætlaði að pára aðeins um hégómagirndina en hrukkuumræðan tekur af mér ómakið.  

[Steingerður Steinarsdóttir, 17.6.2007 kl. 19:01]

Hrukkudýr allra landa sameinist.