Bíllinn er týndur

Þá er það opinbert hér með; konan/stelpan/kerlingin er vitleysingur! 

Ég semsagt! Fíbl!

En víst er ég með tvö augu, tvo vanga, nánast ósködduð....þokkalega tennt, bara svona að árétta það,  þar sem ég hef verið beðin um aðra mynd! Margoft. Og ég hef ákveðið að svipta af mér hulunni, nú fáið þið að sjá mig ógrímuklædda, nánast á beinagrindinni.

Sum ykkar hafið misskilið mig hrapalega! Ég hef gjörsamlega leikið hér lausum hala undir fölsku flaggi..., svona rétt einsog Hrólfur blessaður.

Er ekkert fyrir gamla, feita, graða hvað þá gifta karla. Er samt með flottar tær. Hef þokkalegar hægðir og kaus ekki Sjálfstæðisflokkinn. Finnst Davíð samt flottur.

Finnst gaman að prjóna en hundleiðinlegt að vaska upp. Kann alveg að elda en er miður góður kokkur. Er blessunarlega laus við spottalausa lykkju og treysti á Guð, pilluna og gæfuna.

Amma sagði mér að andinn hefði heimsótt lærisveinana í gær....og þeir talað tungum. ákvað að skella mér í Elliðarárdalinn, skilja vasadiskóið eftir heima og grípa andann. En nei, nei, vinkonan mín ráðlagði mér alfarið frá því. Elliðarárdalurinn væri stórhættulegur, sérstaklega ef kona væri ein á ferð. Einhver nauðgari væri þar á ferli.

Ekki gott að lifa í ótta en...

Því rembist ég hér og bíð eftir að andinn heimsæki mig heim.

Hann villtist hér annars inn um daginn með uppvöskunarvél í gatið.

Undir hendinni.

Ég segi það satt. Daginn eftir kom hann aftur stoppaði stutt við, en rétti mér forlátan farsíma í nýja bílinn.

Ég er sem sé með ótengda uppvöskunarvél og flottan farsíma, en hvar er bíllinn?

Bíllinn er týndur og andinn líka.

Sannast hér, rétt aftur og aldrei aftur, að ég er fíbl.

Er að hugsa um að skella mér í Elliðarárdalinn og vona að andinn grípi/taki mig.

Á sumardekkjum.

 

 

 

 

Athugasemdir

[Georg Eiður Arnarson, 28.5.2007 kl. 18:28]

Mér fannst hin myndin miklu flottari, . Vissi að þú hefðir ekki kosið íhaldið, með kv frá feitum gömlum .......................................................kall.

[Saumakonan, 28.5.2007 kl. 18:30]

ROFL!!!   Eins fallegt að ég var ekki með kaffi núna því þá hefði það frussast yfir lyklaborð bóndans (hann á ekki vatnshelt eins og mitt!)   

Heiða mín... þú ert alger SNILLINGUR!!! Takk fyrir að gera mér glaðan dag!

[www.zordis.com, 28.5.2007 kl. 18:53]

Mér þykir ganga um Elliðarárdalin stórkostleg hugmynd ... lifa lífinu hættulega

[Heiða Þórðar, 28.5.2007 kl. 19:41]

asskk.... svona fór þá fyrir mér þegar ég ákvað að sýna mitt rétta andlit!

[Ásdís Sigurðardóttir, 28.5.2007 kl. 19:43]

Ég sé að þú ert í fegurðardrottningardressinu  gellan, bara fyndin pistill

[Heiða Þórðar, 28.5.2007 kl. 19:58]

nei, nei elskan mín góða Ásdís mín....toppa-lufsa sem ég nota þegar ég skúra

[Kristjana Engliráð Sigurðardóttir (IP-tala skráð) 28.5.2007 kl. 21:23]

takk fyrir kvittið!

[Kristín Katla Árnadóttir, 28.5.2007 kl. 22:11]

Þú ert hugrökk skvísa, þú hugsar stundum eins og ég. Þú ert FRÁBÆR!

[Brattur, 28.5.2007 kl. 23:11]

Ég hélt alltaf að Heiða og Bergþóra væru 2 konur, það er svo mikið að gerast á þessari síðu, en svo er þetta bara 1 kona sem hefur þar að auki leikið lausum hala. Úppss nú þarf ég að fá mér mjólkurkex

[Brattur, 28.5.2007 kl. 23:14]

P.S. Heiða Bergþóra, hvernig finnst þér annars myndin af mér hmm; man reyndar ekki hvort ég var nývaknaður á þessari mynd eða nýkominn úr sundi. Hvað sýnist þér?

[Heiða Þórðar, 28.5.2007 kl. 23:18]

Þú er með mikla útgeislun á þessari mynd Brattur

[Brattur, 28.5.2007 kl. 23:23]

Takk, ég myndast venjulega ekki svona vel... þetta var einstök heppni að svona vel skyldi takast með þessa mynd

[Hallgrímur Óli Helgason, 29.5.2007 kl. 00:38]

flott mynd, kveðja Halli

[Axel Jón Fjeldsted (IP-tala skráð) 29.5.2007 kl. 00:59]

Heiða glitrar

[Jenný Anna Baldursdóttir, 29.5.2007 kl. 01:37]

Takk fyrir færslu er svo þreytt að mér dettur ekkert sniðugt í hug.  Alltaf góð kerla mín.

[Kristján Eldjárn Þorgeirsson, 29.5.2007 kl. 10:17]

Hæ Heiða!  Alltaf skemmtilegt að lesa skrif þín.  Þetta er mjög flott mynd af þér!

Kveðja!

Kristján Eldjárn

[Solla Guðjóns, 29.5.2007 kl. 10:45]

Þú ert ekki bara fallleg þú ert stórskemmtileg

[Ólafur fannberg, 29.5.2007 kl. 10:52]

myndin af þér er barasta fín og þetta með trukkinn meina bilinn er bara snilld.......

[Sigurður Andri Sigurðsson, 29.5.2007 kl. 17:37]

Vasadiskó eru þau enþá til var þeim ekki kastað með skífusímunum?

[Ásthildur Cesil Þórðardóttir, 29.5.2007 kl. 21:10]

Hafðu með þér meis, svipu og göngustaf í Ellíðaárdalinn, þá geturðu a.m.k. barið frá þér ef nauðgarinn skyldi nú koma.  Gættu þín bara að slá ekki saklausa hlaupara.

[Guðríður Haraldsdóttir, 29.5.2007 kl. 21:26]

Hahhaha, góð! og sæt!

[Hlynur Jón Michelsen, 30.5.2007 kl. 02:13]

Ég og mín frú löbbuðum dalinn endilangan fram og til baka. Urðum ekki var við Nonna nauðgara. Heppinn hann. Geng alltaf um þungvopnaður eftir kl:19.00.00. Auðvitað sást ekki til þín þetta kvöld. Óheppinn ég. 

[Hlynur Jón Michelsen, 30.5.2007 kl. 02:27]

Annars hefði verið sjón að sjá þig í glitkjólnum svífa á milli trjánna í dalnum í ljósaskiptunum þetta kvöld. Maður hefði þá þurft að taka allar álfasögurnar til gagngerðar endurskoðunar frá byrjun. Annars síndist mér vera fullt tungl þá. Það gæti verið ástæðan fyrir því að gungan hann Nonni lét ekki sjá sig þetta kvöld.

[Guðsteinn Haukur Barkarson, 30.5.2007 kl. 18:12]

Þú ert afbragðs penni Heiða og hrós skilið fyrir eiga þann hæfileika að segja skemmtilega frá. Það er alltaf gaman að koma inná bloggið þitt, lesturinn leiðir alltaf til óstjórnlegra hláturkrampa. Takk fyrir kvittið á síðuna mína.