Ósvífni dagsins; Sigurður G. Guðjónsson hefur ekki séð á mér brjóstin!

Maður hefur svo sem verið í þeirri aðstæðu að þurfa að slá sér lán í banka. Ég man þá tíð þegar ég sat pungsveitt (hefði ég verið með einn áfastann) fyrir framan útbústjóra,  á, í  og undir höndum og öllu hári. Óskapnaðurinn ég, var útlits og innvortis einsog verið væri að fara að hengja mig löturhægt upp í hæsta tind á sjálfum sautjánda júní, þegar ég stamaði einhverri þvælunni útúr mér og það afsakandi... Hjartað mitt hamaðist upp til enda heilahvelsins þar sem það staldraði við stundarkorn áður en það féll niður í litlu tána og rotaðist um stund. Á svona stundum var aðlaðandi tilhugsun að láta rífa  úr sér tvo endajaxla og alla botn-langana samtímis, ódeyfð, standandi á haus.  Bankastjórinn sat iðulega bumb-óttur svo mjög að það er mér til stórefins að hann hafi séð votta fyrir tippi, hefði honum nokkru sinni verið litið neðar, en niður á mig. Stundum fékk ég nei...stundum já. Svo fattaði ég þetta með að hver svo sem sæti andspænis mér, bankastjóri eða einhver annar; hann/hún eða það...var og er hvorki betri eða verri en ég. Taugin róaðist það mikið á minni að engu líkara var en að svitakirtlar og allar óstýrilátar taugar hefðu flogið rakleiðis veg veraldar. Reyndar aðeins lengra en það.  Athafnir einsog að taka lán, að skuldbreyta, slá sér víxil –framlengja, breyta og bæta  við á alla kanta reyndist svo mikill tittlingaskítur að ég held ég hafi ofmetnast. Ég nefnilega gekkst í ábyrgð fyrir bestu vinkonu mína. Til gamans má geta þess að skuldin féll á mig og svo harkalega að þegar ég fer í bankann minn í dag er nánast einsog búið sé að slíta síðustu stafina aftan að kennitölunni minni. Það er allt stopp. Augtillitið er langt í frá ástúðlegt. Áður fenginn kraftur; þ.e. að taka ekki afsvari hljóðalaust, heldur suða einsog óþekkur krakki þar til ég fékk mínu framgengt, einfaldlega hvarf þarna einhversstaðar á leiðinni.  Eftir að hafa gengið manna á milli í leit lausna úr vandræðunum með mínum frábæru röksemdarfærslum um úrlausn mála,  gafst ég upp. Þegar ég lít til baka, sé ég að samræður mínar og fundir við hitt og þetta kvikindið í öllum stigum bankakerfisins, gengu oftar en ekki út á  eintal við brjóstin á mér. Á mig var allavega ekki hlustað. Svo les ég frétt um Sigurð G. Guðjónsson og Sigurjón Þ. Árnason og ... og svei mér þá ef ég dáist ekki af manninum/mönnunum fyrir hámark ósvífninnar. Allavega ósvífni dagsins. Umræddur/ir er með hausinn svo svaðalega fastann í eigin rassi...að hann hefði ekki einu sinni tekið því hvað ég er með flott brjóst!!!    

Athugasemdir

[Sigrún Jónsdóttir, 13.6.2009 kl. 16:25]

Yndisleg færsla...takk kærlega fyrir mig

[Heiða Þórðar, 13.6.2009 kl. 16:30]

[Páll A. Þorgeirsson (IP-tala skráð) 13.6.2009 kl. 17:27]

.....hausinn svo svaðalega fastann í eigin rassi....

Ég hefði nú frekar farið til Evu Joly  nei ég meina Jónínu Ben. með "rassinn", er ekki gerð "hreinsun" þar 

[ASE (IP-tala skráð) 13.6.2009 kl. 17:51]

Takk fyrir mig, svo gott að hlægja ;-)

[Heiða Þórðar, 13.6.2009 kl. 19:27]

hahaha! þú meinar að ennþá er einhver "skot" eftir?

....já vá; elska að hlæja!

[Aprílrós, 13.6.2009 kl. 19:32]

Það er alltaf jafn gaman að lesa færslurnar þínar elska ;)

Eigðu góða helgar rest ;)

[Óskar Þorkelsson, 13.6.2009 kl. 19:37]

:) þú ert bara snillingur .. og brjóstin þín eru of mikils virði til að einhver bankadrusla fái að horfa á þau.

[Steingrímur Helgason, 13.6.2009 kl. 19:57]

Þegar þú hraunar þá ertu æði...

[Andrés Kristjánsson, 13.6.2009 kl. 20:34]

Frábær færsla....:D

[Marinó Már Marinósson, 13.6.2009 kl. 20:37]

Jebbbbb  Þú ert alveg milljón.  

[Katrín Ósk Adamsdóttir, 13.6.2009 kl. 21:22]

Flott færsla hjá þér Heiða mín :) Maður þekkir einmitt þetta augntillit sem maður fær sent ef kennit.er gefin upp ://

8C52DDD3-7385-6DA1-624F-A7AEFBAAC3C4

1.02.28

[Hrönn Sigurðardóttir, 13.6.2009 kl. 21:30]

...aldrei að skrifa uppá fyrir meiru en þú getur borgað! Súrt en satt.

[Ásdís Sigurðardóttir, 13.6.2009 kl. 21:35]

Flott hjá þér elskan, en ég hélt að þú værir of ung til að hafa haft samskipti við leiðinda bankastjóra, voru ekki komnir þjónustufulltrúar þegar þú varst farin að slá lán.  ??

[Heiða Þórðar, 13.6.2009 kl. 21:53]

hehe Ásdís...nei ekki svo mjög ung sko....annars var ég 16ára þegar ég fékk minn fyrsta víxil sko...

[Þórarinn Þ Gíslason (IP-tala skráð) 14.6.2009 kl. 15:01]

Hæ, Heiða.

Já,þetta með Jón séra Jón og Jónínu er ekki gott.

Nú er fínt að vera sem allra allra óheiðarlegatur/legust og fá lof um sig í blöðin. Fá diplopassan frá Ríkisstjórninni.

Ég er að fara til somewhere in the nowhere...eru mem !

mabk.

[Magnús Geir Guðmundsson, 15.6.2009 kl. 13:02]

Brjóst eru vand með farin.

Þau eru djásn sem dýrlegt er að sjá og sökkva í.

En Sigurð G. eigi sé sjá þín

og sennilega ekki mig heldur!?